Uut Wikipedia, de vrye encyklopedy
Nen korhaann in t Boarglaandbos
Lyrurus tetrix tetrix
t
Korhoonder
(
Lyrurus tetrix
volgns IOC WBN
[1]
vake ook:
Tetrao tetrix
) is nen
vogel
oet de familie van
roewpoothoonders
(
Tetraonidae
). t Vrowken neumt ze ne
korhenne
en t manneken nen
korhaann
, wat mangs ook as soortnaam gebroekt word.
n Haann is ongevear 50 cm laank, is zowat helemoal zwart met her en der wit op de vleugels en nen kromn start wat op ne liere lik. De henne is griesbroen met stippelige baandn oawer t lief, en ongevear 42 cm laank.
Korhoonders tref iej in n groot deel van t noordn van
Europa
, ook in
Belgie
en
Neerlaand
. t Korhoonder is in Europa nen kultuurvolger. Van oorspoonk kon t zik good redn in haalflosse boargbossen met
morrelaandn
en
heede
. Doo't de roewe groondn oontgunn wordn, kree'j in t oostn van Neerlaand hele heedevlaktes, woer't t korhoonder zik good redn kon. Doo't de heedeveeldn verdweenn, dr mear toeristn ofkomn op t de oawerbleewne stukn, en t gebeed verdreugn, is dr weainig van de korhoonders oawerbleewn. Dit geeldt vuur heel Europa.
Op de
Sallaandse
heuwelrugge bie
Hooltn
probeert ze al verskeaidene joar de leste korhoonders te redn. Dr wordn zelfs in
2012
vuur €90.000,- spesjale korhoonders oet
Zweedn
in evloagn, dee't vuur niej blood mossen zorgen. Dit leek good te goan; dr warn broodkoppels en zelfs verskeaidene eier oet ekomn. Op
7 juli
2012
meeldn
De Twentsche Courant Tubantia
skoonwal det dr 28 kuukns dood warn egoan. Det gebuurn de vuurgoande dree joar ook al.
[2]
Oet oonderzeuk bleek at de kuukns te weainig etn hadn ehad. Dit keump woarskienlik umdet dr vuur t korhoonder op de Sallaandse Heuwelrugge nit genog etn te veendn is. Et joar der op wol
Stoatsbosbehear
vuur n poar ton nog es 20 tot 25 korhoonders oet Zweedn loatn komn en goan bievoorn met spesjaal ekweekte
spreenkhaann
. Nit alle lokale ambtenoarn warren t doar met eens.
[3]
Oet onofhaankelik oonderzeuk bleek in 2021 at et heel iets antreuk met de korhoonder in Sallaand. Der warn zeuwn haann en darteen henn, wat bedudend mear was as de joarn der vuur. Toch was dat nog nit genog um de deers zelfstaandig te loatn oawerleawn.
[4]
- ↑
Gill, F., Wright, M. & Donsker, D. (2010). IOC World Bird Names (version 2.6).
- ↑
TCtubantia.nl.
Kuikens korhoenders sterven massaal.
Skreewn en bekekn op 7 juli 2012.
- ↑
TCTubantia. "Korhoen Geldverspilling".
Skreewn en bekekn op 9 juli 2012
- ↑
Rijssen-Holtens Nieuwsblad. 'Korhoenders doen het ietsje beter'. Skreven en bekekken op 20 januwoari 2021.