UNESCO is ne towyde organisaty van de Vereynigde Natys wat sik gangs holdt med wearldvreyde, bestryding van armood, duursame untwikkeling en bemiddeling tusken kulturen. Dat doot se doar sik te richten up skolen, weatenskap, kultuur en kommunikaty. De UNESCO is egrunded up den 16. november 1945 med et hoyvdkantoor in Parys . Lid van de organisaty sint 193 staten.

De name UNESCO is ne afkorting voar et engelske United Nations Educational, Scientific and Cultural Organization , de Edukative, Weatenskappelike en Kulturele Organisaty van de Vereynigde Natys.

De UNESCO hevt vyv richtpunten: underwys, natuurweatenskappen, sociale weatenskappen, kultuurstudys en kommunikaty. Darbinnen understuttet se projekten dee lude leasen en skryven leyret, bedet techniske upleidingen, stimuleert weatenskappelik undersook, beskarmet unafhangelike media en persvryheid, beskuttet regionale en kulturele geskedenisse en promotet kulturele verskeidenheid.

Binnen wearldkultuur en weatenskap hevt UNESCO de latste jaren et warkveld wat uutebreided nar umsetwark van wearldliteratuur. Ouk settet se internationale samenwarkingsprojekten up um Wereld-Arvgood te beskarmen, up te kummen voar menskenrechten, brengt de digitale wearld korter by mekander, en stichtet oapen kennisgemeynskappen voar informaty en kommunikaty. Eyne van de projekten wat UNESCO egrunded hevt is Education For All (Underwys Voar Ydereyne).

UNESCO steyt under regeyring van de Generale Kunferency, wat besteyt uut lidstaten en deylneamende leaden. Dee kummet alle twey jaren by eynander um et programma en budget vaste te leggen. Ouk keset se dan leaden voar den Uutvorenden Rad dee as UNESCO's wark leidet, en wyset nen Direktoor-Generaal an den as UNESCO's hoyvdvoarsitter is. UNESCO is lid van de Untwikkelingsgrup van de Vereynigde Natys, en samenwarkingsverbund van VN-agentskappen en bedryve dee as de Duursame Untwikkelingsdolen wilt halen.