La Revouta dei Boxers se debanet en China de novembre de 1899 a setembre de 1901 . Foguet un movement d'insurreccion qu'era inicialament opausat a la dinastia mancho , a la politica de reformas dau govern e la presencia estrangiera sus lo territori. A partir dau comencament de l'annada 1900, lo govern de Cixi assaiet d'utilizar lo movement unicament contra la presencia occidentala. D'Europeus e de Chines crestians fogueron massacrats per la foga durant tot aqueu periode, subretot apres lo comencament dei combats. En junh, lei missions diplomaticas europeas installadas dins la capitala fogueron enceucladas per lei tropas regularas chinesas e lei membres dau movement dei Boxers. Lo 21 de junh de 1900, lei Occidentaus formeron una alianca granda dicha deis Uech Nacions e decidigueron la guerra. Lo 4 d'aost, acomenceron una ofensiva en direccion de la capitala. Maugrat una resistencia chinesa acarnada a Peitsang (5 d'aost), Yang Tsun (6 d'aost) e a Tongzhou (12 d'aost), Pequin es atacada e conquista lo 14 d'aost. Lo govern chines deguet ajudar leis Europeus dins la repression de la revouta que s'acabet solament en setembre de 1901.