Bezirk Franzoosch-Guayana
Grunddaten
Region	Franzoosch-Guayana
Seet vun’t Bezirksverwalten	Cayenne
Kreisstader
Inwahners ( 1999-00-00 1999)	185,000 Inwahners
Inwahnerdicht	2.2/km² Inwahners/km²
Flach	83,534 km² km²
Kreisen	2
Kantonen	19
Gemenen	22
Prasident vun’n Bezirksdag	Antoine Karam

Franzoosch-Guayana (fr. Guyane [g?i.?j?n] ) is en Bezirk un ene Region vun Frankriek . Franzoosch-Guayana liggt in Suudamerika an’n Atlantik . Hooftstadt is Cayenne .

Geografie [ annern | Bornkood annern ]

Franzoosch-Guayana is 83.534 km² groot un dormit in de Grott mit Oostriek to verglieken. Liekers leevt dor mit bi 270.000 Luud kuum Minschen. De Luud leevt to’n groten Deel in de Stader langs de Kust. Dat Binnenland is afsehn von enkelte luttje Grupp Indigene meist leddig wat Minschen angeiht.

De Kust is von Savannen praagt, dat Binnenland wieldes is fuchten Regenwoold un bargig ( Bargland von Guayana ). De hoogste Punkt is de Bellevue de l’Inini mit 831 m over de See.

Dat Land is dor de Stroom gledert, de ut dat Bargland kaamt un all na Noordoosten na’n Atlantik fleten doot. Dat sund von West na Oost de Maroni (billt de Grenz na Surinam), de Sinnamary , de Approuague un de Oyapock (billt de Grenz na Brasilien).

Klima [ annern | Bornkood annern ]

Franzoosch-Guayana liggt in de Tropen . De Temperatur is over dat Johr relativ kunstant un liggt de meiste Tied bi um 28 °C. Von August bet Dezember (mit Regenminimum in’n September) is Droogtied un in de annere Tied Regentied (mit Regenmaximum in’n Mai). De Luftfuchtigkeit liggt bi um un bi 80 bet 90 %. Dat Land is von Passaatwinnen praagt, de von Noordoost von’n Atlantik her weiht. Dor de Laag relativ dicht an’n Aquater kaamt Hurrikans nich vor. Wenn sik en Storm over’n Atlantik billt, dreiht he na Noordwesten af na de Karibik .

Luud [ annern | Bornkood annern ]

To’n 1. Januar 2017 harr Franzoosch-Guayana 268.700 Inwahners. De Inwahnertall wasst mit 3,3 % in’t Johr gau un dat Dorsniddsoller is mit 28,6 Johr ring.

Inwahnertall [ annern | Bornkood annern ]

Born: UN ^[1]

Volker [ annern | Bornkood annern ]

De grottste Volksgrupp sund de Kreolen un de Afroguyaners . Von Europaers stammt um un bi 12 % von de Inwahners af. De Grupp von de Indigenen is so 5?10 % groot. Von Belang sund ok de Suudoostasiaten, to de unner annern Laoten un Luud ut dat frohere franzoosche Indochina tellt. De Marrons sund kene Indigenen, man Nafohren von utknepen Slaven , aver se leevt meist justso as de Indigenen in’n Oorwoold von Franzoosch-Guayana.

Religionen [ annern | Bornkood annern ]

Na’n Zensus von 2007 sund 84,4 % von de Inwahners Christen un dorvon 90 % Katholiken . To’n chineeschen Universismus bekennt sik 3,6 %. 3,3 % rekent sik den Spiritismus to un 2,9 % sund Agnostikers . So en Veerdel bet to’n Halvdeel von de Indigenen ut Granzoosch-Guayana hollt to de traditschonellen Religionen. De Zensus gifft for dusse Grupp 2,2 % an. ^[2]

Delen [ annern | Bornkood annern ]

Dat Overseedepartement Franzoosch-Guayana is in twee Arrondissements un 22 Gemenen indeelt.

Historie [ annern | Bornkood annern ]

In de prakolumbische Tied weer Guayana al vele dusend Johr von indigene Volker bewahnt, de aver keen Schrift un ok keen stenern Gebuud harrn, so dat von jemehr Kultur nich veel nableven is, wat wi vondaag noch unnersoken koont.

