Lo
virus de Zika
(
ZIKV
) es un
virus
del
genre
Flavivirus
, de la
familha
Flaviviridae
, grop IV de l'ordre sens classificar.
[1]
A d'interes en medecina per produire la
febre de Zika
La febre Zika es una malautia relativament novela, un membre de la
familha
Flaviviridae
. Lo virus foguet identificat pel primier cop en 1947 dins los boscs de Zika, en
Oganda
e foguet demostrat coma essent un vius per d'estudis serologics en 1952. Es conegut coma un virus comun de la classe
Flaviviridae
, subretot en l'
Africa
, mai en
2007
faguet
epidemia
per l'
ocean Pacific
, toquet de paises coma
Malaisia
i
Micronesia
, ont i a las
Illas Yap
.
[2]
Una epiemia de febre Zika foguet confirmat en abril de 2015, en
Brasil
, dins la vila de
Salvador de Bahia
, provat amb la tecnica de RT-PCR.
[3]
Lo virus a son terren en l'Africa, mas existis tanben en
Malaisia
e
Micronesia
, comprenent l'
illa Yap
, d'abril en julhet de 2007. E en 2015, Brasil informet oficialament los sieus primiers 16 cases de la malautia.
[4]
Lo primier cas conegut de febre de Zika foguet documentat dins un monard Rhesus (
Macaca mulata
), trobat dins un arbre del Bosc Zika a Oganda en 1947. Fogueron notificats unas epidemias en Africa tropicala e dins unas zonas del sud-est asiatic.
[5]
La primier apidemia importanta, amb 185 cases confirmats, foguet reportat en 2007 dins las
Illas Yap
dels
Estats Federats de Micronesia.
Foguet lo primier cop de febre de Zika reportat fora d'Africa e Asia. En 1978 se descriguet una pichona epidemia de febre aguda a Indonesia a causa de l'infeccion pel virus de Zika.
Dins los Estats Federats de Micronesia (FSM), d'abril a julhet de 2007, un total de 108 cases fogueron confirmats per
PCR
o mejancant una
serologia
, los 72 cases addicionals fogueron considerats coma suspectes. Los simptomas mai comuns fogueron
erupcion
,
febre
,
artralgias
e
conjuntivitis
, se notet pas de morts. Es lo moissal
Aedes hensilli
, especia predominanta identificada a Yap, que benleu foguet lo
vector
mager de transmission. Alara que lo biais d'introduccion del virus dins l'illa de Yap es totjorn incertan, benleu arribet amb de moissals infectats o un uman portaire.
[6]
Lo 27 de novembre de 2015, l'OMS lancet una alerta per la possibla relacion d'aquel virus amb la microcefalia.
[7]
L'OMS detalhet que fins lo 30 de novembre de 2015, eran detectats 1.248 cases de microcefalia dins 14 estats de Brasil, que s'estan estudiats.
Segon l'informacion, dins aquel pais l'incidencia de microcefalia en nenous a aumentat de 20 cops dempuei l'an 2010. Ongan, s'enregistret 5 cases cada 100 mil naissencas. Cinc ans mai tard s'eran enregistrat gaireben 100.
Las autoritats sanitarias brasilianas comenceron a suspectar en novembre de 2015 que la causa d'aquela multiplicacion dels cases de microcefalia es lo virus de Zika. Lo 17 de novembre, l'Institut Osvaldo Cruz detectet lo virus zika en doas femnas emprenhadas de Paraiba, dels fetus se diagnostiquet de microcefalia.
Lo 28 de novembre de 2015, l'Institut Evandro Chagas, de las malautias tropicalas, tornet detectar lo virus de Zika dins la sang d'un nenon de l'estat de Para, qu'avia la microcefalia e d'autras anomalias, e que moriguet cinc minutas apres la naissenca. Dins aquela escasenca lo Ministeri de Santat de Brasil establiguet pel primier cop la relacion entre lo virus e la microcefalia, alara foguet lancada l'alerta per l'agencia de Vigilancia en Santat Publica. Lo meteis jorn, l'entitat notifiquet tres morts associadas a l'infeccion pel virus de Zika, dos adults e un recent nascut. Lo primier cas fatal es un adult, masculin sens problema neurologic amb diagnostic de Lupus eritematos, istoria d'usatge cronic de corticoids, artritis reumatoid e alcoolisme. Foguet sospechada la
dengue
, mas, lo diagnostic final en laboratori confirmet l'infeccion pel virus Zika amb la tecniciana RTp-PCR. Foguet detectat lo genoma del virus de Zika dins mostra de sang, cervel, fetge, melsa e en un ensems de visceras (ren, palmon e cor). En mai foguet realizat una sequenciacion parciala del virus identificant lo zika. Lo segond cas fatal es de sexe femenin, 16 ans d'edat, de la municipalitat de Benevides, dins l'estat de Para. Presentet pas problema neurologic, intrada al servici espitalier amb sospecha de dengue. Comenceron los simptomas lo 29 de setembre de 2015 (cefalea, nauseas e petequias) e moriguet a la fin del mes d'octobre. Foguet confirmat l'infeccion per virus Zika amb tecnica RTp-PCR. Lo tresen cas fatal es lo recent nascut que lo cas es decriu mai naut.
