Kalifornie
(
Engels
:
California
) is nen stoat in de
Verienigde Staoten van Amerika
, an de westkuste van
Noord-Amerika
. t Greanst in t zuudoostn an
Arizona
, in t oostn an
Nevada
en in t noordn an
Oregon
. t Is met ofstaand de drokstbevolkte stoat van de VS
[1]
en n doardegrotsten wat antal beunder angeet (op
Alaska
en
Texas
noa). In dissen stoat lignt de tweede- en zesdegrotste steadn van de VS:
Los Angeles
en
San Fransisko
, en achte met de meeste inwonners (Los Angeles,
San Diego
,
San Jose
,
San Fransisko
,
Fresno
,
Sakramento
,
Long Beach
en
Oakland
).
[2]
De heuwdstad van Kalifornie is Sakramento.
t Laandskop van Kalifornie is van plek tot plek verskilnd. In t westn he'j t kustgebeed, in t oostn he'j de
Sierra Nevadaboargen
. In t noordwestn he'j de
Mammoetbeume
-
Douglasdannbosn
, in t Zuudoostn he'j de
Mohaveweuste
. t Middeln van n stoat word bepoald duur t middeldal, n groot
boerngebeed
. Kalifornie hef met
Mount Whitney
(
n Whitneytop
) en
Death Valley
(
t Dooindal
) t heugste en leegste peunt van de VS, en de doardelangste kustliene, noa
Alaska
en
Florida
.
Eardbewings
komt regelmoatig vuur (duur mekoar zo 37.000 per joar), umdet Kalifornie kort bie de
Pasifiese Reenk van Veur
lig.
[3]
n Naam
Kalifornia
sleug vroger op n groot deel van
Noord-Amerika
wat
Spanje
as bezit zaggen, woerbie't n groot deel van t zuudwestn van de VS heurn en t
Skiereilaand
Baja Kalifornie
. In t
18de joarhoonderd
wor t gebeed wat bekeand was as Alta California koloniseerd duur t
Spaanse Riek
as deel van
Niej Spanje
. In
1821
wor Alta California deel van
Mexiko
, noa nen geslaagden onofhaankelikheaidsstried. Kort noa n
Mexikaans-Amerikaansen Oorlog
van
1846
stichen ne groep Amerikaanse trekkers in
Sonoma
nen onofhaankeliken
Kaliforniesen Reppubliek
. Skoonwal de onofhaankelikheaid nit lange doern, wor de vlagge de vuurloper van de hudige stoatsvlagge. Amerika wun n oorlog, woernoa t
Verdrag van Guadalupe Hidalgo
oonderteeknd wor, woermet Mexiko Kalifornie ofsteund an de VS. t Westn van Alta Kalifornie wor n hudigen stoat, den't n 31sten stoat wor den't zik bie de VS ansleut, op
9 september
1850
.
De
Gooldkoorts van Kalifornie
, den't begun in
1848
, gooin t hele doomoalige leawn op n kop, met ne grootskoalige intrek vanoet de VS en van oawer vear, en n doarbie heurnden ekonomiesen vuuroetgaank. Belangrieke oontwikkelings vuur de ekonomie in t
20ste joarhoonderd
warn t feit at Los Angeles t middelpeunt van de Amerikaanse entertainmentindustrie wor, en ne onmeundige tooname in
toerisme
duur n heeln stoat. In de aandere helfte van t 20ste joarhoonderd komn de technologie en informasiesektoorn op, woerbie
Silicon Valley
t vuurtouw nom. Kalifornie hef n groot boernleawn, mer doarbie nog
roemtevoart
, oonderwies en bouw. As Kalifornie op zikzelf zol stoan, zoonder de VS, har t de achtstegrotste
ekonomie
van de wearld.
[4]
en de 35ste met de meeste inwonners. Zowat al t verse fruit in de VS word verbouwd in Kalifornie, en ook met de greunte stoat ze boawnan.
[5]
- ↑
U.S. Census Bureau. Tabel 1. Annual Estimates of the Population for the United States, Regions, States, and Puerto Rico: April 1, 2000 to July 1, 2009
. Skreewn op 22 december 2009. Bekekn op 24 december 2009
- ↑
E-4 California Department of Finance. Population Estimates for Cities, Counties and the State, 2001?2009, with 2000 Benchmark
. Mei 2009. Bekekn op 24 december 2009
- ↑
Seismo.berkeley.edu. Frequently Asked Questions
. Bekekn op 22 april 2010.
- ↑
"Calif. retains economy that would be 8th largest"
, "Businessweek", 2 december 2010, bekekn 2 december 2010
- ↑
Life in the USA.com. Fruits and Vegetables, America Eats, from Life in the USA: The Complete Guide for Immigrants and Americans
. Bekekn op 23 augustus 2011