Apollo 11 foguet una mission espaciala abitada estatsunidenca mandada en 1969 a partir del Centre espacial John F. Kennedy en Florida , per explorar la Luna . Lo 20 de julhet de 1969 , Neil Armstrong e Edwin "Buzz" Aldrin, Jr , fogueron los primiers umans d'aterrar sus la superficia lunara, lo tresen ome d'equipatge Michael Collins demoret dins lo modul de comandament.

Aquesta mission americana es considerada coma un acompliment major dins l'istoria de l'exploracion espaciala. Apollo 11 era la cinquena mission abitada del programa espacial american Apollo. Per aqueste capitada, l' agencia espaciala americana, la NASA , realizet l'objectiu fixat pel president John F. Kennedy en 1961 , qu'era de pausar un equipatge sus la Luna abans la fin dels ans 1960 e demonstret sens contestacion possibla la superioritat dels Estats Units subre l' Union Sovietica dins lo domeni espacial.