Goldfinger
is de Titel vun den drudden Film ut de
James-Bond
-Reeg, de op den gliek noomten Roman
Goldfinger
baseert. Goldfinger is as de Film in’t
Guinness-Book vun de Rekorden
ingahn, de an gauesten Geld brocht hett: Al in de eersten twee Weken hett he 2,9 Millionen
US-Dollar
inspeelt, un harr na dree Weken sien Produkschoonskosten wedder rinhollt. Weltwiet hett de Film 120 Millionen US-Dollar inspeelt.
Vundaag warrt Goldfinger as en Prototyyp vun de Bond-Filmen ansehn. Fans seggen sogor, dat dat de beste Bondfilm vun all Tieten weer. Butendem weer dat een vun de eersten Filmen, for de en opwannig
Merchandising
bedreven worrn is, noch vordem disse Begreep overhaupt praagt weer. Vor den Kinostart geev dat en groot anleggte Warfkampagne, de Premiere weer opletzt vun Deerns in en knappen Goldantog begleit. Nich toletzt weer dat de eerste Bond-Film, de mit sien Titelleed in de Charts stormt is. Dat Leed
Goldfinger
weer vun
Shirley Bassey
sungen un is foorts in de Top Ten instegen. Dat Album is mit Gold uttekent worrn.
Bond warrt in dissen Film op Auric Goldfinger ansett, de in’n Verdacht steiht dor Veschueven vun
Gold
, wat nich na’t Gesett for sik geiht, dat internatschonale Geldsortensystem in Gefahr to bringen. Goldfinger is en Minsch, de krankhaft achter Gold her is, un allns dorfor deiht, sien vermogen to mehren. Bond deckt bi sien Beschatten op, dat Goldfinger en verduvelt vegielienschen Plaan (unner den Decknaam ?Grand Slam“ ? wat so veel as
groten Slag
heet) hett: Mit Unnerstutten vun de
Volksrepubliek China
will he an
Fort Knox
ran. Toeerst gloovt man, dat he dor inbreken un de helen Goldreserven vun de
USA
klauen will. Man Goldfinger hett en noch veel beteren Plaan: He will de Goldreserven
radioaktiv
verseuchen, wat den Weert vun sien egen Goldbestannen um en Veelfack anstiegen lett.
So licht is dat aver nicht, as Fort Know vun mehrere teihndusend Soldaten bewacht warrt. De schullt vun’n Fleger ut mit en
Giftgas
besproht un doodmaakt warrn, so dat Goldfinger sien Luud dorna ahn Hinnern in dat Goldlager inbreken kunnt. Dorfor is sien Pilotsche Pussy Galore tostannig, de sik aver ? wenn ok mit veel Anloop ? vun Bond sien Charme um den Finger wickelt lett un sik betutern lett, over de Soldaten blots en harmlos Gas aftosprohen. De Soldaten weet rechtietig bescheed un doot so, as wenn se all reegum vun’t Gas umkippen doot. As Goldfinger aver mit sien Luud bi’t na’n
Tresor
kamen sund, gaht se to’n Angreep over.
Bond warrt wiel den Kamp an de
Atombomb
fastkeedt un in’n Tresor mit Goldfinger sien Macker un
Bodyguard
Oddjob
inslaten. Bond kann sik freemaken und mutt sik op Leven un Dood mit Oddjobb uteneen setten. Man just soven Sekunnen vor de Explosion, kann de Bomb utschallt warrn (de Countdown-Wieser kummt ?007“ to’n Stahn). In dat Kuddelmuddel verkleedt sik Goldfinger sulvst as’n Soldat un kann utneihn.
