E artikulo aki ta skirbi na
papiamentu
. Lo ta apresia si por mantene e artikulo aki na estilo di
papiamentu
.
Antia Hulandes
of
Antia Neerlandes
(na
hulandes
:
De Nederlandse Antillen
), tabata for di
15 di desember
1954
te
10 di oktober
2010
un pais den
Reino Hulandes
. Inisialmente e tabata konsisti di seis isla i for di 1986 di 5 isla karibense despues ku
Aruba
a atkiri su status aparte. E islanan di Antia Hulandes tabata konsisti na nan luga di dos grupo di isla den
Laman Karibe
ku ta forma parti di
Antias Menor
: e
islanan di Sotavento
i e
islanan di Barlovento
(
Islariba
). Na 2010
Korsou
i
Sint Maarten
a bira paisnan autonomo den Reino Hulandes i
Saba
,
Sint Eustatius
i
Boneiru
a bira munisipio spesial hulandes. E ekonomia di e islanan ta depende primordialmente di
turismo
i
petroleo
.
E
spanonan
tabata e prome Oropeonan pa establese nan mes riba e islanan (pa abou:
Alonso de Ojeda
,
1499
; pa ariba:
Cristobal Colon
,
1493
). Den e
siglo 17
, e
West-Indische Compagnie
a konkista e islanan e a uza nan komo base pa negoshi di katibu. Esaki tabata aboli na ana
1863
.
Na ana
1954
, e islanan tabata promovi di
kolonia
pa parti di e
Reino di Hulanda
komo un
estado asosia
.
Aruba
tabata parti di Antia te ku
1986
, ora el a hana "status aparte" i a bira un parti apart den e reino.
Remplasando e areglo di estado interino a keda proklama dia 29 di mart 1955 e
Konstitushon di Antias Hulandes
mediante un medida general di reino (
algemeen maatregel van rijksbestuur
).
E hefe di estado
tabata e
rei
di Reino Hulandes, ku den
Antia
ta representa pa un
gobernador
. E gobernador tambe ta na kabes di e gobiernu lokal, i huntu ku e ministernan ta forma parti di e poder ehekutivo di gobiernu.
E kurpa legislativo tin dos parti. Delegashonnan di e islanan ta representa den gobiernu antiano, pero kada isla tin su mesun gobiernu insular ku ta goberna riba un base diario.
Den
2004
un komishon di e gobiernunan di Antia i di
Hulanda
a reporta riba e futuro di e Antia Hulandes. E komishon a avisa un revishon di e
Statuut pa e Reino Hulandes
pa desolbe e pais Antia Hulandes.
Korsou
i
Sint Maarten
lo forma dos
estadonan asosia
nobo.
Boneiru
,
Saba
i
Sint Eustatius
lo bira parti di
Hulanda
komo isla di reino. Riba
28 di november
,
2005
, e gobiernu hulandes a yega na un akuerdo ku e gobiernunan di tur e islanan, ku lo hasi tur lokual e komishon a konklui realidat pa yuli
2007
.
E dos grupo di islanan di Antia Hulandes ta:
- E islanan pa abou (
Benedenwindse Eilanden
):
- E islanan pa ariba (
Bovenwindse Eilanden
):
E islanan pa ariba tur ta di origen volkaniko i tin hopi
seru
, ku no ta laga hopi luga pa
agrikultura
. E islanan pa abou ta di origen meskla, di
volkan
i di koral. E punto mas haltu ta
Mount Scenery
, 862 meter, na
Saba
. Esaki ta e punto mas haltu den henter
Reino Hulandes
tambe.
Turismo
, transportashon di petroleo i refinamentu di zeta (na Korsou), i tambe negoshinan "offshore" ta forma gran parti di e ekonomia di e islanan. E islanan tin un bon ganashi per capita i un bon infrastruktura kompara ku otro pais den e region. Kasi tur karga (kapital i pa konsumido) ta importa, gran parti di esaki ta di
Venezuela
,
Merka
,
Mexico
i
Hulanda
, ku ta provee e islanan ku sen tambe. Tera inadekuado i insufisiente awa ta hasi e desaroyo di
agrikultura
difisil. E florin antiano tin un balor fiha na e
dollar merikano
(1,79:1).
Mayoria antiano ta desendiente di kolonistanan europeo i di
katibu
afrikano
ku tabata importa i bendi aki di siglonan
17
pa
19
. E sobra di e poblashon a bini di otro isla den Karibe,
Amerika latino
,
ost Asia
i di otro parti di mundu.
Papiamentu
ta e idioma dominante na Korsou i Boneiru (i tambe Aruba). E
idioma krioyo
aki a forma di
hulandes
,
spano
,
ingles
i
portugues
.
Ingles ta e idioma mas komun riba e islanan pa ariba (St. Maarten, Saba i St. Eustatius). Spano ta birando e di dos idioma riba e islanan pa ariba, mas tantu na St. Maarten.
Maske e idioma ofisial ta hulandes, e gobiernu antiano ofisialmente ta rekonose e uzo di ingles i
papiamentu
. Tambe, maske e legislatura ta na hulandes, diskurso den parlamento ta na ingles of papiamentu.
Gran parti di e poblashon ta
kristian
, mas tantu
katoliko
. Korsou tambe tin un minoridat
hudiu
ku ta desendiente di un grupo di hudiu
Sefardi
ku a bini di Amsterdam i
Brazil
na ana
1654
.
Den e ultimo dekadanan, hopi antiano hoben i eduka a emigra pa Hulanda, ku ta laga e islanan ku un problema sosial-ekonomiko grandi. Sinembargo, den ultimo ananan, hopi hende di
Republika Dominikano
,
Haiti
,
Karibe anglofoniko
i
Colombia
a imigra pa Antia.
E origen di e poblashon i unda e islanan ta situa ta duna Antia un kultura meskla. Turismo i un presensia dominante di e media
merikano
a yuda e influensia merikano krese. Mes kos ku otro pais den
Karibe
i
Amerika latino
, riba tur e islanan,
Karnaval
ta un evento importante.