Tennis
is en Ballspeel dat to de Klass vun de
Toruchslagspelen
hoort. Disse Sportoort kann mit twee Spelers (as
Enkel
) oder mit veer Spelers (as
Dubbel
) utoovt warrn. En sunnere Oort vun’t Dubbel is dat
Mixed
, wobi en Mannschop ut een Fro un een Mann besteiht.
De Spelers staht sik op en dor en Nett in de Mitt in twee Halften deelt Speelfeld un versookt, den
Tennisball
mit Help vun den
Tennisslager
so in dat gegnerische Feld to slahn, dat de Gegner nich in de Laag is, den Ball op regelgerechte Oort un Wies wedder toruchtospelen.
Tennis gifft dat in’n
Bredensport
as ok in’n
Profisport
un warrt ok to de
Olympschen Sportoorden
rekent, de bi de Sommerspelen utdragen warrt.
De Grundlaag for’t Tennisspeel kummt ut
Frankriek
, woneem de Vorloper,
Jeu de Paume
(?Speel mit de flachen Hand“) in Kloosterhoov, later denn in Ballspeelhuus op en rechteckig Feld speelt weer. De Speler hebbt de Angaav vun de Siet ut maakt. Dorto slogen se den Ball over’t Nett gegen een Wand, de an’t Feld lang loop. De Tokiekers seten an de Wand gegenover. Dat Feld weer dor Lienen in veer foofteihn Toll (um un bi 40 cm) brede, parallel lopen Striepen to beide Nettsieten indeelt.
De engelsche Major
Walter Clopton Wingfield
hett sik 1874 sien Oort vun Tennis patenteeren laten, dat he sulvst ?Sphairistike“ noomt harr. Dat weer dat
greeksche
Woort for ?Ballspelen“. He hett ok ne’e Regeln opstellt. Dat Tennis, dat bit vundaag begang is, is later mit nee Regeln bi de de eersten Meesterschoppen in
Wimbledon
(London) in’n Juli 1877 tostannen kamen.
Anfang vun de 1930er Johren is dat Profi-Tennis infohrt worrn mit de Naklapp, dat nich mehr all Tennispeler an de groden Turneren deelnehmen droffen. Dat hett sik eerst 1968 annert, as de apenen Turneren opkamen sund un de so noomte
open Era
anfung. To de Tiet sund ok de vundaag hoochdoteerte Turneren entstahn as de
US Open
oder de
French Open
.
De Naam
Tennis
geiht op en Begreep
tenes
oder
tenetz
ut dat Middelengelsche toruch, de en annert Ballspeel betekent het. De Oorsprung dorvun lett sik wedder op den
Imperativ
Plural vun’t franzoosche
tenir
(?hollen“) toruchfohren. De Utroop ?Tenez!“ in’n Sinn vun ?Annehmen! Holl (den Ball)“ vun den opslahn Speler weer mooglicherwies as Warnen for den Mitspeler dacht.
Dat Teel bi en Tennisspeel is, de nodige Tall vun Satz to winnen. Dorto mutt de Ball so in dat Feld vun’n Gegner speelt warrn, dat de em nich mehr kriegen oder nich mehr in de annere Feldhalft toruchslahn kann oder de Ball bi den Versook vun’t Toruchspeel in’t Nett hanngen blifft. De Ball droff vorher hoochstens eenmol op’n Bodden opkamen un mutt mit den Tennisslager so toruchslahn warrn, dat he wedder binnen dat Gegnerfeld opkummt. De Butenlienen vun’t Feld warrt dorbi mit to dat Feld rekent.
De Ballwessel warrt mit den
Opslag
anfungen, de vun een Speler vun de Grundlien ut in en sunneret, lutteret Feld speelt warrn mutt, dat as Opslagfeld betekent warrt. Dorbi droff de Grundlien nich overpeddt warrn. Wenn de Opslag fehlerhaft speelt worrn is, hett de Opslager noch en tweeten Versook. Wenn ok de nich richtig utfohrt worrn is, warrt dorto
Dubbelfehler
seggt un de Punkt geiht an den annern Speler. Geiht een regelgerechten Opslag gegen de Nettkant vordem he in den Opslagfeld opdrapt, warrt de Opslag eenfach wedderholt, ahn dat dat as Fehler weert warrt.
