Lei
Seljoquidas
son una
dinastia
turca
de l'
Edat Mejana
que dominet la mager part de l'
Orient Mejan
e dau mond
musulman
entre lei segles XI e XIII. Per extension, en causa dau rotle major tengut per aquel ostau, lo terme s'utiliza per designar totei lei pobles turcs occidentaus durant aqueu periode.
Originaris d'
Asia Centrala
, lei Seljoquidas migreron vers
Persia
. Inicialament
mercenaris
per lei poissancas localas, conquisteron un territori independent avans de venir lei protectors dau
Califat Abbassida
en
1055
. Pasmens, la dinastia principala, dicha ≪ Grands Seljoquidas ≫, declinet rapidament en causa de la fragmentacion de son territori. Dispareguet un segle pus tard. Dins aquo, diversei princes Seljoquidas fonderon de dinastias localas. La pus poderosa foguet aquela dau
Sultanat de Rom
que prenguet pauc a pauc lo contrarotle de la mager part d'
Anatolia
. Se mantenguet fins au comencament dau
segle XIV
e tenguet un rotle important dins lei
Crosadas
e dins lo declin de l'
Emperi Bizantin
.
Dich
Seljok
(†
1009
) era lo fiu d'un cap
militar
d'una tribu deis
Oghuzs
Qiniq, un poble turc que fasia partida d'una confederacion de
clans nomadas
installats entre la
Mar Caspiana
e la
Mar d'Aral
. Per de rasons desconegudas, son paire quitet aquel ensemble e anet s'installar dins la region de
Sirdaria
. Pasmens, vers
985
-
986
, lo clan deguet abandonar l'endrech en causa de la pression militara dei
Chines
o d'autrei tribus
nomadas
. Migret vers lo sud e intret en
Transoxiana
sus lo territori de l'
Emperi Gaznevida
. Segon una tradicion ben establida, la tribu se convertiguet a l'
islam
e intret au servici dau sultan
Mahmud de Ghazni
(
997
-
1030
) coma auxiliars dins son
armada
.
Pasmens, la tribu aprofichet tanben lei tensions entre leis autrei dinastias de la region per trobar d'emplegaires. En particular, participet ai conflictes entre lei
Samanids
e lei
Karakhanids
. Aquo li permetet de renforcar sa presencia en
Transoxiana
e sa poissanca militara. Vers
1035
, aquo entrainet una guerra contra lei
Gaznevidas
que s'inquieteron finalament de la poissanca de sei vassaus. Pasmens, apres cinc ans de combats, lei Seljoquidas s'impauseron e prengueron lo contrarotle de
Khorasan
. Puei, durant lo reine de
Toghrul Beg
(
1038
-
1063
), conquisteron
Nichapur
(
1038
), la region de
Kharezm
(
1042
),
Hamadan
e
Ispahan
(
1051
). Aquela darriera
vila
venguet la
capitala
de la
dinastia
.
Diplomata
e cap militar avisat,
Toghrul Beg
comprenguet ben lei tensions dau mond
musulman
dau periode. D'efiech, l'
ortodoxia
era forca contestada per de movements
chiitas
extrems a l'origina de revoutas recurrentas. Lo cap Seljoquida prepauset donc sei servicis au
califa abbassida
de
Bagdad
. En
1055
, ocupet la vila, venguet lo protector dau sobeiran e recebet lo titol de
sultan
. Aqueu succes li donet un prestigi considerable, li permetet de legitimar son poder e li donet la possibilitat de menar de guerras novelas au nom dau
califa
.
La dinastia que reinet sus l'emperi fondat per
Toghrul Beg
es dicha ≪ Grands Seljoquidas ≫ en causa de l'extension de son territori que s'estendiguet d'
Anatolia
a l'
Asia Centrala
. Successor de
Toghrul Beg
,
Alp Arslan
(
1063
-
1073
) ataquet l'
Emperi Bizantin
tre lo comencament de son reine. La violencia de seis incursions entrainet una reaccion importanta de l'emperaire
Roman IV Diogen
(
1068
-
1071
) mai lei Seljoquidas lo captureron a la
batalha de Mantzicert
(
1071
). Aquo entrainet una crisi politica a
Constantinoble
e una
guerra civila
entre
Bizantins
. Aprofichant aqueu caos, lei Turcs s'installeron solidament en
Anatolia Centrala
avans d'atacar lei vilas dei zonas
litoralas
.
