Un robot es una mecanica que pot efectuar de tascas autonomas o preprogramadas. Un robot pot agir jos lo contrarotle directe d'un uman o alara d'un biais autonom jos lo contrarotle d'un ordenador programat. Se podon emplegar los robots per tal de realizar d'accions trop perilhosas, dificilas o pesugas pels umans. Son tanben emplegats per de tascas repetitivas que se devon efectuar amb mai de precision qu'o podria far un uman.

Definicion [ modificar | Modificar lo codi ]

S'emplega lo mot de robot per designar un ventalh bel de maquinas. Son trach comun es que totes son capables de movement e se podon emplegar per far de tascas fisicas. Los robots podon esser de mantas formas diferentas, per exemple d'umanoide, imitaires de forma e del biais de se bolegar umans, o de maquinas industrialas, que son aparencia dependra de sa foncion.

Los robots se podon contrarotlar directament per un uman, o podon agir en foncion de sas proprias decisions gracias a son intelligencia artificiala .

Lo mot robot s'emplega tanben dins un sens general per se referir a las maquinas qu'imitan las accions dels umans, fisicament o intellectualament. Ven de la lenga checa e d'un mot eslovac robota , ≪trabalh manual o trabalh ≫ . Aqueste mot apareguet per la primiera vegada dins una peca de teatre de Karel ?apek en 1921. Foguet probablament inventat pel fraire de l'autor, lo pintre Josef ?apek . Aquel mot se popularizet puei en Occident gracias al celebre escrivan de sciencia-ficcion Isaac Asimov .