Dat Tennisspeel is in sik struktureert, wobi de enkelten Delen faken ok mit de mit engelsche Begrepen betekent warrt: Dat vullstannige Speel warrt
Match
noomt, dat in Satz (
Set
) unnerdeelt is, de wedder ut enkelte Spelen oder
Games
besteiht. De Tall vun de Spelen un vun de Satz hangt vun’n Speelverloop af.
En Satz is wunnen, wenn en Speler soss oder soven Spelen Wunnen hett: Soss Spelen reckt, wenn de Gegner hoochstens veer Spelen wunnen hett. Wenn dat 6:5 steiht, de Gegner also al fief Spelen wunnen hett, mutt wieter speelt warrn. Steiht dat na dat nachste Speel 7:5 is de Satz wunnen. Wenn dat aver 6:6 steiht, warrt de Satz dor en sunnere Speeloort, den
Tie-Break
, beennt. De Speler, de den Tie-Break for sik entscheden kann, winnt den Satz mit 7:6.
En Sunnerregel dorvun gifft dat aver bi de
Grand-Slam-Turneren
(mit Utnahm, vun de US Open) un bi’n
Davis Cup
. Dor gifft dat in den beduden Satz (dat is de foffte bi de Mannsluud oder de drudde bi de Fronsluud) keen Tie-Break, man dor mutt so lang wieterspeelt warrn, bit een Speler twee Spelen Vorsprung hett. Disse Rgel hett froher in jeden Satz gellt, as de Tie-Break noch nich in de Regeln stunn.
In en normaal Speel hett een vun de beiden Gegners Dat Opslagrecht. Tellt warrt in en Speel in die nafolgen Reeg: 0, 15, 30, 40. Wunnen hett de Speler, de mit 40 Punkten noch en wieteren Punkt maken deit. Man, dat reckt blots denn, wenn twee Punkten Unnerscheed sund. Steiht dat namlich 40:40, wat ok as
Gliekstand
(
Deuce
) betekent warrt, reckt de nachste Punkt noch nich. De Speler, de den nachsten Punkt maakt, hett denn eerstmol blots
Vordeel
(
Advantage
). Winnt he noch een Punkt, hett he dat Speel wunnen, wenn nich, is wedder Gliekstand. Normalerwies warrt bi den Speelstand 40:40 foorts Gliekstand anseggt. En Utnahm dorvun gifft dat bi de
French Open
, woneem de Stand as ?40 beide“ (?quarante-a“) anseggt warrt un eerst bi’n nachsten Gliekstand
egalite
anseggt warrt.
De Speler, de dat Opslagrecht hett, is in’n Vordeel gegenover den toruchslahn Speler, vun wegen dat he mit en wuchtigen Opslag veel Druck op den Gegen utoven kann. In’n professionellen Tennissport is dat dorum normal, dat dat Opslagspeel wunnen warrt. Man seggt ok, dat de Speler sien Opslag dorbrocht hett. Wenn aver de toruchslahn Speler winnen deit, denn seggt man, dat dat Opslagspeel dorbroken worrn is, un man snakct vun en
Break
. Vun wegen den Vordeel bi’n Opslag kann en Break also al den Utgang vun’n helen Satz bestimmen. Wenn en Speler in en Speel mit den nachsten Ballwessel en Break maken kann, warrt dorto ok
Breakball
seggt.
De Tall vun de Satz hangt vun de Turneerregeln af. Tomeist warrt in’n Tennis over twee Winnsatz speelt. Dat heet, dat een Speler, de twee Satz wunnen hett ok dat hele Match winnt. Bi grottere Turneren oder in’t Endspeel vun en Turneer warrt bi de Mannsluud faken ok dree Winnsatz utspeelt. Dat heet, dat bi gliek starke Gegners bit to fief Satz speelt warrn moot. Bi Senioren kann an de Steed vun den Utslag geven drudden Satz ok en Tie-Break speelt warrn. In eenige Verbannen vun’n DTB (t. B. in Baden-Wurttemberg) warrt opstunns ok in Verbandsspelen vun de Aktiven keen drudden Satz mehr speelt. An de Steed warrt en Tie-Break op 10 Punkten speelt, de as Match-Tiebreak betekent warrt.
