Un article de Wikipedia, l'enciclopedia liura.
Fotografia
d'un M113 estatsunidenc en
Iraq
en
2004
.
Lo
M113
es un
veicul de transport de tropas
desvolopat per leis
Estats Units d'America
dins lo corrent deis annadas 1950 e intrat en servici en
1960
. Gracias a l'influencia estatsunidenca, un cost feble e una mantenenca aisada, foguet un succes important ambe 100 000 unitats fabricadas e una produccion totjorn en cors. Cinc versions principalas (M113, M113A1, M113 A2, M113A3 e M113ACAV) e de centenaus de versions localas existisson.
Aperaqui 50 pais utilizeron o utilizan totjorn lo M113 que participet a mai d'un conflicte major coma la
Guerra de Vietnam
, la
Guerra de Kippour
, lei guerras indopaquistanesas de
1965
e
1971
, lei guerras estatsunidencas en
Iraq
, lei guerras de
Liban
o la
Guerra Civila Siriana
. I a demostrat una mobilitat e una fisabilitat importantas mai son
blindatge
es vulnerable ais armas anticarris. Ansin, certaneis armadas l'utilizan plus coma veicul de premiera linha o desvolopan de versions dotadas de proteccions renforcadas.
