Uut Wikipedia, de vrye encyklopedy
Colorado
is nen stoat in de
Verenigde Stoaten
van Amerika. Et beslot et grotste deel van de
Rocky Mountains
, et noordoostelike deel van de
Coloradoplate
en et westelike deel van de
Great Plains
. Et is den achtstegrotsten stoat wat oppervlakte angeet. In
2014
wonden der ongevear 5.355.866 leu in Colorado.
Den stoat is neumd noar de
Coloradorivier
. Den daankt zinn naam an de
Spaanse verkenners
, dee as den rivier de
Rio Colorado
(ekleurde rivier) neumden vanweage et rossige zilt wat oet de baargen metkom. Et gebeed Colorado wor in etekend op de kaarte op den
28sten februwoari
1861
en wor op den
eersten augustus
van
1876
as 38sten in de
Verenigde Stoaten
op enommen. Colorado hef as bienaam de
Centennial
state, umdet et 100 joar noa de
Amerikaanse verkloaring van onofhaankelikheid
in de verenige op enommen wor.
Colorado hef op et noorden ne greanze met
Wyoming
, met
Nebraska
op et noordoosten, met
Kansas
op et oosten,
Oklahoma
op et zuudoosten,
Niej Mexiko
op et zuden,
Utah
op et westen en met
Arizona
op et zuudwesten. Den stoat is vuural befaamd um zin ansprekkende, ofwesselende laandskop van baargen, woold,
hoogvlaktes
,
mesa
's,
canyons
, platen,
rivieren
en
weustelaand
.
De heuwdstad is
Denver
. Det is ook meteen de drokste stad van Colorado.