De eersten Europaers, de an de Kust von Guayana kemen, weren in dat Johr 1498 de Maten von Christoph Kolumbus sien drudde Expeditschoon. Na Kolumbus hett dat aver noch over hunnert Johr duurt, bet de Europaers versocht hebbt, sik in dat Rebeed op Duur daltolaten. De eerste Versook weer de Thornton-Expeditschoon 1608, as de engelsche Koptein Robert Thornton in’n Opdrag von Ferdinando I. , Groothartog von de Toskana , na Guayana seilt is. Thornton sien Expeditschoon hett slumpt un he keem 1609 mit gode Narichten na de Toskana trugg un wull geern en twete Reis maken, um en Kolonie antoleggen. Ferdinando I. weer wieldes aver doodbleven un sien Sohn Cosimo II. harr keen Intress mehr an en Kolonie in Suudamerika. Ok en nedderlandschen Versook, in de Region Foot to faten, harr 1615 keen Gluck.

In de Johren 1624, 1630 un 1643 hebbt de Franzosen versocht, in dat Rebeed en Kolonie antoleggen. Dor Wedderstann von Portugesen un Inheemsche mussen de Franzosen dusse Siedlungen aver wedder opgeven. 1658 kunnen de Nedderlanners (de ok al in Surinam aktiv weren) de Kolonie Cayenne opboon, de sik denn ok hollen dee. Aver al 1664 hebbt de Franzosen de nedderlandsche Kolonie innahmen. Afsehn von korte Episoden 1667, as de Briten de Region innahmen hebbt, un 1676, as de Nedderlanners nochmaal kort wedderkemen, is dat Rebeed sietdem franzoosch bleven.

De Weertschop von de Kolonie weer von Plantaaschen for’n Export praagt, op de Slaven arbeiden deen. En Enn von de Slaveree in Franzoosch-Guayana keem na de Franzoosche Revolutschoon 1794. Later hebbt de Slavenhollers aver wedder de Boverhand kregen un kunnen de Slaveree wedder etableren. Eerst 1848 keem denn wurklich dat Enn von de Slaveree. Dorum hett de Kolonie anfungen, in Asien Indenturarbeiders antowarven un later sund denn vor allen Straaffungene ut Frankriek na Franzoosch-Guayana brocht worrn.

Von 1030 bet 1946 weer dat Binnenland von de Kust aftrennt un weer as Inini en egen Rebeed. In Inini sund Straaffungene ut Annam insett worrn, de dor gegen de Franzosen revolteert harrn. De Fungenen hebbt in Lagers leevt un schullen helpen, Infrastruktur optoboon, um dat Rebeed weertschoplich vorantobringen. Dor is aver nich veel von worrn. 1946 is Inini wedder Deel von Franzoosch-Guayana worrn un de Franzosen hebbt dat Rebeed den Status von en Overseedepartement geven.

De letzten Straaflagers hebbt 1951 dichtmaakt.

En wichtigen Schridd weer denn, as 1964 beslaten worrn is, dat in Kourou en Ruumfohrtzentrum anleggt warrt. De Vordeel von Franzoosch-Guayana weer de Laag dicht an’n Aquater, wat Drievstoff for de Raketen spoort. Dat Ruumfohrtzentrum Guayana is 1968 in Bedriev gahn.

Dor de weertschopliche Afhangigkeit von Frankriek hett sik in dat Rebeed anners as in annere frohere Kolonien keen starke Unafhangigkeitsbewegung rutbillt. Liekers hett dat jummer wedder Protesten un luttjere Revolten geven. 2010 hett dat en Unafhangigkeitsreferendum geven, bi dat 70 % von de Luud gegen de Unafhangigkeit weren.

Weertschop un Infrastruktur [ annern | Bornkood annern ]

For de Weertschop in Franzoosch-Guayana speelt dat Ruumfohrtzentrum Guayana in Kourou en grote Rull. In dat Binnenland warrt Holt afboot un langs de Kust warrt Bueree bedreven. In de Fischeree speelt de Fang von Krabben de grottste Rull.

