Di Wikipedia, e ensiklopedia liber
E artikulo aki ta skirbi na
papiamentu
. Lo ta apresia si por mantene e artikulo aki na estilo di
papiamentu
.
Isaias Samuel (Iyo) Pimentel
(☆
16 di februari
1933
na
Willemstad
- †
26 di yuni
2017
na
Korsou
) tabata un tenista internashonalista
kurasoleno
-
venezolano
. E tabata aktivo di 1952 te 1974, partisipando den torneonan internashonal ront mundu. El a gana seis titulo profeshonal den single i na 1961 a alkansa e kuarto final single den e kampeonato mundial di Wimbledon.
[1]
Iyo Pimentel a nase i lanta den bario di
Skalo
. Su mayornan tabata
venezolano
; su ruman Ramon tabata hunga tenis. Den ananan sesenta i setenta su sobrinonan,
Humphrey Hose
, tabata tenista profeshonal i
Robert Hose
tabata hungado di pinpon internashonal. Iyo tabata hunga beisbol i tabata picher pa Los Tigres.
[2]
Aunke futbol tabata su deporte favorito tenis tambe tabata atrae. Ku dies ana el a kuminsa praktika tenis i tabata frekuenta Curacao Sport Club (CSC), ku e tempu ei tabata situa den Skalo.
[3]
Ku diestres ana el a titula kampeon hubenil di Korsou i ku diesseis ana kampeon klase A. Despues el a representa e isla, entre otro na
Mexico
,
Surnam
i den torneonan sentroamerikano.
Hungando na Venezuela desde 1951 Pimentel a gana varios torneo i a titula kampeon nashonal na 13 okashon.
[4]
El a forma parti di e selekshon venezolano partisipando na diferente kampeonato internashonal i regional. Na e edat di bintisinku ana Pimentel tabata number diesseis riba e tabla di rango mundial.
[5]
Entre 1955 i 1965 el a hunga na Roland Garros, US Open i Wimbledon i tabata alkansa por lo menos e di tres buelta. Den 1961 el a alkansa e kuarto final di Wimbledon. Ku esaki el a bira miembro di “The last 8 Club” di Wimbledon. Den Kopa Davis el a hunga diesdos wega pa Venezuela, kual tur el a perde.
Despues di su karera deportivo el a regresa Korsou i durante 25 ana a duna les na hubentut di CSC, awendia situa na Damacor.
[1]
Despues di un kaida el a stop di hunga na 1999.
Iyo Pimentel a fayese na su isla natal dia 26 di yuni 2017 na edat di 84 ana.
Na su honor a duna su nomber na un di e kanchanan di CSC i un kaya den bario di Zapateer a keda batisa "Kaya Isaias Iyo Pimentel". Desde dekada 1980 ta organisa na Korsou e torneo di tenis: "Kopa Iyo Pimentel".
- Roland Garros
- partisipashon na 1955, 1956, 1958, 1960, 1962, 1964, 1965,
- miho resultado: R32 na 1958 i 1961
- Wimbledon
- partisipashon na 1955, 1956, 1957, 1958, 1961, 1962, 1964, 1965
- miho resultado: kuarto final na 1961
- US Open
- partisipashon na 1959, 1960, 1964
- beste resultaat: R32 na 1960
- Conde de Godo, partisipashon na 1956
- Caribbean Hilton championships, partisipashon na 1958
- Kampeonato internashonal di Kennemerland (
Hulanda
), partisipashon na 1965