Un article de Wikipedia, l'enciclopedia liura.
Petroliers en cors de cargament dins lo
Gof Persic
(
Iran
,
1967
).
Un
petrolier
(var.
petroler
,
petrolier
) es un
naviri cisterna
destinat au transport de
petroli
e d'
idrocarburs
liquids
. En causa de l'importancia dau
petroli
per l'economia mondiala dempuei l'acomencament dau segle XX, son un element essenciau dau comerci internacionau. En
2013
, aperaqui 17 475 petroliers eran en servici.
Apareguet dins lo corrent de la segonda mitat dau segle XIX ambe lo desvolopament de l'esplecha dau
petroli
. Lei premiers petroliers eran de
naviris
dotats de servas internas. Pasmens, en causa de l'existencia d'un espaci entre lei servas e la coca onte lei vapors d'idrocarburs podian s'acampar, l'usatge d'aquelei naviris era forca perilhos. En
1886
, foguet donc bastit lo premier petrolier vertadier, dich
Gluckhauf
, que tenia de cisternas delimitadas per la coca. Per la seguida, fins a l'accident de l'
Exxon Valdez
en
1989
, l'estructura generala dei petroliers foguet gaire modificada mai la talha aumentet d'un biais important. Ansin, lo
Seawise Giant
, bastit en
1975
e modernizat en
1981
, podia transportar 564 650 tonas contra 3 500 per lo
Gluckhauf
.
Pasmens, la multiplicacion dei
mareias negras
a la fin dau segle XX entrainet l'aparicion dau petrolier de coca dobla ambe l'ajust d'un espaci liure entre la cisterna e la coca. Aqueu tipe de
naviri
permet de limitar lei riscs de
mareia negra
mai entraina lo retorn dei riscs d'acampament de vapors explosivas dins l'espaci liure e necessita donc una entretenenca pus importanta. Son utilizacion es obligatoria en
America
dau Nord e en
Europa
.
