John Ronald Reuel Tolkien , mai conegut coma J. R. R. Tolkien ( Bloemfontein , Africa del Sud , 3 de genier de 1892 - Bournemouth , 2 de setembre de 1973 ) foguet un filolog , escrivan e poeta britanic . Es conegut mai que mai per son obra mager: Lo Senhor dels Anels . Sos libres vengueron un vertadier succes dins lo mond anglosaxon durant las annadas 1960. Laisset un nombre important de material inedit que son filh Christopher Tolkien a publicat parcialament al long dels ans.

Era un catolic fervent. Amic proche de C. S. Lewis , fasia partida coma el del grop literari dels Inklings . En 2008, The Times lo classifiquet seisen dins una lista dels cinquanta autors britanics mai importants dempuei 1945 (en angles : "The 50 greatest British writers since 1945"). La revista Forbes lo situet dins las cinc primieras celebritats mortas que creeron mai de beneficis en 2009.