Un article de Wikipedia, l'enciclopedia liura.
Lo
temple de Borobudur
es un edifici
religios
bodista
bastit en
Java
ai segles VIII e IX. Sa bastida aguet luoc a l'iniciativa dau rei
Sanjaya
de la
dinastia Sailendra
. La construccion auria durat de
760
a
830
e l'endrech venguet un
temple
e un luoc de romavatge. Foguet probablament abandonat entre
928
e
1006
, periode que correspond a un desplacament dau poder
javanes
dau centre vers lei regions orientalas de l'illa en causa d'una tiera d'erupcions
volcanicas
. Lo temple foguet en partida enterrat per lei centres e escondut per la
jungle
. Pasmens, foguet pas totalament oblidat per la populacion lcala. En
1814
, una mission de reconoissenca
olandesa
i foguet ansin mandada. Permetet de tornar descubrir l'importancia dau site e de desgatjar lo monument. Apres l'
independencia
d'
Indonesia
, de trabalhs de restauracion comenceron en
1973
amb l'ajuda de l'
UNESCO
.
Construch sus una cola, lo temple a una basa carrada de 123 × 123 m. Quatre galarias geometricas ornadas de bas releus presentant la
vida
de
Boda
permeton d'agantar la cima. Aquela darriera es compausada de tres terrassas que menan a un
stupa
que protegis un estatua inacabada de
Boda
. L'origina d'aquela estructura es desconeguda (acte volontari, escultura inacabada ?). Existis tanben una cinquena galaria, enterrada e normalament inacessibla ai romieus, que representa lei turpituds de la vida terrestra. La rason de sa dissimulacion son pas conegudas (volontat religiosa, besonh de consolidar lei fondacions dau bastiment ?).