Malik Chah
(1073-1092]]), fiu d'
Alp Arslan
, prenguet ansin
Nicea
en
1078
e menacet directament la
capitala
bizantina
.
Pasmens, lei Seljoquidas comenceron de faciar de problemas per dirigir son emperi. D'efiech, conquistat trop rapidament, avia pas d'administracion vertadiera e plusors caps locaus eran a assaiar de formar de principats autonoms. A la mort de
Malik Shah
en
1092
, aqueu proces de fragmentacion era ja ben avancat. Lo reine breu de son fiu,
Mahmud I
er
(
1092
-
1094
), agravet la situacion. La division venguet oficiala en
1118
.
Ahmad Sanjar
(
1118
-
1157
) restauret finalament l'autoritat dei Grands Seljoquidas en
Khorasan
e en
Transoxiana
. Pasmens, a partir deis
ans 1150
, lo declin Seljoquida permetet ai tribus nomadas d'
Asia Centrala
de se revoutar e
Ahmad Sanjar
foguet finalament vencut per
Khwarezm
.
Lo periode dei Grands Seljoquidas aguet d'efiechs sus l'eleit turc dau periode. D'efiech, laissant l'administracion ai pobles locaus, l'eleit turc s'iranizet pauc a pauc e una partida adoptet lo
persan
coma
lenga
. Aquo favorizet la cultura e lei
sciencias
car lei sultans Seljoquidas sostengueron la construccion d'
universitats
o de
mosquetas
e, d'un biais pus generau, lo desvolopament de la vida intellectuala. Pasmens, fogueron pas capables de sometre lei sectas
chiitas
pus fanaticas (especialament lei
Nizarits
) e l'arribada de mai d'una tribu nomada entrainet lo declin de l'
agricultura
dins plusors regions.
La formacion dau Sultanat de Rom es una consequencia de la
victoria turca de Mantzicert
en
1071
. Desiros d'aprofichar aqueu succes e d'alunchar de tribus nomadas pauc disciplinadas, lei sultans
Alp Arslan
e
Malik Shah
encoratjeron lo movement. Dins aquo, plusors
vilas
bizantinas
, especialament
Constantinoble
, resistigueron gracias a sei
fortificacions
, co que menet a la formacion d'una zona instabla constituida de plusors principats tribaus mai o mens
independents
. Descendent de
Seljok
eu meteis, lo fondator de la
dinastia
Seljoquida, lo cap
Sulayman ibn Kutulmish
(
1077
-
1086
) aprofichet lo prestigi de seis originas per renforcar son territori que venguet pauc a pauc l'Estat pus poderos de la region sota lo nom de Sultanat de Rom. Lo terme ≪ Rom ≫ ven de
Roman
e indica la presencia forta de populacions ≪ romanas ≫, es a dire originarias de l'
Emperi Roman d'Orient
dins la region. Pasmens, en causa de sa poissanca creissenta, lo Sultanat deguet longtemps faciar l'ostilitat d'autrei tribus turcas installadas en
Anatolia
.
En mai de sei liames amb lei
Grands Seljoquidas
,
Sulayman ibn Kutulmish
aprofichet sa bona comprenenca deis enjocs regionaus. S'aliet donc amb l'emperaire
bizantin
Alexis I
er
Comnen
(
1081
-
1116
). Aquo li permetet de gardar lo contrarotle de
Nicea
que venguet sa
capitala
. Puei, ataquet leis autrei caps anatolians. Ocupet ansin una partida importanta de la
peninsula
e la vila d'
Antioquia
. En revenge,
Alep
resistiguet a seis atacas e
Sulayman
moriguet en
1186
durant un assaut contra la vila. A sa
mort
, son fiu
Kilis Arslan
(
1086
-
1107
) era encara menor e poguet pas quitar
Iraq
avans
1192
. Aqueu vuege foguet esplechat per lei
Danishmenditas
, una dinastia fondada a la fin dau
segle XII
dins lo nord d'
Anatolia
, per assaiar de conquistar lei territorias Seljoquidas de la region. Ocuperon un territori relativament important en Anatolia Centrala mai pogueron pas eliminar lo Sultanat.
