Leonid Kravtsjuk
Fødd	10. januar 1934 Velykyj Zjytyn
Død	10. mai 2022 (88 ar)
Statsborgar av	Sovjetunionen , Ukraina , Polen
Parti	Sovjetunionens kommunistiske parti (1958; 1991)
Yrke	politikar , samfunnsøkonom
Utdanna ved	Universitetet i Kyiv Academy of Social Sciences of the Central Committee of CPSU
Ektefelle	Antonina Kravchuk
Barn	Oleksander Leonidovitsj Kravtsjuk
Medlem	Sentralkomiteen i det sovjetiske kommunistpartiet State Council of the Soviet Union Verkhovna Rada
Alle verv	Ukrainas president (1991–1994) parlamentspresident i Verkhovna Rada (1991–1991) medlem av Verkovna Rada (1990–1991) medlem av Verkovna Rada (1994–1998) medlem av Verkovna Rada (1998–2002) medlem av Verkovna Rada (2002–2006) Chairman of the Supreme Soviet of the Ukrainian SSR (1990–1991)

Leonid Makarovytsj Kravtsjuk ( 10. januar 1934 – 10. mai 2022 ) var ein ukrainsk økonom og politikar som fra 5. desember 1991 til 19. juli 1994 var den fyrste presidenten i Ukraina etter at landet erklærte sjølvstende fra Sovjetunionen .

Kravtsjuk var formann i Ukrainas øvste sovjet da det i 1990, med 354 røyster mot 4, vedtok nasjonal suverenitet. Ei folkerøysting 1. desember 1991 gav 92 % tilslutning lausriving fra Sovjetunionen. Kravtsjuk vart samstundes vald til president, med over 61 % av røystene bak seg. Den 8. desember 1991 samla dei nasjonale leiarane i Kviterussland , Russland og Ukraina seg i Minsk og signerte Minsk-avtalen, noko som førte til at Sovjetunionen vart oppløyst to veker seinare. Kravtsjuk signerte for Ukraina, Boris Jeltsin for Russland og Stanislav Sjuskevitsj for Kviterussland.

Ved presidentvalet sommaren 1994 fekk Kravtsjuk 47 % av røystene, utfordraren Leonid Kutsjma vann med 52 % oppslutning. Fra 1994 til 2006 var Kravtsjuk medlem i Verkhovna Rada (landstinget), siste atte ara som representant for Sosialdemokratane (SDPU).

Kjelder [ endre | endre wikiteksten ]