Kiel
is de Landshooftstedt vun
Sleswig-Holsteen
un een traditschoonsriek Universitatsstedt mit 239.526 Inwahners (Stand 31. Dezember 2010). Elk Summer, in de lest heel Juni-Week, findt de
Kieler Woch
statt.
Kiel is een vun de wichtigsten Naturhavens an de
Oostsee
an de Kieler Foor. Dor Kiel loppt wenn ok an de Oostsee liggen de
Waterschiednis
to de
Noordsee
. De
Stroom
Eider
, de in de Noordsee mundt, langt an Kieler Stadtrebeet an, ferner ennt de
Noord-Oostsee-Kanal
in’n Stadtdeel
Kiel-Holtenau
. Dat Butenland vun Kiel is vun
Moranenhumpels
praagt un geiht direkt in de
Holsteensche Swiez
over.
De grottste Attrakschoon vun Kiel is de landschaplik Laag an de Foor. Dor kummt de luttsche Kiel to, dat Raathuus, de Slottpark, de Nikolaikark, de Oper, dat Laboer Ehrmool un dat U-Boot 995 ut’n Tweten Weltkrieg, dat Olympiadorp
Schilksee
, de Holtenauer Sluus un de Kiellinie (Kaiafsnitt in de Neegde vun’t Stadtzentrum).
Kiel is een Verkehrsknotenpunkt sunnerlik for den Fahrverkehr na
Noordeuropa
(
Oslo
,
Goteborg
,
Klaipeda
) un na
Russland
(
Kaliningrad
,
Sankt Petersborg
). Bavento befindt sik in Kiel Maschinenfabriken, Warften un anner Industrie.
Ellerbek
is so wat in’t 13.Joorhonnert ontstandt. De Naam vun’t dormoolig Fischerdorp is op de Beek twussen de Ellers (Erlenbach) truchtofohrn. Ingemeendt woor Ellerbek in’t Joor 1910. Hudigendaags leevt dor so wat 6.000 Inwahners.
Elmschenhagen
woor in de eerst 1286 mit Elvereshagen oorkondlik fastschreeven. Oversetten kunn een de Naam mit Elk-Tuun (Elchzaun), wat sachs op een Elkholdung verwiest. Sinds 1939 is Elmschenhagen een Stedtdeel vun Kiel. Leeven doon dor hudigendaags so wat 18.000 Inwahners.
Suden de Stadt liggt
Hassee
. De Naam Hassee geiht op de Naam Hertse truch, wat op de Hirschsee wiest. Dusse See givt dat hudigendaags nich mehr. Oorkondlik fastschreeven woor Hassee in de eerst 1222. To’t 1. April 1910 woor Hassee na Kiel ingemeendt. hudigendaags leevt in Hassee so wat 12.000 Inwahners.
Mettenhoff
geiht truch op’n Hoff, de um 1670 to’t Goot Quarnbek hordt harr. De Hoff woor dopt na de Eegner sien Fru ehr Naam. Er Naam woor Meta von der Wisch. So woor Mettenhoff an’t 1. Juni 1963 ingemeendt mit 526 Inwahners. 1965 begonn de Buu vun een Hoochhuusseedeln. Hudigendaags leevt in Mettenhoff so wat 20.000 Inwahners.
Schilksee
liggt Noorden vun Kiel an de Kieler Foor. De Naam geiht op Gronder Thimmo de Skildekesse truch. Schilksee woor 1274 in’t Kieler Stedtbook indraagen. Schilksee woor 1959 ingemeendt.
Steenbek
is so wat in’t Joor 1798 vun 8 Katnersluud rond um de Kurbarg (Kurberg) beseedelt worrn. De Naam wiest op’n Steenbek (Steinbach) hen. Ingemeendt woor Steenbek in’t Joor 1909.
Suchsdorp
liggt suden de Noord-Oostseekanaal. Oorkondlik fastschreeven woor Suchsdorp in’t Joor 1269. De Naam geiht op de mooglik Gronder Suko truch. Suchsdorp woor ingemeendt in’t Joor 1958. In Suchsdorp leevt hudigendaags so wat 8.500 Inwahners.
De
Wik
liggt direkt an ene Wiek vun de Kieler Foor, suden vun de Noord-Oostseekanaal. Wegen dat is ook de Naam Wik to verklooren. Wik is Ollgermanisch un beduut Bucht. Oorspronglik woor de Wik een Buurndorp, wat so wat in’t 14. Joorhonnert grondt worrn is. De Wik woor 1893 in Kiel ingemeendt.