En Ballwessel, de to’n Winnen vun en helen Satz fohren kann, warrt ok
Satzball
noomt, wenn dat um den entscheeden letzten Satz geiht, seggt man dorto
Matchball
.
To de Tellwies gifft dat twee verscheden Ansichten, woans sik dat entwickelt hett. An Fakensten warrt de Vermoden angeven, dat de Tellwies op Speelwetten un Geldinsatz in’t
14. Johrhunnert
in Frankriek toruch geiht. So hett man to’n Bispeel en
gros denier
sett, de wedder en Weert vun 15
denier
harr. In een Satz, de dormols faken ut veer Spelen bestahn hett, sund also veer mol 15
deniers
sett worrn: 15 ? 30 ? 45 ? 60. In’t
16. Johrhunnert
is ut de 45 wohrschienlich ut Mack un vun wegen de kortere Utspraak 40 worrn.
Dat olle franzoosche
Sol
(later
Sou
) hett as Munteenheit deent. De
Sol
weer in’t middeloller de Reekeneenheit for twolf Pennen (ooltfranzoosch: dernier). Disse Eenheit weer 1266 to’n eersten mol in Form vun en Sulvermunt pragt, den
gros dernier tournois
(?grode Penn vun Tours“). Dat Gelstuck is in’t 14. Johrhunnert mehrmols napragt worrn, de Weert weer jeed mol 15 dernier tournois, also foffteihn Pennen ut
Tours
.
De annere Theorie hett mit de Lienen op dat Speelfeld to doon. Jeed mol, wenn en Speler bi’t
Jeu de paume
een Punkt maakt harr, gung he een Striepen wieter un keem so jummer wieter in de Mitt vun’t Speelfeld. To’n Anfang vun’t Speel stunn he an de 0-Toll-Lien. Wenn en Speler en Punkt maakt harr, kunn he na de 15-Toll-Lien vorrucken, denn na de 30-Toll-Lien un opletzt na de 45-Toll-Lien. Denn eerst harr he dat Speel wunnen. Man hett aver denn funnen, dat de Lien to dicht bi’t Nett weer un hett de letzte Angaav denn op 40-Toll toruch versett.
De ?0“ warrt bi’t Tennis mit dat engelsche Woort
Love
tellt. Wohrschinelich liggt de Oorsprung dorvun in den Utdruck ?to do something for love“, also ?wat umsunst doon“. En Speel, bi dat de Gegner keen Punkt kregen hett warrt dorum ok as
Love Game
betekent. Just so gifft dat ok den Utdruck ?neither for love nor for money“, de as Oorsprung for den Begreep in Fraag kummt. De Utdruck hett den glieken Sinn: Man kriggt ?keen Leef un ok keen Geld“, also nix.
[1]
Annere Borns seggt, dat
Love
kummt vun’t franzoosche
l’œuf
(?dat Ei“), wat dat Utsehn vun de Null op de Anwiestafel weddergifft.
[2]
Vun wegen, dat dat bi’t Tennis keen Tietgrenz gifft, kann dat teemlich lang duern, bit dat en Winner faststeiht. Jummer wedder warrt dorum ne’e Regeln vorslahn, de dat Speel intressanter maken schull un de Tiet verkorten. En Resultat dorvun weer to’n Bispeel dat Infohren vun’n
Tie-Break
in de 1970er Johren, de dorfor sorgen schull, dat de Satz nich to lang warrt. Bito gifft dat de
No-Ad
-Regel (?No Advantage“), de beseggt, dat bi’n Speelstand vun 40:40 al de nachste Punkt over dat Speel befinnt. Man, disse Regel is opstuinns blots bi Dubbel-Poren insett worrn.
