Lo Plan Marshall foguet un plan estatsunidenc d'ajuda economica ai pais d' Europa Occidentala organizat apres la Segonda Guerra Mondiala per lo generau George Marshall . Son objectiu era lo redreicament rapid deis economias dei pais d'Europa Occidentala per limitar lei dificultats causadas per lei destruccions e l'influencia dei Partits Comunistas locaus. Se leis estats comunistas foguesson pas excluchs d'aqueu plan, lei condicions de contentar eran pas acceptablas per Mosco. Ansin, l'ajuda estatsunidenca foguet solament acceptada per lei pais sota influencia de Washington. Foguet un succes per leis Estatsunidencs car l'economia d'aquelei pais se restauret rapidament e l'influencia comunista limitada. En revenge, lo plan participet a la formacion dau blot de l'Oest e a l'entrainament de la Guerra Freja .