Bond schall for sien Verdeensten, dat he den Plaan rechtietig opdeckt hett, na’t
Witt Huus
brocht warrn, wohen em de US-amerikaansche Prasident inlaadt hett. Goldfinger aver hett sik an Boord sleken un duukt nu op’n Flaag weder ut dat
Cockpit
op. He will sik na Kuba afsetten un gliektietig mit Bond afreken. En Kamp brickt an Boord ut. Goldfinger schutt op Bond un maakt dorbi en Finster twei. Dor den
Unnerdruck
warrt Goldfinger ut de Kabien sogen, wiel Bond sik fasthollen kann, bit de Druck wedder utgleken is. Tosamen mit Pussy Galore, de den Jet flegen deit, kann he sik kort vor’t Afstorten mit en
Fallschirm
in Sekerheit bringen.
- Aston Martin DB5
: Dat beropenste Bond-Auto is in dissen Film to’n eersten mol insett worrn un weer mit verschedene Extras utrust: en Panzerschott to’n Hoochfohren an de Heckschiev, Nevelsmieter, Maschiengewehren, Dusen to’n Oolsprohen, Dreefack-Wesselkennteken for ?all Lanner“ (
O-Toon
vun Q) un en
Sleudersitt
for den Bifohrer. De Aston Martin is dat bekannste Auto vun de Bond-Reeg un weer in soss Filmen bruukt. De DB5 ut Goldfinger is for 2,09 US-Dollar versteigert worrn.
[1]
De Aston Martin DB5 stell den Anfang dor for en Markmol, dat in Bond-Filmen jummer wedder keem. Bit vundaag hett Bond tallrieke verschedene Autos fohrt, de mit sunnere Gadgets utrust weer. Tomeist weer dat de Autos aver nich vergunnt heel to blieven.
- Ortungsredschopp: Dat Q-Ressort hett in Bond sien Auto en Instrument inboet, dat ut huutige Sicht an en
Navigatschoonssystem
denken lett. De Empfanger is Bestanddeel vun’t Ortungssystem HOMER. Den grotteren Signalgever bruukt Bond, um Personen ut groten Afstand to verfolgen. De tweete luttere Signalgever gifft den Geheemdeenst
MI6
de Mooglichkeit to jede Tiet Bond sien Standoort aftoropen. He verstickt dat luttere Instrument in en geheem Fack in sien Schohafsatz. Man dat geiht tonichten, as Bond den Senner en Verbunnten vun Goldfinger unnerjubelt, de aver mitsamt sien Auto un en Ladung vull Gold in en
Schrottpress
ennt.
In en Szeen teemlich to Anfang vun’n Film warrt en Helpsfro vun Auric Goldfinger, Jill Masterson, an de Siet maakt. Dat passeert dordor, dat ehr Lief vullstannig mit Gold overtogen warrt, so dat se dor en Unnerbreken vun de
Huutaten
to Dood stickt. Disse Infall schall op de Geschicht vun en
Model
ut de Swiez baseeren, de ehrn helen Lief mit Goldfarv overtogen harr un denn doodstickt is.
Man, Minschen atent vor allen over de Lung. de eenzigen Warveltieren, de an Land leevt un de jemehrn
Gasuttuusch
to’n beduden Deel over de Huut bestrieden doot, sund eenige
Amphibienorden
.
En vullstannig Bemalen vun de Huut kunn villicht gefahrlich warrn, as de
Sweetprudukschoon
un dormit de Regulatschoon vun de Warms hinnert warrt. Dat kunn theoreetsch to’n Anstiegen vun de
Liefkarntemperatur
un dormit to’n
Hittslag
fohren.
[2]
In de US-amerikaanschen Dokumentarreeg
Myth Busters
is dorstellt worrn, dat een nicht doodsticken kann dor en vullstannigen Overtog mit Goldfarv, ofschoonst dat to
Symptomen
kamen kann as Hittwallen un korten Aten.