En Gegenbewegen is aver bi’n Hardplatz-Tennis to sehn. Dor sund de Ballwessel teemlich kort, so dat overleggt worrn is, de Speelduer wedder to verlangern un dat Speel intressanter to maken. Bi eenige Turneren warrt al grottere Tennisball insett, um de Slagsnelligkeit sieter to maken. Ok en hogere Nettkant oder dat Weglaten vun’n tweeden Opslag sund al diskuteert worrn, um de Snelligkeit vor allen bi’n Opslag runner to setten. Bit huut sund disse Vorslaag aver nich wieter acht worrn.
Noch en Annern is de so noomte
Champions-Tie-Break
. De warrt as en normalen Tie-Break speelt, is aver eerst bi teihn Punkten toenn an Steed vun soven. Anfangs weer dat infohrt, um vor allen ollere Spelers de Anstrengen vun’n drudden Satz to sporen. An de Steed warrt blots noch de Champions-Tie-Break speelt. In de Twuschentiet warrt de aver ok bi de Aktiven in ’n Speelbedriev un bi Turneren anwennt.
Bi de Vorhand (eng.
Forehand
) warrt de Ball op de Siet vun de Slaghand speelt, also rechts bi’n Rechtshanner un links bi’n Linkshanner. Normalerwies warrt bi’n Vorhandslag uthollt un de Ball ruchweg in Hooch vun de Huft an de Siet vun’n Lief drapen.
Bi de Ruchhand (eng.
Backhand
) warrt de Ball op de Siet gegenover vun de Slaghand speelt. De Bewegungsafloop is in’n Gegensatz to de Vorhand wat kumplizeerter un sworer dortofohren. Dat gifft dorfor twee Mooglichkeiten, de eenhannige und de tweehannige Ruchhand. De beidhannige Ruchhand is eerst siet de 1970er Johren begang un warrt siet de Tiet lehrt. Se warrt vor allen Anfangers mit op’n Weg geven, vun wegen dat se weniger Kraft bruukt as de einhannige Ruchhand.
De Ruchhand-
Slice
warrt tomeist mit een Hand slahn.
Hooftartikel:
Opslag (Tennis)
De Opslag (eng.
Service
) is de Optakt vun’n Ballwessel. Dorto warrt de Ball achter de Grundlien in de Luft smeten un in’n allgemenen so hooch as mooglich drapen. De Ball warrt schraagover’t Feld in de gegenoverliggen Opslagzoon vun’n Gegner slahn.
Man, dat is nich gegen de Regeln, den Ball ok op en annere Oort un Wies as mit den Slag over’n Kopp in dat Feld vun’n Gegner to slahn. De Vordeel is aver bi den Overkoppball (ok Smetterball noomt, oder op engelsch
Smash
), dat dormit de hoochste Snelligkeit tostannen kummt, wat for den Gegner sworer antonehmen is.
De Return (?Opslagtoruchslag“) is de Slag, mit den de Opslag vun’n gegner wedder toruchspeelt warrt. De Opslag (oder ok de Smetterslag) is de gaueste un hardste Slag in’t Tennis un dorum teemlich sowr toruchtospelen (to ?returneeren“). De tweete Opslag warrt tomeist en beten weker slahn, wat for den Gegner ’n wat aggressiver’t Return-Verhollen mooglich makkt.
Vun de Bewegung her is de Smetterball (eng.:
Smash
) dat glieke as de Opslag. Dat is also ok en Overkoppslag mit hoge Snelligkeit. Faken warrt de Smash as Reakschoon op’n versochten Lob vun’n Gegner speelt un stellt de kraftvullste Angreepsoort dor.
De Passeerslag kann mit de Vorhand oder de Ruchhand speelt warrn. Bi dissen Slag warrt de Ball an den Gegner vorbi speelt, dat he dor nich rankamen kann, wenn he dicht bi’t Nett steiht.
De Lob warrt speelt, wenn de Gegner teemlich wiet vorn in’t Feld steiht. Dorbi warrt versocht, den Ball hooch over sien Kopp na achtern in sien Feld to spelen. Warrt de Lob aver to kort oder to flach ansett, kann de Gegner mit en Smetterslag reageeren oder den Ball noch achteranlopen un toruchspelen. Um disse Gefohr to unnerbinnen, warrt verwsocht den Lob mit Topspin (?Vorwartsdrall“) to spelen, um dat de Ball bi’t Opkamen noch mol gauer warrt.
