Europeeske Uny

De Europeeske Uny (EU) is een uny van verskillende europeeske landen. Up et moment besteyt et uut 27 lidstaten, med in totaal 4.233.262 km² an grundgebeed en sowat 447 miljoon inwoaners. As de EU as land ereakend wordt nemt de Europeeske Uny een soavende plekke in up de wearldranglyste wat grundgebeed angeyt, en de derde, na China en India , wat bevolkingsantallen angeyt. De name van de uny kwam tot stand doar et verdrag van Maastricht in 1992 , darvoar heytte et de Europeeske Gemeynskap . Et hoyvdkwartyr van de Europeeske Uny sit in Brussel , Belgie .

Kandidaatlidstaten [ bewark | bronkode bewarken ]

Volgens et EU-verdrag kan elke Europeeske stat lid worden van de EU, up voarwaerde dat alle andere lidstaten dermed instemmen. Dit principe van unanimiteit wil seggen dat eyn van de landen dee al lid is de totreading van een kandidaatlidstat kan blokkeren.

De kriteria waran de lidstaten mutten vuldoon stan beskreaven in de Kriteria van Koupenhagen . Underdeyl van disse kriteria is et vulleadig oavernemmen van et gemeynskapsrecht .

Der bint nou vyv kandidaatlidstaten ^[1] :

• Albanie
• Noordmacedonie
• Montenegro
• Servie
• Turkie

Van Albanie is de anvrage tot lidmatskap untvangen en up 10 oktober 2012 deade de Europeeske Kommissy de anbevealing Albanie de status van kandidaatlidstat te geaven. In 2014 hevt et land dee status ouk ekreagen.

Noordmacedonie is sinds 17 december 2005 een kandidaatlidstat van de Europeeske Uny. Vanweagen een konflikt med Grykenland oaver de name van et land gungen de underhandelingen neet erg vlugge. Na de naamwysiging van et land in 2018 bint de totreadingsunderhandelingen van start egan.

Turkie underhandelde sinds 4 oktober 2005 med de EU oaver totreading, in februari 2019 bint dee underhandelingen stille elegd vanweagen de veranderende politike richtinge dee et land uutgeyt.

Bosnie-Hercegovina en Kosovo worden officieel erkend as moagelike kandidaatlidstaten.

EU-landen [ bewark | bronkode bewarken ]

De volgende landen bint by de EU anesloaten:

¹ sunder Groonland en de Faroer

Voarmalig lidstat [ bewark | bronkode bewarken ]

• Vereynigd Koaningryk (tot en med 31 januari 2020 )

Officiele talen [ bewark | bronkode bewarken ]

De officiele talen van de instituten van de Europeeske Uny bint:

Med de totreading van Bulgarye en Rumanie vanaf 1 januari 2007 kwammen bulgaarsk en rumaansk derby. Ouk kwam der een derde alfabet by, et kyrillisk (in gebruuk in Bulgarye), nast et al gebrukede latynske en grykske alfabet .

Andere EU-talen [ bewark | bronkode bewarken ]

Semi-officiele talen in de Europeeske Uny bint:

• Katalaansk
• Galicisk
• Baskisk
• Skotsk-gaelisk
• Kymrisk

Et poolske parlementslid Małgorzata Handzlik pleitede voar de invoring van de internationale taal esperanto as tweyde taal in Europa. Up 1 april 2004 weer hyroaver estemd. Van de 626 leaden waren der 346 um verskillende readenen neet anweasig. 280 lude brachten oar stemme uut. Darvan was 43% voar.

Andere inheymske talen dee in de Europeeske Uny esproaken worden, maar (noch) neet officieel erkend bint doar de EU, bint u.a.:

Afbealding van de hudige status [ bewark | bronkode bewarken ]

Referensys [ bewark | bronkode bewarken ]

1. ↑ Kandidaatlidstaten

Uutgande verwysingen [ bewark | bronkode bewarken ]

Commons: Europeeske Uny - plaatjes, filmkes en/of geluudsbestanden.

Dit artikel is eskreaven in et sallandske dialekt van Zwolle, in de Nysassiske Skryvwyse .