Republic of Cameroon Republique du Cameroun (Repubiek Kameroen)
Kaarte van Kameroen
Informasie
Sproaken	Engels (offisjeel), Fraansk (offisjeel). In totaal ong. 200 inheemse sproaken.
Heufdstad	Yaounde
Regeringsvorm	Republiek
Laand en inwonners
Oppervlakte - Water	475.442 km² 0,57%
Inwonners - Dichtheid	22.534.532 39,7 inw./km²
Koordinaten	3° 52′ N , 11° 31′ O 3.8666666666667 11.516666666667 Koordinaoten: 4° N , 12° O
Oaverig
Volksleed	O Cameroon, Cradle of our Forefathers (O Cameroun, Berceau de nos Ancetres) Oh, Kameroen, wege van oonze vuuroolders
Munteenheid	Mid-Afrikaansen Frank ( (XAF) )
Tiedzone	UTC +1
Web | Kode | Tel.	.Cm | CM | 237

Kameroen (oetsprekn as kamme-ROEN ), offisjeel de Reppubliek Kameroen is een laand in Midden-Afrika . Et ligt op et oosten van Nigeria , op et zuudwesten van Tsjaad , op et westen van de MAR en op et noorden van Equatoriaal Guinea , Gabon en de Kongolese Republiek . Kameroen hef ne kustliene an de Golf van Bonny , wat deel is van de Guinese Golf en den Atlantiesen Oseaan .

In Kameroen wordt mear as 200 verskeadene sproaken ekuierd. Fraansk en Engels zeent de offisjele sproaken. Et laand word regelmoatig "Afrika in miniatuur" eneumd, umdet et laand zo ofwesselend is wat laandskop en kulturen angeet. Natuurlike kenmoarken zeent straand , weuste , boargen , reagenwoolden en savannes . Den Boarg Kameroen is met 4100 meter et heugste peunt. De grotste stad wat inwonnertal angeet is Douala an de Wouri-rivier . Yaounde is de heuwdstad en Douala is de belangriekste zeehawen.

Noa de onofhaankelikhead gung et niej evormde laand bie et Gemenebest , mer et grotste deel van et laand har aait ne Duutse kolonie ewest en was noa den Eersten Wearldoorlog een Fraans mandaat ewordn. Et laand is wied en zied bekeand um de inheemse muziekstielen, vuural makossa en bikoetsi . Doarnoast dut et nasjonale vootbal -elftal van Kameroen et aait good op wearldwedstrieden.

De vrogst bekeande inwonners van et gebeed heurden bie de Sao-beskawing roondum et Tsjaadmear en bie de jager-gadderaars van de Baka in et zuudoostelike reagenwoold. Portugese oontdekkingsvoarders kommen in et 15de joarhoonderd an op de kuste en neumden et Rio dos Camaroes ( Garnalenrivier ), wat in et Engels verbasterd wor tot Cameroon. Foela-soldoaten stichtten in et 19de joarhoonderd et Emiroat Adamawa in et noorden. Doarnoast vestigden zich stoarke stamdommen en Fondommen . In 1884 wor Kameroen as Kamerun ne kolonie van et Duutse Riek .

Noa den Eersten Wearldoorlog wor et laand verdeeld tusken Fraankriek en et Verenigd Keuninkriek . De partieje Volksverboond van Kameroen , ofwal de Union des Populations du Cameroun (UPC) vreugen um onofhaankelikhead. Fraankriek verbeud de partieje tusken 1950 en 1960 . Et verkloarden de oorlog an Fraankriek, wat tot 1971 doerden. in 1960 wor et Kameroense deel wat duur Fraankriek regeard wor, onofhaankelik. Et heten de Republiek Kameroen oonder presideant Ahmadou Ahidjo . In 1961 sleut et zudelike Engelse deel zik der bie an, woernoa as et wiedter gung as de Federale Republiek Kameroen. Et laand wor ummedeupt tot de Vereanigde Republiek Kameroen in 1972 en tot de Republiek Kameroen in 1984 .

In Kameroen geet et politiek en moatskoppelik redelik good. De laandbouw, weagen, et spoer en grote petrollie- en hooltindustrie is doarduur redelik oontwikkeld. Toch leawt redelik wat Kameroensen in oarmood as zelfonderhooldende boeren. Den alleenhearsenden presideant Paul Biya en zinne Kameroense Demokratiese Volksbeweaging hebt de towkes seend 1982 stewig in haanden. De Engelssprekkende delen van Kameroen nemt verdan mear ofstaand van de regearing. Besteurders oet disse strekken roopt verdan harter um mear zelfbesteur en zelfs ofsplitsing.