Fins al 1er de decembre de 2015, 9 Estats membres de l'
Organizacion Panamericana de la Santat
avian confirmat circulacion autoctona del virus de Zika:
Brasil
,
Chile
(dins l'Illa de Pascas),
Colombia
,
Lo Salvador
,
Guatemala
,
Mexic
,
Paraguai
,
Surinam
e
Venecuela.
[8]
La primiera circulacion autoctona de virus de Zika (ZIKV) per las Americas foguet confirmada en febrier de 2014 dins
Illa de Pascas
, Chile. La presencia del virus se detectet fins a junh d'aquel meteis an dins aquel airal.
En mai de 2015, se confirmeron los primiers cases de transmission autoctona al Brasil. Fins al 1er de decembre de 2015 un total de 18 Estats confirmeron circulacion autoctona del virus: Region Nord (Amazonas, Para, Rondonia, Roraima e Tocantins), Region Nord-est (Alagoas, Badia,Ceara, Maranhao, Paraiba, Pernambuco, Piaui e Rio Grand don Nord), Region Sud-est (Espirito Santo, Rio de Janeiro e Sao Paulo), Centri-Oest (Mato Grosso) e Region Sud (Parana) (1).
En octobre de 2015 las autoritats de santat de Colombia notifiqueron la deteccion del primier cas autocton d'infeccion pel virus de Zika dins lo departament de Bolivar. Fins a decembre de 2015, 26 de las 36 entitats territorialas confirmeron la circulacion autoctona del virus. Colombia es al cap de lista dels infectats amb 578 diagnosticats sus 3170 reportats dins la region, Nord de Santander reporta la mai granda quantitat d'infectats amb 350 e 500 cases estudiats en genier de 2016. E mai, en novembre de 2015, Salvador, Guatemala, Mexic, Paraguai, Surinam e Venecuela confirmeron de cases de transmission autoctona.
[8]
Se transmet apres la fissada d'un moissal del genre Aedes, coma lo Aedes Aegypti, que causa la
dengue
.
Lo virus Zika se pot identificar amb una prova de RT-PCR sus de pacients grevament malauts e per serologia mejancant la deteccion d'anticosses IgM especifics a comptar del cinquen jorn apres a l'apareission de la febre. Es possible que se presenten de reaccions serologicas crosadas amb d'autres flavivirus estretament ligats, coma la
dengue
.
[9]
[10]
Lo virus Zika es un flavivirus transmes per moissals estretament proche al virus de la dengue. Lo virus foguet isolat pel primier cop en 1947 a comptar d'un monard dins lo bosc Zika, Oganda.
Es establit que lo virus se transmet pels moissals, qu'alara lo contrarotle del vector es un element essencial per reduire l'incidencia de la malautia.
- ↑
"Zika virus: Health alerts in South America and Caribbean following fears illness may causi birth deformities"
(angles)
- ↑
RSOE
- ↑
≪
Identificat virus causador de doenca misteriosa em Salvador i i en venezuela i en altres paises RMS
≫, 29 d'abril de 2015.
- ↑
Globo News May 14, 2015, Brazilian Health Ministry confirms first casis of zika in two states,
http://g1.globo.com/bemestar/noticia/2015/05/ministerio-da-saude-confirma-16-casos-de-zika-virus-no-brasil.html
- ↑
Simpson, DIH.
- ↑
Error de citacion : Balisa
<ref>
incorrecta ;
pas de texte per las referencias nomenadas
content.nejm.org
.
- ↑
≪
ZIKA
≫.
- ↑
8,0
et
8,1
≪
1 de desembre de 2015: Sindrome neurologica, anomalies congenites i infecion per virrus Zika.
- ↑
Faye O, Faye O, Dupressoir A, Weidmann M, Ndiaye M, Alpha Sall A. ≪One-step RT-PCR for detection of Zika virus≫.
- ↑
≪
Genetic and serologic properties of Zika virus associated with an epidemic, Yap State, Micronesia, 2007
≫.