Synnøve Solemdal
(*
15. Mai
1989
in
Kristiansund
) is en ehmalge
norweegsch
Biathletin
.
Synnøve Solemdal leevt in
Lillehammer
un hor Vereen is
Tingvoll IL
. Biathlon bedrifft se siet 2002, siet 2008 horrt se to den norweegschen Natschonalkader.
Se leep hor eerste Junioren-Weltmeesterschap 2008 in
Ruhpolding
. In de dree Eenzelrennen keem se jewiels unner de best 20, en 12. Platz in' Sprint weer dorbi dat best Resultat. Mit de Staffel, to de ok de Susters
Ada
un
Elise Ringen
horrn deen, wunn se achter dat duutsch Team de Sulvermedaille. Mal afsehn vun Platz 11 in' Sprint reckt se bi de Junioren-WM 2009 in
Canmore
blots eenstellig Ergevnisse, dorunner en fievten Platz in' Sprint. Noch spoodrieker weer Solemdal bi de Junioren-Europameesterschap in dat glieker Johr in
Ufa
. Se verpass woll weer as 17. in' Sprint de Top-Ten, wat se aber in de folgen Rennen henkreegen hett. In' Eenzel wunn se achter
Olga Wiluchina
ut Russland de Sulvermedaille. Bi de Junioren-Weltmeesterschapen 2010 in
Torsby
, leep dat ahnlich. In' Eenzel keem se blots up Rang 22, wunn aber jewiels de Bronzemedaille in' Sprint achter
Maren Hammerschmidt
un
Sophie Boilley
un in de Verfolgung achter Boilley un
Anastassija Kalina
un mit
Kaia Wøien Nicolaisen
un
Marie Hov
in dat Staffelrennen Sulver. Bi de
Biathlon-Europameesterschapen 2010
in
Otepaa
wurr Solemdal Fievte in' Eenzel, in' Sprint Darte achter
Tiril Eckhoff
un Kalina un wunn de Goldmedaille in de Verfolgung.
Bi de Fruen is Solemdal all siet 2008 antreeden. Hor eerst Rennen hett se to'n Anfang vun de Saison 2008/09 in
Idre
in' Rahmen vun den
IBU-Cup
bestreeden. In hor eerstr Sprint keem se man blots up den 57. Platz, leep aber ansluutend in dat Verfolgungsrennen bit up Platz fiev vor. Nah hor good Ergevnisse bi de Junioren-WM un EM druff Solemdal in
Trondheim
eerstmals in'
Biathlon-Weltcup
antreeden. Bi hor eerst Sprint verpass se dat Verfolgungsrennen as 61. blots um een Platz. Beter leep dat een Week later bi dat Saisonfinale in
Chanty-Mansijsk
. As 34. vun den Sprint hett se suck nich blots for den ansluuten Verfolger qualifizeert, sonnern wunn ok hor eerst Weltcuppunkte. Hor eerst internatschonale Meesterschap bi de Fruen wurrn de
Biathlon-Weltmeesterschapen 2011
in
Chanty-Mansijsk
. In' Eenzel belegg se den 63. Platz, wurr 43. in' Sprint un hett dat Verfolgungsrennen as overrund Loperin nich to'n Enn' brocht. In de Staffel wurr se as Startloperin insett un reck mit
Ann Kristin Flatland
,
Fanny Horn
un
Tora Berger
Platz fiev. Nahdem se suck siet de Saison 2008/09 immer mehr in' Weltcup verbetern un fastsetten kunn, schaff se hor endgultigen Dorbrook in de Saison 2011/12, as se in dat eerst Saisondrittel unner annern twee Top-Ten-Platzierungen recken dee. In dat Verfolgungsrennen bi den Weltcup in Hochfilzen 2012 fier Synnøve Solemdal hor eerst Sieg in en Weltcup-Rennen. In den vorhergahn Sprint harr se Platz 4 beleggt.
Erkrankung mit Pfeiffer-Drusenfever (2014 bit 2016)
[
annern
|
Bornkood annern
]
Nah den
Olympisch Winterspelen 2014
, wo se in' Sprint Platz 35 un in de ansluuten Verfolgung Platz 36 belegg, wurr bi Solemdal
Mononukleose
faststellt un se muss doruphen de Weltcuppsaison 2013/14 vor de Tiet afsluuten
[1]
In de Saison 2014/15 gung se aber weer an den Start, kunn aber nich an hor biterherig Erfolge anknutten. Blots in twee Rennen keem se in de Punkterange, und keem deelwies ok blots in den
IBU-Cup
to’n Insatz. Neben de korperlich Leistungsfahigkeit wurr ok noch hor Scheeten in‘ Vergliek to de Vorsaison um 13% schlechter.
De Saison 2015/16 leep denn weer beter. Synnøve Solemdal kunn weer as plaant traineeren. Ok de Rennergevnisse deen suck wat verbetern, mit dree Utnahmen keem se jewiels in de Punkterange. Ok de Scheetergevnisse weern weer beter. Bi hor
Heim-WM
an‘
Holmenkollen
in
Oslo
wunn se gemeensam mit
Fanny Horn Birkeland
,
Tiril Eckhoff
un
Marte Olsbu
Gold in dat Staffelrennen. Solemdal bleev as Startloperin an‘ Scheetstand ahn Fehler un overgeev mit good 13 Sekunnen Ruckstand up de to de Tiet fuhren
Kaisa Makarainen
an hor Teamkollegin Birkeland.
Weer en Krankheitspaus un Ruckkehr in den Weltcup (siet 2016)
[
annern
|
Bornkood annern
]
In de Vorbereiten up de Saison 2016/17 muss Solemdal en wiederen swooren Ruckslag hennehmen. Se kunn wiels den Training ehrn Korper nich richtig belasten, in disse Tiet weer hor dat blots mogelk, wenige un kort Eenheiten to traineeren. As suck in‘ Juli kien Betern instellen dee, hett se dat Training instellt. Bit November geev dat kien Verklooren for hor korperlich Verfaaten, ofschons se Dokters, Psychologen un Physiotherapeuten ahn Spood upsocht harr. Eerst gegen Enn‘ November keem en Dokter up de richtige Diagnose. Nah en
Zeckenbeet
, den se suck vermootlich bi en Besook bi hor Familie in
Tingvoll
totrucken harr, wurr se an
Lyme-Borreliose
krank. Sie harr all dorover nahdocht, hor sportlich Loopbahn aftosluuten, nah en Behanneln mit Antibiotika kunn se aber nah weniger as veer Week weer mit dat Training anfangen. Nah en langer Upbauphase hett se bi den
IBU-Cup
in
Brezno
hor eerst internatschonal Rennen nah meest een Johr Paus bestreeden. Nahdem se ok an den IBU-Cup in
Kontiolahti
deelnommen harr, kehr se een Week later ? ebenfalls in Kontiolahti ? in den Weltcup toruch. Se hett dorbi Sprint un Verfolgung knapp buterhalv vun de Punkterange afslooten. Solemdal geev an, nu kumplett gesund to ween un wull suck nu up de
Olympisch Winterspelen 2018
vorbereiten.
[2]
Nah dat Enn'n vun de Saison 2019/20 hett se hor Loopbahn afslooten.
- ↑
Synnoeve Solemdal (NOR) an Mononukleose erkrankt
biathlon-online.de, afropen an' 24. Marz 2014
- ↑
Solemdal fikk sesongen ødelagt av flattbitt
up vg.no, afropen an‘ 2. Mai 2017