Ch't' articl'ye fut c'menchie en
Jerriais
|
S'lon la tradition,
William Shakespeare
fut ne (a chein tch'i' pathait) le 23 d'
Avri
1564
et don l's Angliais ont deux raisons pouor celebrer chutte journee-chin viyant que ch'est la journee nationale Angliaiche - la
Saint George
- etout.
I' fut ne a
Stratford-sus-Avon
en
Anglieterre
. Au mais d'
Novembre
1582
i' mathyit Anne Hathaway.
Il arrivit a
Londres
d'viers
1586
et ses preunmie
poesies
futent publiees en
1593
et
1594
.
En 1594 i' fondit, li et un tas d'aut's acteurs, eune compangnie d'acteurs et i' d'vint l'auteu d'un tas d'lus pieches.
Ches pieches 'taient hardi populaithes, et Shakespeare d'vint riche assez pouor acater ieune des pus grandes maisons a Stratford en
1597
.
En
1599
la compangnie d'acteurs de tchi Shakespeare 'tait membre batit un nouvieau
thiatre
- le Globe ou'est qu'un tas des pieches de Shakespeare 'taient presentees pouor la preunmie fais.
Coumme poete, Shakespeare ecrivit chent chinquante quat'
sonnets
tchi futent publies en
1609
ouaithe qu'nou diche qu'il' ethaient peu et' ecrits tchiques annees avant. Y'a un mystethe entouor la dedication, et l'identite du janne houmme et d'la
nethe danme
aimes par l'auteu - mais tchiqu's'uns d'ches sonnets sont les pus fanmeuses poesies d'amour dans la
langue Angliaiche
.
I' mouothit le
23 d'Avri
1616
a Stratford.
En
1623
, sept ans aupres sa mort, le Preunmie Fieillet (
First Folio
) fut publie - la preunmie collection d'ses pieches. Y'avait trente-siex pieches dans l'Preunmie Fieillet - mais l's academiques erconnaissent la pieche “Les Deux Nobl'yes Couosins” (Two Noble Kinsmen) coumme le travas, en partie, d'Shakespeare etout.
Nou dit qu'le
Jerriais
est la
langue de
Wace
, qu'le
Francais
est la
langue de
Moliere
, et bein seu qu'l'Angliais est la
langue de Shakespeare
.
Ne v'chin les pieches de William Shakespeare auve lus titres en Jerriais:
Antouonne et Cleopatre
|
Antony and Cleopatra
|
Coumme Tu l'Veurs
|
As You Like It
|
Cymbelinne
|
Cymbeline
|
Hamlet, Prince de Dannemar
|
Hamlet
|
Jules Cesar
|
Julius Caesar
|
L'Rouai Henri Chinq
|
Henry V
|
L'Rouai Henri Huit
|
Henry VIII
|
L'Rouai Henri Quat' - deuxieme partie
|
2 Henry IV
|
L'Rouai Henri Quat' - preunmie partie
|
1 Henry IV
|
L'Rouai Henri Six - deuxieme partie
|
3 Henry VI
|
L'Rouai Henri Six - preunmie partie
|
2 Henry VI
|
L'Rouai Henri Six - traisieme partie
|
1 Henry VI
|
L'Rouai Jean
|
King John
|
L'Rouai Lear
|
King Lear
|
L'Rouai R'chard Deux
|
Richard II
|
L'Rouai R'chard Trais
|
Richard III
|
La Conmedie d'Meprinses
|
The Comedy of Errors
|
La Douzieme Sethee
|
Twelfth Night
|
La Picangn'resse Apprivouaisie
|
The Taming of the Shrew
|
La Tempete
|
The Tempest
|
Le Marchand d'Venise
|
The Merchant of Venice
|
Les Bouonnefemmes Heutheuses de Windsor
|
The Merry Wives of Windsor
|
Les Deux Bouonhoummes de Verone
|
The Two Gentlemen of Verona
|
Les Peines d'Amour Perdues
|
Love's Labour's Lost
|
M'suthe pouor M'suthe
|
Measure for Measure
|
Macbeth
|
Macbeth
|
Othello
|
Othello
|
Pericles, Prince de Tyre
|
Pericles Prince of Tyre
|
Romeo et Juliette
|
Romeo and Juliet
|
Timon d'Athenes
|
Timon of Athens
|
Titus Andronicus
|
Titus Andronicus
|
Tout est Bein tchi Finnit Bein
|
All's Well That Ends Well
|
Troilus et Cresside
|
Troilus and Cressida
|
Un Conte d'Hive
|
The Winter's Tale
|
Un Reve a la Saint Jean
|
A Midsummer Night's Dream
|
Un Tas d'Brit Entouor Rein
|
Much Ado About Nothing
|
Les Deux Nobl'yes Couosins
|
Two Noble Kinsmen
|