Un article de Wikipedia, l'enciclopedia liura.
Georgius Agricola
(24 de marc de
1494
,
Glauchau
- 21 de novembre de
1555
,
Chemnitz
), de son nom vertadier
Georg Pawer
o
Georg Bauer
, es un sabent
alemand
de la premiera mitat dau segle XVI. Figura majora dau periode, es considerat coma lo paire de la
minerologia
e de la
metallurgia
gracias a son obratge principau,
De Re Metallica
, que constituis un sintesi de referencia sus lei tecnicas
minieras
e metallurgicas de son epoca.
Originari d'una familha aisada ? son paire era
tenchurier
e
marchand
de
lanatge
? Georg Bauer intret a l'
Universitat de Leipzig
a 20 ans. I obtenguet un diploma de
medecina
avans de venir professor de
grec
dins l'establiment. Puei, anet en
Italia
per completar son educacion e i descurbiguet plusors tractats de
medecina
classica presentant lei proprietats curativas supausadas dei
mineraus
. Aquo suscitet son interes en causa dei jaciments nombros presents dins sa region d'origina.
Apres aqueu viatge,
latinizet
son nom ? practica frequenta entre lei sabents de la
Renaissenca
[1]
? e publiquet desenant son trabalh sota lo nom de Georgius Agricola. S'installet alora a
Chemnitz
e abandonet la
medecina
per se concentrar sus l'estudi dei
mineraus
. En particular, s'interesset au foncionament dei minas d'
argent
de
Misnia
. Foguet tanben
alquimista
car redigiguet un tractat sus la
peira filosofala
en
1531
. Son obra principala,
De Re Metallica
, es una
enciclopedia
de dotze volums que sintetizet totei lei conoissencas de son epoca sus la
metallurgia
. I presentet tanben diverseis arguments per sostenir lo desvolopament de l'industria miniera. En mai de la
metallurgia
, Agricola s'interesset egalament a d'autreis aspectes de la
geologia
coma la classicacion dei
mineraus
(
De Natura Fossilium
,
1546
). Foguet tanben premier consol de
Chemnitz
.
Amb
Vannoccio Biringuccio
(
1480
-
1539
), Georgius Agricola foguet una figura centrala de la fondacion de la
metallurgia
moderna en
Europa
durant la premiera mitat dau segle XVI. D'efiech,
De Re Metallica
era la premiera enciclopedia sus la
metallurgia
redigida dempuei lei trabalhs d'
Albertus Magnus
tres segles aperavans. Son obra, completada per d'illustracions e per diversei tractats anteriors, demoret una referencia fins a la
Revolucion Industriala
e a l'aparicion de la
geologia
moderna. Pauset tanben lei basas de la
minerologia
e de
traduccions
de
De Re Metallica
fogueron edidatas fins au segle XX.
En son onor, un massis
montanhos
de la
Luna
foguet nomat
Montes Agricola
.
- (fr)
Robert Halleux, ≪ La nature et la formation des metaux selon Agricola et ses contemporains ≫,
Revue d'histoire des sciences
, 1974, vol. 27, pp. 211-222.
- (fr)
Robert Halleux, ≪ Le Bermannus de Georg Agricola et la reinterpretation du vocabulaire mineralogique ≫,
Documents pour l'histoire du vocabulaire scientifique
, 1983, vol. 4, pp. 81-95.
- ↑
Segon la tradicion dau periode, aqueu nom foguet probablament donat per un dei mestres d'Agricola. Agricola era la traduccion latina de Bauer que significa paisan.