Lo periode dei Crosadas e l'apogeu dau Sultanat
[
modificar
|
Modificar lo codi
]
A la fin dau
segle XI
, lei Seljoquidas
anatolians
fogueron un adversari important dei
Crosats
maugrat l'absencia de sosten de part dei
Grands Seljoquidas
ja ben afeblits per sei divisions internas. Lo 21 d'octobre, anienteron sensa dificultat la
crosada populara
a la
batalha de Civetot
. Pasmens, apres aquela victoria aisada,
Kilis Arslan
foguet suspres per la combativitat de la ≪
crosada dei barons
≫. Perdiguet ansin
Nicea
en
1096
e foguet batut a
Dorileu
un an pus tard. Aquela desfacha entrainet la perda de l'oest anatolian. D'efiech, permetet ai
Bizantins
de restablir una presencia solida en
Anatolia
e d'i arrestar l'avancada turca durant dos segles.
Aguent compres l'impossiblitat de tornar ocupar lei territoris reconquistats per lei
Crosats
e lei
Bizantins
, lei Seljoquidas garderon l'
Anatolia
Centrala e dirigigueron seis ambicions territorialas vers l'
est
. En
1107
,
Kilis Arslan
prenguet ansin lo contrarotle de
Mossol
. Se proclamet tanben
sultan
mai aquo entrainet una reaccion dei Grands Seljoquidas. Batut,
Kilis Arslan
moriguet durant la retirada de sei tropas. Sei successors chausigueron de renforcar sa presencia en
Anatolia
e de fondar un
sultanat
centralizat
a l'entorn de
Konya
. Ansin, en
1116
,
Masud I
er
(
1116
-
1155
) usurpet lo poder de son paire qu'assaiava d'atacar
Constantinoble
. Son trabalh de construccion li permetet d'esquichar l'expedicion de l'emperaire
Conrad III
en
1147
durant la
Segonda Crosada
. Pus prudent, lo rei
Lois VII
prefiguet demorar long dau litorau e defugir lo territori Seljoquida.
Son successor,
Kilis Arslan II
(
1155
-
1192
) decidet d'unificar l'
Anatolia
musulmana
per renforcar mai lo Sultanat. Per aquo, se declaret inicialament
vassau
de l'
Emperi Bizantin
. Aguent protegit sa
frontiera
occidentala, eliminet lei
Danishmenditas
entre
1172
e
1178
. Lei Bizantins comprengueron alora lo perilh mai lei Seljoquidas resistigueron a la contra-ofensiva menada per l'emperaire
Manual I
er
a la
batalha de Miriocefal
en
1176
.Aqueu combat entrainet una crisi politica dins l'
Emperi
marcada per una succession d'usurpacions e de
guerras civilas
que meneron a la
Quatrena Crosada
. Pasmens, en
1190
, lei Crosats de
Frederic Barbarossa
prengueron brevament
Iconi
[1]
. Pus greu, a la mort de
Kilis Arslan II
, una
guerra civila
aguet luoc entre sei fius.
L'unitat foguet restablida en
1204
sota la direccion de
Kay Khusraw
(
1192
-
1196
e
1204
-
1210
). La meteissa annada, l'
Emperi Bizantin
s'afondret amb la presa de Constantinoble per lei
Crosats
. Aprofichant la feblessa de l'
Emperi Latin
fondat per lei Crosats,
Kay Khusraw
ataquet lei regions litoralas e prenguet
Antalya
,
Sinope
e
Cilicia
. Lo Sultanat obtenguet ansin de
ports
e perseguiguet son avancada durant lo reine de
Kay Qubadh
(
1219
-
1237
amb la presa de
Kalonoros
(
1220
, d'
Erzincjan
(
1228
) e d'
Erzurum
(
1230
).
A son apogeu en
1230
, lo Sultanat de Rom conoguet un declin rapide. Sa causa premiera es l'arribada dei
Mongols
en
Anatolia
Orientala vers
1241
-
1242
. D'efiech,
Kay Khusraw II
(
1237
-
1246
) foguet durament batut a
Kose Dagi
lo 26 de junh de
1243
. Aquo permetet ai
Mongols
de menar d'incursions regularas en
Anatolia
e lo territori Seljoquida se fragmentet.
En
1277
, lei princes Seljoquidas demanderon l'ajuda dau cap mameloc
Baybars
per restaurar son poder. Una importanta armada turca intret en
Anatolia
e bateguet lei
Mongols
a
Elbistan
. Pasmens, sensa sosten de part dei forcas Seljoquidas,
Baybars
se retiret e lei
Mongols
elimineron lei princes rebels. Apres aquela desfacha, lei sobeirans Seljoquidas perdigueron la realitat dau poder au profiech deis
emirs
e dei
visirs
. Reduch a un rotle nominau, la dinastia se mantenguet oficialament fins a
1308
.