En Stop warrt so speelt, dat de Ball blots wenige Zentimeter achter’t Nett ?runnerfallt“. Dat is begang, den Ball dorbi tosatzlich mit’n Backspin (?Toruchoorsdrall“) antosnieden, um dat he bi’t Opdrapen nich wieter na vorn springt, man villicht sogar toruch in’t Richt op’t Nett.
As’n Volley (?Flaagball“) warrt en Slag betekent, bi de de Ball toruchslahn warrt, noch vordem he op’n Bodden opkamen is. Disse Slaag warrt normalerwies dicht an’t Nett speelt. Dorvun gifft dat ein poor Sunnerformen:
De
Halfvolley
is an sik keen echten Volleyslag. So warrt Slaag noomt, de kort na’t Opkamen op’n Bodden speelt warrt. Mit dissen Slag kann een kuum Druck op den Gegner maken, dorum warrt de ok blots as’n Nootlosen bruukt, wenn keen annern Slag geiht.
De
Volleystop
is en Slagtechnik, bi de ut’n gegnerischen Flaagball en Stop maakt warrt. Disse Slag is nich eenfach, vun wegen dat de Snelligkeit ut den Slag vun’n Gegner nahmen warrn un de Ball dicht achter de Nettkant platzeert warrn mutt.
En sunnere Form vun’n Volley is de
Heekvolley
, bi den versocht warrt, en Passeerslag vun’n Gegner dor en Sprung doch noch to kriegen un toruchtospelen. Bekannt worrn is disse Slag dor
Boris Becker
. Utklamustert hett sik disse Technik oorsprunglich en Joogdtrainer vun Becker, um dormit de Reckwiet vun Nawassspelers an’t Nett grotter to maken. Becker hett den Slag in sien
Repertoire
behollen un hett em to’n Overraschen vun sien Gegners faken ok bi internatschonale Turneren mit Spood insett.
Hooftartikel:
Topspin
De Topspin is de fakenste Slagoort in’t moderne Tennis. Topspin beduut, dat de Ball en Vorwartsrotatschoon maakt. Dordor warrt de Flaagkurv vun’n Ball licht krumm un dat Afsprungverhollen vun’n Bodden annert sik. Dat hett den Vordeel, dat ok gaue oder hooch speelte Ball noch in’t Feld opkamen doot un de Gegner den sworer nehmen kann.
Bi’n Slice kriggt de Ball en Roatschoon na achtern mit (eng.
Backspin
), also just in de annere Richt as bi’n Topspin. De Ball kann dordor bannig flach over’t Nett flegen un springt na’t Opkamen kuum mehr af. De Slag kann to’n Angriepen insett warrn: Dor de langere Flaagtiet hett de Speler na’n Slag mehr Tiet, an’t Nett vortogahn. Just so kann de Slice ok bruukt warrn, um sik ut en Bedrangnis free to maken, also to’n Bispeel um bi’n harden Opslag mehr Tiet to winnen. De Slice kann blots langsom speelt warrn, vun wegen dat he anners dor sien flache Flaagkurv over de Butenlien ?seilt“. Vundaag warrt normalerwies ok vun de Grundlien ut Angreepstennis speelt. Dorum is de Slice vundaag nich mehr so begang as froher.
De Cross-Ball warrt dweer slahn, dat heet in de schraag gegenover liggen Eck vun’n Platz. Dorna speelt en Rechtshanner en cross slahn Vorhand en rechtshannigen Gegner ok wedder op de Vorhand un umkehrt. Vun wegen dat de Diagonaal langer is as de Sietenlien kunnt hardere un sorum wieter flegen Ball cross slahn warrn.
Longline (?an de Lien lang“) warrt en Ball speelt, de an de gegenover liggen Eck vun’n Platz parallel to de Sietenlien slahn warrt. Dat heetm, dat en Rechsthanner en longline slahn Vorhand den rechtshannigen Gegner op de Ruchhand anspeelt. Hollt sik de utfohren Speler buten vun’t Speelfeld op, kann he mit’n Longline-Slag ok an de Siet vun’n Nettposten vorbispelen.
