Arabies
|
Sproakgebeed van t Arabies:
- Greun: Ennigste offisjele sproake
- Doonkerblaauw: Ene van de offisjele sproaken (mearderheaid)
- Lechtblaauw: Ene van de offisjele sproaken (meenderheaid)
|
Land
|
Laanden van de
Arabiese Liga
, meenderheden in
Israel
,
Eritrea
,
Mali
,
Niger
,
Kenia
,
Tsjaad
,
Senegal
,
Zuud Soedan
,
Ethiopie
,
Iran
,
Turkije
,
Madagaskar
,
Tanzania
,
Mozambiek
, ezw.
|
Antal spreakers
|
40 miljoen as tweede sproake
|
Sprakindeyling
|
Afro-Aziaties
|
Skrivt
|
Arabies alfabet
|
ISO 639-1
|
ar
|
ISO 639-2
|
ara
|
ISO 639-3/DIS
|
ara
|
Arabies
is de
Klassiek Arabiese
sproake oet et
6de joarhoonderd
en de
moderne versies
, met oetzeundering van
Maltees
. Arabies word esprokken in et
Middenoosten
,
Noord-Afrika
en den
Hoorn van Afrika
. Et heurt bie de
Afro-Aziatiese sproaken
.
De Litereare sproake,
Modern Standaard Arabies
of Literear Arabies, is de offisjele vorm van Arabies. Et word gebroekt um zaken dale te skriewen en um formele zaken te bekuieren, zo as in leazingen en niejsoetzeandingen.
Aarabies is ne
Sentraal Semitiese
sproake, nauw verwaant an
Aramees
,
Hebreeuws
,
Oegarities
en
Foenisies
. Et liektrokkene skrief-Arabies is eulderwetser as alle sprokkene variaanten. Toch wordt ze noast mekaar broekt in verskillende sosjale umstaandigheden.
Een antal sprokkene soorten zeent in sproake en skrift
oonderling verstoanboar
.
[1]
Met mekoar vormet de soorten Arabies ne sosjolinguistiese sproake. Vanoet de sproakenkeunde bekekken zollen ze as verskillende sproaken geelden, mer um geleuwige en politieke readenen wordt ze vake bie mekoar rekkend. A'j ze as verskillende sproaken rekkent, is et neet te zeggen wovolle of et der zeent, umdet ze samen een
dialektverloop
vormet.
A'j et as ene sproake bekiekt, word Arabies duur ongevear 420 miljoen leu ekuierd.
[2]
Doarmet is et ene van de 6 meest-esprokkene sproaken van de wearld. A'j et as ofzeunderlike sproaken rekkent, hef woarskienlik
Egypties Arabies
de meeste sprekkers (54 miljoen).
[3]
Arabies is ook de geleufslearsproake vuur 1,6 miljard
Moslims
.
[4]
Et is ene van de zes offisjele sproaken van de
Verenigde Nasies
.
[5]
Modern Standaard Arabies is of eleaidet van de sproake in de
Koran
. Dit neumt ze ook wal
Klassiek Arabies
of Koraans Arabies. Et word volle leard in skolen,
universiteaten
en tot verskillende leanktes gebroekt op et woark, regearingen en media. Et is de offisjele sproake in 26 laanden en van et Islamgeleuf. Modern Standaard Arabies gebrok volle van de oolde
grammatika
en woardvuurroad. toch hef et der een antal vereulderde, neet mear gebroekte grammatikale steelsels achterhen edoan en een antal nieje zinsopbouwen en woarde van esprokkene soorten oawer enommen. Dit was neudig um nieje ideeen en gedachten van noa de Korantied stemme te gewen.
Arabies word met et
Arabies alfabet
daleskrewen. Det is een
abjadskrift
, wat van rechts noar leenks eskrewen en eleazen worden mut. Mangs word vuur et skriewen van de sprokkene soorten et
ASCII
-latiense alfabet an eheulden (van leenks noar rechts) zoonder dudelike regels.
- ↑
"Arabic language."
Encyclopædia Britannica
. 2009. Encyclopædia Britannica Online. Bekekken op 29 juli 2009.
- ↑
UNESCO. World Arabic Language Day. 18 december 2012.
Bekekken: 12 februwoari 2014
- ↑
Ethnologue.com
- ↑
Pew Research Center. "Executive Summary. The Future of the Global Muslim Population". 22 December 2011
- ↑
Un.org. UN official languages.
Bekekken: 20 april 2013