La fragmentacion de l'
Emperi Seljoquida
donet tanben naissenca a de dinastias Seljoquidas en
Persia
, en
Mesopotamia
e en
Siria
. Pasmens, aquelei linhadas conogueron un declin rapide e disparegueron dins lo corrent dau segle XII.
Lei
Seljoquidas de Kerman
son una dinastia fondada per
Qara Arslan Qawurd
(
1071
-
1073
), un cosin de
Toghrul Beg
. Durant son reine, prenguet lo contrarotle de la vila de
Kerman
dins lo sud-est de
Persia
e intervenguet en
Oman
e dins la
Peninsula Arabia
. A sa mort, sei successors mantengueron son independencia fins a un periode de crisi que comencet en
1169
. Puei, una guerra civila afebliguet la dinastia que foguet destrucha per una incursion deis
Oghuzs
en
1186
-
1187
.
Lei Seljoquidas d'Iraq son una branca dinastica eissida dei Grands Seljoquidas. Gardet lo contrarotle d'
Iraq
e d'una partida de la
Persia
Occidentala. Tre leis
ans 1130
, sei sultans laisseron lo poder ais
atabeks
, una classa de governadors encargada de l'educacion dei princes Seljoquidas. Aprofichant aqueu declin, lo califa
Ahmad al-Nasir
(
1180
-
1225
) restauret l'independencia deis
Abbassidas
de
Bagdad
entrainant la disparicion dei Seljoquidas d'Iraq en
1194
.
Dins lo corrent deis
ans 1070
, un vassau d'
Alp Arslan
dich
Atsiz ibn Uvak
assaiet de conquistar
Palestina
. Prenguet
Ramla
,
Jerusalem
e
Damasc
. Pasmens, apres
1076
, deguet faciar una contra-ataca dau
Califat Fatimida
. En dificultat, demandet l'ajuda de sei senhors e lei Seljoquidas li manderon una armada dirigida per
Tutush
, un fiu d'
Alp Arslan
. Pasmens,
Tutush
decidet de conquistar lo sieu principat. Conquistet
Damasc
en
1078
e eliminet
Atsiz ibn Uvak
en
1079
. Dins aquo, lo
Malik Shah
, sultan de l'Emperi Seljoquid, s'opauset a seis ambicions e l'empediguet d'ocupar
Alep
. I installet una importanta
garnison
e ne'n fiset lo contrarotle a
Zangi
, lo futur fondator de la dinastia dei
Zangidas
.
A la mort de
Malik Shah
,
Tutush
assaiet d'usurpar lo poder de son successor mai foguet vencut e tuat en
1095
. Pasmens, sei fius
Ridwan
(
1095
-
1113
) e
Duqaq
(
1095
-
1104
) obtengueron lo contrarotle d'
Alep
per lo premier e de
Damasc
per lo segond. Menacadas per lei
Crosats
, aquelei vilas li permeteron pas d'estendre son territori. Au contrari, imiteron lei Seljoquidas d'Iraq e laisseron pauc a pauc lo poder ais atabeks. Tre
1204
,
TughTegin
reverset lo fiu de
Duqaq
e fondet la dinastia dei
Buridas
. Puei, en
1117
, leis abitants d'
Alep
reverseron la dinastia Seljoquida locala per donar lo poder a
Il Ghazi ibn Ortoq
, jutjat pus competent dins lo domeni militar.
- (fr)
Rene Grousset
,
Histoire des Croisades et du Royaume Franc de Jerusalem
, 1934-1936, Plon, 1934.
- (fr)
Rene Grousset
,
L’Empire des steppes, Attila, Gengis-Khan, Tamerlan
, Payot, 1965.
- (fr)
Jean-Paul Roux,
Histoire des Turcs
, Fayard, 2000.
- (fr)
Janine Sourdel e Dominique Sourdel,
Dictionnaire historique de l'islam
, PUF, 2004, pp. 740-743.
- ↑
Pasmens, aquela desfacha aguet finalament pas d'importancia car
Frederic Barbarossa
moriguet durant lo passatge dau riu
Goksu
.