Un article de Wikipedia, l'enciclopedia liura.
Pintura representant
Napoleon I
er
sus lo prat batalhier de Wagram.
La
batalha de Wagram
se debanet lei 5 e 6 de julhet de
1809
dins lo corrent dei guerras napoleonencas (
guerra de la Cinquena Coalicion
). Opauset dins lei Plans de Marchfeld, situats sus la riba nord de
Danubi
, l'armada
francesa
(formada de tropas francesas, italianas e alemandas) dirigida per
Napoleon I
er
(154 000 omes) a l'armada
austriana
comandada per l'
archiduc Carles
(158 000 omes). Lei combats, forcas saunos, s'acaberon per una victoria francesa decisiva car lei forcas austrianas, ja durament tocadas per una tiera de desfachas, podian plus perseguir lo conflicte. Apres una desfacha novela a
Znaim
(10-11 de julhet), l'archiduc Carles demandet e obtenguet un
armistici
.
La batalha entrainet la perda de 25 000 a 37 000 morts, blecats, presoniers e dispareguts per lei Frances contra 30 000 a 40 000 per leis Austrians. Foguet lo combat pus murtrier dei guerras napoleonencas fins ai batalhas de
Borodino
e de
Leipzig
. Aquo es la consequencia de la concentracion d'
artilharia
sensa precedents realizada per lei dos camps (848
canons
sus un front d'aperaqui 15 km). Pasmens, illustra tanben lo declin progressiu de la superioritat militara francesa car, au contrari dei campanhas de
1805
-
1807
, la victoria es estada principalament obtenguda gracias a l'utilizacion de la forca bruta e car lei perdas dei doas armadas son finalament relativament equilibradas.
