William Shakespeare (* April 1564 in Stratford-upon-Avon ; † 23. April 1616 ok dor) weer en engelschen Schriever vun Theaterstucken. Shakespeare warrt allgemeen as de wohrschienlich grottste Schriever in engelsche Spraak ansehn.

Shakespeare is 1564 in Stratford-upon-Avon as Sohn vun den Hanschenmaker un Ollermann John Shakespeare un Mary Arden boren un dor ok opwussen. Sien genauen Geboortsdag is nich bekannt, aver dat steiht fast, dat he an’n 26. April dofft worrn is. Mit 18 al hett he heiraadt, Anne Hathaway, un harr mit ehr twee Dochter un een Sohn. In de Tiet twischen 1585 un 1592 hett he in London as Schauspeler un Stuckschriever for’t Theater anfungen. Um un bi 1613 hett he sik wedder Stratford-upon-Avon truchtagen un is dor 1616 doodbleven. 1623 is de Eerste Folio rutkamen, in den 36 vun Shakespeare sien Warken tohoopfaat weren, un de vor en ganze Reeg vun siene Warken de wichtigste un ollste Born for den Originaltext is.

Alltohoop sund vun Shakespeare 38 Stucken, 154 Sonetten, twee langere Vertellgedichten un welk kortere Gedichten nableven. De 154 Sonetten hett Renate Wustenberg kumplett in’t Plattduutsche oversett.

Warken [ annern | Bornkood annern ]

†: wohrschienlich blot to’n Deel vun Shakespeare sulvst schreven

Weblenken [ annern | Bornkood annern ]

• Welk vun Shakespeare sien Sonetten oversett vun Martha-Luise Lessing (plattduutsch, engelsch, hoochduutsch)
• Over Shakespeare sien Sonetten oversett vun Renate Wustenberg (plattduutsch, hoochduutsch)