Tionghoa ma zui Tionghwa (moroi ba Li Hokkien; Hanzi tradisional: 中華; Hanzi sederhana: 中?; Li Pinyin: Zh?nghua; Pe?h-?e-j?: Tiong-hoa) no toi niha si tefabobo ba soi moroi ba Tiongkok ni'oguna'o ba Indonesia. ^[1] Ba wangoguna'o simane no tefabo'osi niha Tiongkok , eluahania niha sowanua ba Tiongkok (ba Li Indonesia warganegara ), moroi ba niha Tionghoa, eluahania niha si tenga sowanua ba Tiongkok ba hiza nga'oto soi soroi ba Tiongkok.

Boro da'o so nifotoi niha Tionghoa Indonesia (niha Indonesia moroi ba soi Tionghoa), Tionghoa Malaysia (niha Malaysia moroi ba soi Tionghoa), Tionghoa Singapura (niha Singapura moroi ba soi Tionghoa) ba tano bo'onia na.

Tionghoa ma Kehai? [ bulo'o | bulo’o kode ]

Ba Dano Niha so goi doi Kehai. Ba hiza toi simane da'e fakhili ira ngawalo doi tano bo'o simane niha mbae'a , niha mbekhua ba tano bo'onia na. Eluahania da'a no bua wehede nifotoi informal ba itaria na i fatutu dodo niha wamondrondrongo ya'ia (ba Li Indonesia menyinggung ma ba Li Inggris offensive ).

Fagolo ira me fona na niha Gunungsitoli mu'ao ira kho ndra niha moroi ba Nias Tengah lamane, "He niha Gomo!" Ba dodora tenga sa ha manguma'o wa niha da'o moroi ba Gomo ia, ba hiza no lala wango'aya niha moroi ba Nias Tengah . Simano goi doi Gehai, he?a'ae no tobali to'olo la'oguna'o ia ba gotalua osa niha. Ba ginoto andre si so ya'ita, tora-tora ba nifotoi kode etika Wikipedia, ^[2] ta'ododogo wamolakhomi awoda zamosana, fao ba da'o niha moroi ba soi bo'o, tenga ha niha moroi ba soida samosa. Andro wa sinangea lo ta'oguna'o wehede Gehai ba hiza Tionghoa si tobali tandra wa tafolakhomi ndra talifusoda moroi ba soi Tionghoa. Simano goi lo takaoni sa'ae niha mbae'a ndra talifusoda moroi ba Tapanuli ma zui niha mbekhua ndra talifusoda moroi ba hulo Batu/niha Bugis .

Faigi [ bulo'o | bulo’o kode ]

• Tiongkok

Umbu [ bulo'o | bulo’o kode ]

1. ↑ Budaya Tionghoa Archived 2012-04-19 at the Wayback Machine
2. ↑ Tenga ha Wikipedia zamarou ya'ita ba wamolakhomi awoda niha. Fefu agama ba budaya mamarou simane. Bakha ba agama Niha Keriso, fangomasi'o awo no tobali furu-furu goroisa samosa me imane Yesu, "Omasi'o nawou simane fangomasi'ou ndra'ugo" (Matai'o 22:37?39)