Guerra d'Ivern
Descobridor o inventaire
Data de descoberta
Contrari
Color
Simbol de quantitat
Simbol d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Informacions generalas
Data	30 de novembre de 1939 - 13 de marc de 1940
Luoc	Regions orientalas de Finlandia
Casus belli	Exigencias territorialas sovieticas de rectificacion de la frontiera refusadas per Finlandia
Cambiaments territorials	Conquista sovietica de Carelia, de Salla e de la lenga de Rybachi ( tractat de Moscou )
Eissida	Victoria sovietica
Belligerants
URSS	Finlandia
Perdas
127 000 tuats	23 000 tuats
Batalhas
Tolvajarvi ? Suomussalmi ? Kelja ? Taipale ? Summa ? Rota de Raate ? Kuhmo ? Honkaniemi ? Kollaa ? Salla ? Petsamo

La Guerra d'Ivern se debanet dau 30 de novembre de 1939 au 13 de marc de 1940 e opauset l' URSS a Finlandia . S'acabet per una victoria sovietica malaisada qu'entrainet la perda de diversei territoris frontaliers per lei Finlandes.

Aquela guerra foguet entrainada per la revirada de negociacions entre lei dos pais en 1939 . En causa dei menacas de guerra entre Sovietics e Alemands , lei Sovietics eran desiros de renforcar lei defensas de la vila de Leningrad , segonda vila dau pais, qu'era forca procha de la frontiera. Demanderon tanben lo drech d'installar de basas navalas dins lo sud dau pais. Lei Finlandes refuseron totei lei preposicions de Moscou e finalament, Stalin ordonet d'atacar Finlandia en novembre de 1939.

La guerra comencet lo 30 de novembre de 1939 amb una ataca generala de l'Armada Roja sus la frontiera. L'URSS foguet condamnada per la Societat dei Nacions sensa consequencia vertadiera e Frances e Britanics assaieron tanben d'organizar sensa succes una forca per ajudar lei Finlandes. Mau equipadas e mens nombrosas, lei forcas finlandesas capiteron de resistir gracias a la topografia malaisada de la region, a la conoissanca dei tecnicas de subrevida dins lei regions polaras e ais errors de comandament sovieticas. Puei, aproficheron lei condicions duras de l'ivern d'aquela annada per causar de perdas importantas ai Sovietics que son equipament era pas adaptat. Per exemple, incapablas de se desplacar, tres divisions sovieticas fogueron esquichadas a Suomussalmi per solament tres batalhons finlandes entrainant la perda de 23 000 omes contra solament 800 entre lo 7 de decembre de 1939 e lo 8 de genier de 1940. Sus lei teatres maritims e aerians, lei forcas finlandas capiteron de resistir gracias ai defensas navalas dei costats o a una tiera d'innovacions dins lo combat aerian. Lo 7 de genier, Stalin deguet finalament mandar de forcas novelas e fisar lo comandament a un generau competent, Semion Timochenko , que decidet de concentrar sei forcas e seis equipaments dins lo sud. S'ocupet tanben de melhorar lei movements entre l'infantaria, l'artilharia, lei blindats e l'aviacion. Ansin, poguet aprofichar sa superiotat materiala contra lei Finlandes que sei linhas fogueron rompudas entre lo 11 e lo 19 de febrier. Lo 29, lo govern finlandes acceptet de negociar tornarmai ambe lei Sovietics e un tractat de patz foguet signat lo 12 de marc.

Aqueu tractat es dich tractat de Moscou . Sei clausas principalas regarderon l'annexion de Carelia, de la region de Salla e de la lenga de Rybachi per l' URSS . La lenga d'Hanko era tanben laissada ai Sovietics per una durada de 30 ans. Ansin, lei demandas inicialas dei Sovietics fogueron contentadas. Obtengueron tanben la vila de Vyborg. Aquelei perdas e la volontat finlandesa de lei reconquistar entraineron tre 1941 una segonda guerra, dicha Guerra de Contuniacion , entre Finlandia, d'ara endavant aliat a l' Alemanha nazia e l'Union Sovietica. S'acabet tornarmai per una victoria sovietica. En Europa, lei reviradas sovieticas contra un pais rurau e militarament mau equipat entraineron d'errors sus l'estimacion de la capacitat de combat de l'Armada Roja, especialament per leis Alemands que pensavan vencre aisament en 1941. De son caire, l'Armada Roja aprofichet aqueu conflicte per melhorar sei tecnicas, especialament per combatre dins lei condicions duras d'un ivern forca freg. Aquo li permetet de protegir victoriosament Moscou en 1941 contra l'ofensiva alemanda.