Lexikon vun’n internatschonalen Film
(CD-ROM-Utgaav 1997):
Der dritte Bond-Film ist ein betont jenseits aller Glaubwurdigkeit angesiedeltes Kino-Abenteuer in der hinlanglich bekannten, formal nicht ungeschickten Mischung aus Science Fiction, Erotik und Brutalitaten. Die in ihrer Verschwommenheit und Pauschalitat abtragliche machtpolitische Charakterisierung der Konflikte wird durch die Irrealitat der Ereignisse nur bedingt ausgeglichen.
de Film is mit fief Filmpriesen utteken worrn un weer for wietere dree Utteken nomineert:
- De Privatfleger vun Goldfinger is en
Lockheed L-1329 JetStar
, een vun de eersten Businessjets un een vun de wenigen mit veer
Driefwarken
- En Dialoog, de toeerst twuschen Pussy Galore un James Bond opnahmen worrn is (
?I'm Pussy Galore“ - ?I know, but what's your name?“
) is naher nich in den Film overnahmen worrn, vun wegen dat dat as to sexistisch gellen de. Galore heet so veel as ?in’n Overmaat“ oder ?massenhaft“.
- Gert Frobe schrifft in sien Biografie, dat he na de Verhanneln um sien
Gaasch
fraagt weer, wat man em noch Go’es doon kunn. He harr dorop seggt, dat he go’en engelschen Football sehn much un dach sik dorbi, dat man em villicht af un an mol’n Intrittskoort in sien Gardroov leggen de. Man wohrhaftig stunn jeden Sunnavend en
Rolls-Royce
mit Fohrer vor sien Hotel, de em na en Stadion brocht hett, woneem dat intressanteste Speel weer.
- Gert Frobe is vun de Produzenten as Dorsteller vun Auric Goldfinger utsocht worrn, nadem se sien Leistung in den Krimi
Es geschah am helligten Tag
as manischen Kinnermoorder
Schrott
vun 1958 sehn harrn. In’t engelsche Original weer sien egen Stimm nich to horen, man de vun
Michael Collins
. De hele Rull weer nasynchroniseert, vun wegen dat de Produzenten de Meenung weern, dat Frobes Engelsch to slecht un to slecht to verstahn weer weer for de eneglschen Tokiekers
- De Naam
Auric Goldfinger
is en
Tautologie
: De Vornaam bargt al dat
latiensche
Woort
aurum
for
Gold
, dat in’n Nanaam nochmol steiht. De Nanaam is ok en Henwies op den mythischen Konig
Midas
, de allns to Gold mook, wat he anrohren de, wat Goldfinger sien Raffgier na Gold unnerstrieken schall. Ok in’t Titelleed heet dat
?He’s the man, the man with the
Midas
touch ...“
Man, de Naam is opletzt afleidt vun den beropenen Architekt
Ern? Goldfinger
, de in London in en Villa blangen Fleming wahnen de un den sien Stil Fleming nich lieden much. De Architekt hett overleggt, vor Gericht gegen den Bruuk vun sien Naam vortogahn. Se hebbt sik op’n Vergliek eenigt.
- Ian Fleming
:
James Bond, Goldfinger
(Originaltitel
Goldfinger
). Hoochduutsch vun
Willy Thaler
un
Friedrich Polakovics
. Scherz, Bern, Munchen un Wien 1999, 169 S.,
ISBN 3-502-79224-0
- Michael Marti, Peter Walty:
James Bond und die Schweiz.
Basel 2008.
ISBN 978-3-905800-20-3
- Danny Morgenstern,
Manfred Hobsch
:
James Bond XXL. Das weltweit umfangreichste 007-Nachschlagewerk
. (Band 1:
A - K
, 796 S.; Band 2:
L - Z
, 861 S.). Schwarzkopf un Schwarzkopf, Berlin 2006,
ISBN 978-3-89602-545-6
oder
ISBN 3-89602-545-7
- ↑
BBC News
:
James Bond car sold for over £1m
.
21. Januar 2006
- ↑
Christoph Drosser
(
Stimmt’s?
):
Da irrt James Bond
.
In:
Die Zeit
.
Nr. 33/1997