Independent State of Papua New Guinea Independen Stet bilong Papua Niugini (Tok Pisin) Independen Stet bilong Papua Niu Gini (Hiri Motu)
Kaarte van Papua Nyguinea
Informasie
Sproaken	engelsk , Hiri Motu , PNG Sign Language , Tok Pisin
Heufdstad	Port Moresby
Regeringsvorm	Unitare Parlementare Grundwettelike Monarchy religie= 95,5% Kristendom 64,3% protestant 26,0% katolik 5,2% anders kristelik 3,1% neet upegeaven 1,4% ander / gin
Laand en inwonners
Oppervlakte - Water	462,840 km² 2%
Inwonners - Dichtheid	8.935.000 15 inw./km²
Koordinaten	9° 29′ S , 147° 9′ O -9.4788888888889 147.14944444444 Koordinaoten: 9° S , 147° O
Oaverig
Volksleed	"O Arise, All You Sons"
Munteenheid	Kina ( PGK )
Tiedzone	UTC+10, +11 (AEST)
Web | Kode | Tel.	.pg | PG | +675

Papua Nyguinea , officieel den Unafhangeliken Stat Papua Nyguinea en vake ofekortt tot PNG, ( Tok Pisin : Independen Stet bilong Papua Niugini ; Hiri Motu : Independen Stet bilong Papua Niu Gini ), is en land in Oceanie . Et beslut et oustelike deyl van et eiland Nyguinea en byhoyrige eilanden in Melanesie . De hoyvdstad is Port Moresby . Met ne uppervlakde van 462.840 km2 is et de up twey na groatste eilandstat van de wearld.

Vanaf 1884 wor Papua Nyguinea doar dree koloniale groutmachten beheyrd. Seyd den Eyrsten Wearldoorlog stund et 60 jar under australisk bestuur. In 1975 wor Papua Nyguinea unafhangelik; vanaf dee tyd was et en unafhangelik lid van et britske Gemeynebest , med Elizabeth II as stathoyvd.

Papua Nyguinea is eyne van de meyst kultuurverskeidene landen up de wearld. Seyd 2019 is et ouk de meyst landelike, umdat mar 13,25% van de lude in verstadelikte gebeden wont. Et land hevt oorsprungelik 851 spraken, warvan as der 11 nu uutestorven sint. Et groatste deyl van de meyr as 8 miljoon lude woanet in traditionale gemeynskappen, dee al lyk sou verskillend sint as de spraken. Et land is weatenskappelik eyne van de minst verkende kulturele en geografiske gebeden up de wearld. Undersokers meynet dat der noch verskeidene neet-untdekkede volker woanet en dat der noch voale arden planten en deers te beskryven vallet.

Den stat steyt by et Internationaal Monetaar Funds te book as en untwikkelingsland. Souwat 40% leavt selvunderholdend van de natuur, sunder togang tot kapitaal of geld. De meyste lude woanet der in starke traditionale burenverbanden, hanget natuurgodsdeenste an en gat neet wyder as de laegere skole. De verskillende volker en samenleavingswysen stat under beskarming van de grundwet van Papua Nyguinea. Darin steyt dat de "traditionale dorpe en gemeynskappen en weasenlik underdeyl blyvet van de Papua Nyguineaske samenleaving." Ouk beskarmt en understreypet et et belang van disse verbanden voar plaatselike en nationale gemeynskappen. Et land kikt seyd 1976 med in et Suudoustasiatiske Landenverbund (ASEAN) en hevt ne anvrage loupen voar vulleydig lidmatskap. Et is lid van de Pacifiske Gemeynskap, et Pacifiske Eilandenforum en et Gemeynebest.