Verkehr [ annern | Bornkood annern ]

De Stratenverkehr loppt meist kumplett over de Route nationale 1 un 2, de de Kust langs von Surinam bet Brasilien dor dat ganze Land loopt. Dorbi billt de Route nationale 1 den Westtelg von Surinam bet na de Hooftstadt Cayenne un de Route nationale 2 den Oosttelg von Cayenne na Brasilien. An de Grenz to Surinam is de Straat in Saint-Laurent-du-Maroni over en Fahr an’n Oort Albina anslaten. An de Grenz to Brasilien besteiht en Brugg twuschen Saint-Georges un Oiapoque .

De Flegerverkehr loppt over’n Flegerhaven Cayenne un de Schippsverkehr over’n Haven Degrad des Cannes in de Neegd von Remire-Montjoly un de Hooftstadt. Dat gifft keen Bahnverkehr in dat Land (afsehn von en poor korte Frachtgleise).

Footnoten [ annern | Bornkood annern ]

1. ↑ World Population Prospects - Population Division - United Nations. Afropen an’n 28. Juli 2017 .  
2. ↑ Michel Dylong: Religion in Franzosisch-Guyana, rutkamen in: Markus Porsche-Ludwig, Jurgen Bellers (Hrsg.): Handbuch der Religionen der Welt. Bann 1 un 2, Traugott Bautz, Nordhausen 2012, ISBN 978-3-88309-727-5 . Sieden 554?555

Weblenken [ annern | Bornkood annern ]

Franzoosch-Guayana . Mehr Biller, Videos oder Audiodateien to’t Thema gifft dat bi Wikimedia Commons .

• Websteed von de Prafektur (franzoosch)

Bezirke vun Frankriek

01  Ain  | 02  Aisne  | 03  Allier  | 04  Alpes-de-Haute-Provence  | 05  Hautes-Alpes  | 06  Alpes-Maritimes  | 07  Ardeche  | 08  Ardennes  | 09  Ariege  | 10  Aube  | 11  Aude  | 12  Aveyron  | 13  Bouches-du-Rhone  | 14  Calvados  | 15  Cantal  | 16  Charente  | 17  Charente-Maritime  | 18  Cher  | 19  Correze  | 20  Corse  | 21  Cote-d'Or  | 22  Cotes-d'Armor  | 23  Creuse  | 24  Dordogne  | 25  Doubs  | 26  Drome  | 27  Eure  | 28  Eure-et-Loir  | 29  Finistere  | 30  Gard  | 31  Haute-Garonne  | 32  Gers  | 33  Gironde  | 34  Herault  | 35  Ille-et-Vilaine  | 36  Indre  | 37  Indre-et-Loire  | 38  Isere  | 39  Jura  | 40  Landes  | 41  Loir-et-Cher  | 42  Loire  | 43  Haute-Loire  | 44  Loire-Atlantique  | 45  Loiret  | 46  Lot  | 47  Lot-et-Garonne  | 48  Lozere  | 49  Maine-et-Loire  | 50  Manche  | 51  Marne  | 52  Haute-Marne  | 53  Mayenne  | 54  Meurthe-et-Moselle  | 55  Meuse  | 56  Morbihan  | 57  Moselle  | 58  Nievre  | 59  Nord  | 60  Oise  | 61  Orne  | 62  Pas-de-Calais  | 63  Puy-de-Dome  | 64  Pyrenees-Atlantiques  | 65  Hautes-Pyrenees  | 66  Pyrenees-Orientales  | 67  Bas-Rhin  | 68  Haut-Rhin  | 69  Rhone  | 70  Haute-Saone  | 71  Saone-et-Loire  | 72  Sarthe  | 73  Savoie  | 74  Haute-Savoie  | 75  Paris  | 76  Seine-Maritime  | 77  Seine-et-Marne  | 78  Yvelines  | 79  Deux-Sevres  | 80  Somme  | 81  Tarn  | 82  Tarn-et-Garonne  | 83  Var  | 84  Vaucluse  | 85  Vendee  | 86  Vienne  | 87  Haute-Vienne  | 88  Vosges  | 89  Yonne  | 90  Territoire-de-Belfort  | 91  Essonne  | 92  Hauts-de-Seine  | 93  Seine-Saint-Denis  | 94  Val-de-Marne  | 95  Val-d'Oise  | 971  Guadeloupe  | 972  Martinique  | 973  Franzoosch-Guayana  | 974  Reunion