En Ass (eng.
Ace
) is en Opslag, bi den de Ball vun’n Gegner nich mehr kregen warrn kann. Dat kann bi’n eersten Opslag aver just so ok mit’n tweeten Opslag vorkamen. De Begreep Ass warrt aver nich mehr bruukt, wenn de Gegner noch in jichtenseen Oort mit den Slager an den Ball rankamen is ? ok wenn he em nich mehr richtig toruchspelen kann. Dorto seggt man denn ok
Service Winner
.
Dat Speelfeld bi’t Tennis is rechteckig un warrt dor dat Nett in twee Halften deelt. Dat Speelfeld hett en Lang vun 78 Feet (23,77 m), een Speelfeldsiet dorna also 39 Feet oder 11,89 m. De Breed is for’t Enkel 27 Feet (8,23 m), for’t Dubbel 36 Feet (10,97 m). Begrenzt warrt dat Feld dor Lienen, de as Bestanddeel vun’t Feld sehn warrt. Dat sund de Grundlienen un de Sietenlienen. Wenn en Ball (ok blots deelwies) op een Lien fallt, denn is de noch binnen dat Feld. In’t professionelle Tennis warrt deelwies
Videobewiesen
insett, um over kritische Fall to befinnen.
De Grundlienen verloopt parallel to’t Nett, de Sietenlienen piel dorto. Parallel to’t Nett gifft dat op beide Sieten in’n Afstand vun 21 Feet (6,40 m) de so noomten Opslaglienen. De Flach twuschen dat Nett un de Opslaglienen warrt inoffiziell ok as
T-Feld
betekent, as de
Opslagmiddellien
, de dat T-Feld in twee gliek grode Flachen unnerdeelt un de Opslaglien en groot ?T‘ billt. Entspreken warrt de Opslaglien ok as
T-Lien
betekent. De beiden Flachen vun’t T-Feld sund de beiden Opslagfeller.
Dat Nett is in de Mitt 3 Feet (0,914 m) hooch un geiht an beid Sieten just so veel ok over de gellen Sietenlien rut. Dor an de Sieten mutt dat Nett en Hooch vun 3,5 Feet (1,07 m) hebben.
De Afstand vun de Grundlien na’t Intunen bedriggt twuschen 18 un 25 Feet (5,50 bit 6,40 m), twuschen de Sietenlienen un de Intunen mutt de Afstand bi ruchweg 10 bit 12 Feet (3,04 bit 3,66 m) liggen.
Dat Tennisfeld kann verscheden Belaag hebben. Dat kann en Sand-, Rasen,- Kunstrasen-, Teppich-, Kunststoffgranulat- oder Hardplatz wesen. In’t Fre’e sund vor allen Sandplatz begang, in de Hall warrt vor allen op’n Hart- oder op’n Granulatplatz speelt.
Bi dat Serve-and-Volley-Speel geiht de opslahn Speler foorts an’t Nett, wenn he en goden Opslag maakt hett, um dat he den vun’n Gegner spelten Return dor en Volley toruchspelen kann, ahn dat de Gegner dor ran kummt. Disse
Strategie
is sunners goot to maken op gaue Belaag as op Rasen. Dor den Volley warrt de Reakschoonstiet for den Gegenspeler bannig verkort, as de Ball nich so en wieten Weg maken muut, vordat he toruchslahn warrt. En goot ansetten Volley is dorum in de meisten Fall en direkten Punkt un sport den Angrieper de langen Loopweeg. Riskant is aver de Positschoon dicht an’t Nett, as de Toruchslahn Speler normalerwies in Laag wesen schull, en Passeerslag to maken. Von sunnere Beduden is dorum, woans de Nettangreep vorbereidt is. Mit en goden Slag vorweg kann de Angrieper dorfor sorgen, dat de Gegner em nich passeeren kann, so dat de Volley mooglich warrt.
