Mekka
(offitschell
Makka al-Mukarramah
,
araabsch
:
?????? ?????????????
,
DMG
Makka al-Mukarramah
, ?Mekka, de Eerwoordige“) es de
Hoovdstad
van’r
Provinz Mekka
, de binnen den
Hedschas
in
Saudi-Arabien
liggt. De Stad geld for den hilligsten Oord in’n Islam. Nich-Muslimen es dat streng verboden de Stad to betreden.
Mekka liggt binnenlands, wat bi 70 km van’r Roden See. 2015 leven œver 1,57 Millionen Minschen in Mekka. Binnen de Metropoolregioon leven œver 2 Millioen Minschen (Stand: 2020), wat Mekka na
Riad
un
Dschidda
de drudd grottste Stad in Saudi-Arabien maket.
[1]
Tiedens de
Hadsch
in’n twelvden Maand van’n
islaamschen Klender
verdreedubbelt Pilgers de Taal Minschen in Mekka, denn na Mekka pilgern geld for Plicht, de olle duchtigen Muslime nakomen mott.
Mekka geld as de Stad in de de Islaam begonnen hett un de Oord, an den de islaamsche Propheet
Mohammed
up de Welt kam. De
Hira-Hœlen
buten de Stad geld as de Oord, wo Godd Muhammad den
Koran
verkund het. De
al-Har?m -Moschee
(
araabsch
:
???????????? ??????????
al-Masdschid al-Har?m
,
DMG
al-mas?id al-?ar?m
) med de
Kaaba
in’n Zentrum es de grottste Moschee weltwied. De Moschee un Kaaba sind de hilligsten Steden in’n Islaam un bestimmt de Richte in de Muslime weltwied beden doot.
Muslimsche Herrscher versochten jummers de Stad under de Kontrolle to bringen, so dat de Stad faken den Herrscher wessele. 1925 nemen de Saudis den Hedschas un Mekka in. Sieddenn es Mekka duchtig wassen un veel niege Infrastruktur worde upricht, de jummers grotteren Pilgerstrome to harbargen. Daar kemen vele histoorsche Buwarke bi to Schande, de daalreten worden, niege Wulkenschrapern as den
Abraj al-Bait
uptorichten. Vele Steden, de med Leven van Mohammed oder sienen Medgesellen tohopehanget, worden ook tonichtemaket, denn de Steden bekeek de
Wahhabismus
, de de Politik in Saudi-Arabien bestimmt, as
Afgodderie
un dat falsche Vereren van Hilligen.
- ↑
Government statistics of Makkah in 2015
(17 November 2018).
