La batalha de Narvik es un ensemble de combats que se debaneron dau 9 d'abriu au 8 de junh de 1940 durant la Segonda Guerra Mondiala . Darriera batalha importanta de la campanha de Norvegia , opauset d'esquadras e de cors expedicionaris aliats e alemands . S'acabet per una evacuacion de la vila per leis Aliats que preferigueron l'abandonar en causa de problemas logistics .

Dins lo quadre de la campanha de Norvegia , lo port de Narvik era un enjoc important car permetia l'exportacion dau minerau de ferre suedes necessari a l'esforc de guerra alemand . Au comencament de l'ofensiva alemanda contra Norvegia , era protegit per una flotilha e una division d' infantaria era presenta dins la region ^[1] . Lo 9 d'abriu de 1940 , una flota alemanda de 10 destroiers destruguet lei 2 naviris norvegians protegissent lo port e desbarquet una forca d'invasion de quauquei miliers d'omes. Establiguet un perimetre de proteccion e se turtet ai tropas norvegianas au nord de Narvik .

Lei 10 e 13 d'abriu, doas atacas navalas britanicas entrainet la destruccion de l'ensemble dei destroiers alemands e de plusors cargos (per dos destroiers perduts). Aquo permetet d'isolar leis Alemands desbarcats a Narvik . En parallel, de combats navaus d'esquadras alemandas e britanicas se debaneron au larg de Norvegia . Geineron lei Britanics mai leis Alemands degueron escondre la mager part de sei forcas dins lei ports norvegians. Pasmens, leis Aliats pogueron desbarcar d'unitats francesas , britanicas e polonesas per menar una contra-ofensiva a partir dau 9 de mai. Per sostenir aquel assaut, lei Britanics prengueron tanben lo contrarotle d'un aeroport. Pasmens, mau capiteron d'empachar lei bombardaments de la Luftwaffe e, d'un biais generau, l'aviacion alemanda aguet un mestritge complet dau ceu durant la campanha de Norvegia . En l'absencia de defensa antiaeriana aliada eficaca, poguet ansin liurament bombardar lei posicions aliadas.

L'ofensiva terrestra aliada comencet lo 27 de mai. L'assaut foguet complicat per l'absencia de comandament unificat entre Aliats e Norvegians. Pasmens, la superioritat numerica deis asalhidors e la qualitat combativa deis unitats aliadas permetet de liberar Narvik apres de combats forca violents. Leis Alemands se retireron vers l'est dins lei montanhas ont eran menacats d'enceuclament. Dins aquo, leis Aliats assaieron pas de lei perseguir. D'efiech, inquietats per la superioritat aeriana alemanda, pensavan pas esser capables de tenir la region. Entre lo 4 e lo 8 de junh, abandoneron donc Narvik que foguet tornarmai ocupat per leis Alemands . Lei convois d'evacuacion fogueron encara atacats per leis Alemands que destrugueron lo porta-avions HMS Glorious . Pasmens, la mager part dei naviris aliats pogueron s'entornar en Anglaterra sensa dificultat.

Liames internes [ modificar | Modificar lo codi ]

• Campanha de Norvegia .

Bibliografia [ modificar | Modificar lo codi ]

• (en) David Brown, Naval Operations of the Campaign in Norway, April?June 1940 , Routledge, 2000.
• (fr) Jean Mabire, La Saga de Narvik : combats au-dela du cercle polaire : printemps 1940 , Presses de la Cite, 1990.
• (fr) Johan Waage, La Bataille de Narvik , Paris, Robert Laffont, 1965.

Notas e referencias [ modificar | Modificar lo codi ]

1. ↑ Aquo era una consequencia de la Guerra d'Ivern entre l' URSS e Finlandia . Norvegia avia mandat de tropas per susvelhar sa frontiera amb l' Union Sovietica .