Disse
Taktik
is froher vun vele Spelers ut de Weltspitz anwennt worrn. Tyypsche Serve-and-Volley-Spelers weern t. B.
Pete Sampras
,
Stefan Edberg
,
Boris Becker
oder
John McEnroe
. Vundaag sund de meisten Spelers aver ok jummer mehr in de Lagg mit veel Druck vun de Grundlien to spelen, so dat de Strategie jummer weniger to’n Tog kummt. En poor Profispelers maakt tomindst phasenwies jummer noch en spoodriek Serve-and-Volley-Speel.
Bi’t Grundlienenspeel blievt beide Spelers an jemehr Grundlien stahn un spellt den Ball hen un her. Dorbi versookt se en Vordeel ruttospelen, dordor dat se den Ball op de Siet speelt, de vun’n Gegner wieter weg is, oder de Ball warrt gegen de Loopricht vun’n Gegner speelt. Mit disse Strategie gifft dat meist eerst en Punkt, wenn mehrere goot ansette Slaag achterenanner speelt worrn sund. De vorherrschen Slag is dorbi de Topspin, vun wegen dat de Slag ? achter den Smetterball ? as de effektivste Slag ansehn warrt.
Bi disse Strategie versocht de toruchslahn Speler, den Opslag direkt mit en Angreep to returneeren (chip). Dorbi geiht he foorts an’t Nett vor un versocht denn den Punkt dor en Volley to maken. Disse Afloop warrt meist blots bi’n tweeten Opslag maakt, vun wegen dat de nicht so hard slahn warrt. Wenn disse Affolg klook insett warrt, kann se op den Gegner teemlich overraschen wesen.
Dat professionelle Tennis warrt vor allen vun internatschonale Turneren bestimmt, de dat hele Johr dor stattfinnt un tomeist in’t K.O.-System utspeelt warrt. De Dackorganisatschoon for dissen Turneren is bi de Fronsluud de
WTA
, bi de Mannsluud de
ATP
. Bi disse Turneren warrt ok Punkten for de
Tennis-Weltranglisten
vergeven. De Rang in disse List entscheedt annersrum wedder dorover, wokeen an en Turneer deelnehmen droff un an welke Steed op’n Speelplan he sett warrt.
De Turneren, de dat meiste Ansehn in’t Tennis bringen doot, sund de veer Grand-Slam-Turnerem, de vun’n Tennisweltverband
ITF
utdragen warrt, as ok de
Tennis Masters Cup
bi de Mannsluud oder de
WTA Tour Championships
an’n enn vun de Saison. Bi de Mannsluud folgt dorna in de Reeg de
ATP Masters Series
mit negen Turneren.
Hooftartikel:
Grand Slam (Tennis)
In Duutschland warrt de Tennissport vun’n
Duutschen Tennis Bund
(DTB) organiseert, de sik in Landsverbannen opdeelt. De DTB organiseert den Ligaspeelbedriev, de Turneren, de Natschonalmannschop (for’n
Daviscup
oder den Fed. Team Cup) un billt ok de Tennistrainers ut.
Vun de Landsverbannen oder vun jemehr unnerordent Bezirken warrt in all Ollersklassen Mannschopswettkamp, de so noomten
Medenspelen
organiseert. Dorbi warrt op de Amateureven vun de Kreisklass for Freetietsportler bit rop na de Verbands- oder Regionalliegen um Op- un Afstieg kampt. Den Boverbo mit Utrichten to’n Profitennis (bi de aktiven Forns- un Mannsluud) billt de 1. un 2. Bundssliga, de vun’n DTB organiseert warrt.
- ↑
The Guinness Book of Tennis Facts & Feats
- ↑
Der mit dem Maul wirft
- Peter Scholl:
Richtig Tennis
. Munchen, BLV Buchverlag GmbH & Co., 5., ne bearb. Opl., 2006,
ISBN 3-8354-0012-6
- Theo Stemmler:
Vom Jeu de paume zum Tennis. Eine Kurzgeschichte des Tennisspiels
. Frankfort an’n Main, Insel Verlag 1988 (
Insel-Bokeree
1076/2)