Hans Christian Andersen

Hans Christian Andersen ( Odense , 2 de Abril de 1805 ? Copenhague , 4 de Agosto de 1875 ) fui un poeta i scritor dinamarques de storias anfantis . L pai era capateiro , l que lhebou Andersen a tener deficuldades pa se eiducar, mas ls sous ansaios poeticos i la cuonta "Nino Moribunda" garantirun-le un lhugar ne l Anstituto de Copenhague . Screbiu piecas de triato , cancones patrioticas, cuontas, storias, i, percipalmente, cuontas de fadas, puls quales ye coincido an todo l mundo.

Antre ls cuontas de Andersen, ctacan-se: L Abeto , L Patico Feio , La Caixica de Surpresas , Ls Capaticos Burmeilhos , L Pequeinho Claudio i l Grande Claudio , L Soldadico de Chumbo , La Pequeinha Sereia , La Roupa Nuoba de l Rei , La Princesa i la Arbilha i La Pequeinha Bendedora de Cerilhas , dentre outros.

Publicou inda: L Amprobisador ( 1835 ), Nada cumo un menestrel ( 1837 ), Lhibro de Eimaiges sin Eimaiges ( 1840 ), L remanse de la mie bida (outobiografie an dous belumes, publicada einicialmente na Almanha an 1847 ), mas la sue maior obra furun las cuontas de fadas (Eventyr og Historier, o Storias i Abinturas ) que publicou de 1835 a la 1872 , adonde l'houmor nordico se alia a ua bonomie sorridente, i adonde usa a la par la base custituida por cuontas populares i ua eironie derigida als cuntemporaneos.

Andersen: bida, storia i lhiteratura [ eiditar | eiditar codigo-fuonte ]

Hans Christian Andersen naciu ne l meio dua familia dinamarquesa mui probe. L sou pai era un capateiro de binte i dous anhos, anstruido mas de salude andeble, i dua lhabadeira barios anhos mais bielha. Toda la familia bibie i drumie nun unico quarto. L pai adoraba l sou filho a quien ancentibou l'eimaginacon i la criatebidade, deixando-lo daprender a lher, cuntando-le storias i, mesmo, fabricando-le un teatrico de marionetas . Hans apersentaba ne l sou triato piecas classicas, tenendo chegado a memorizar muitas piecas de Shakespeare , qu'ancenaba culs brinquedos del.

An 1816 , sou pai morriu i el, cun solo onze anhos d'eidade, fui oubrigado a deixar la scuola.

Andersen naciu i bibiu nua epoca an que la Dinamarca retornaba al nacionalismo ancorado an balores ancestrales. De cierta forma gracias a la sue anfancia probe, Andersen tubo la ouportunidade de coincer ls cuntrastes de la sue sociadade, l qu'anfluenciou bastante las storias anfantiles i adultas que benerie a screbir quando mais bielho.

Als catorze anhos, an 1819 , Andersen saliu de casa i fui para Copenhague , ua grande cidade i capital de la Dinamarca , cul oubjetibo de se tornar un cantor de opera. An Copenhague las sues atitudes defrentes, depriessa l'eisolorun cumo un boubo. Anque de la sue boc le tenga falhado, fui admetido ne l Triato Rial pul sou diretor, Jonas Collin , de quien se tenie aprossimado i que serie sou amigo pa l restro de la bida. Andersen trabalhou ne l triato cumo ator i beilarino, para alha de screbir alguas piecas.

L rei Frederico VI de la Dinamarca antressou-se por tan stranho rapac i ambiou-lo pa la scuola de Slagelse. Anque de la sue aberson als studos, Andersen quedou an Slagelse i Elsinor ate 1827, anque tenga cunfessado mais tarde qu'estes furun ls anhos mais scuros i amargos de la sue bida. Durante esse periodo, Collin financiou ls sous studos.

An 1828 , fui admetido na Ounibersidade de Copenhague . An 1829 , quando ls sous amigos ya cunsidraban que nada de buono resultarie de la sue eicentricidade, tubo cunsidrable eisito cun Un passeio zde l canhal de Holmen ate a la punta lheste de l'ilha de Amager , i acabou por alcancar reconhecimiento anternacional an 1835 , quando lhancou l romance L Amprobisador , na sequencia de biaiges que l tenien lhebado la Roma , depuis de passar por barios paises de la Ouropa.

Assi, anque tenga scrito uns quantos remanses adultos, lhibros de poesie i relatos de biaiges, furun las cuontas de fadas que tornorun Hans Christian Andersen famoso. Specialmente pul fato de que, ate anton, eran mui ralos lhibros boltados specificamente para ninos.

El fui, segundo studiosos, la "purmeira boc outenticamente romantica a cuntar storias pa ls ninos" i buscaba siempre passar padrones de cumportamiento que deberian ser adotados pula nuoba sociadade que se ourganizaba, ate apuntando ls cunfrontos antre "poderosos" i "cprotegidos", "fuortes" i "fracos", "sploradores" i "splorados". El tamien querie demunstrar l'eideia de que todos ls homes debeian tener dreitos eiguales.

Antre 1835 i 1842 , Andersen lhancou seis belumes de Cuontas , lhibros cun storias anfantis traduzidos para barias lhenguas. El cuntinou a screbir sues cuontas anfantiles ate 1872 , chegando a la marca de 156 storias. Ne l'ampeco, screbie cuontas baseados na tradicon popular, specialmente ne l qu'el scuitaba durante l'anfancia, mas depuis zambolbiu storias ne l mundo de las fadas o que trazian eilemientos de la natureza.

Ne l final de 1872, Andersen quedou mui ferido al caer de la sue propia cama, i quedou cula salude abalada ate 4 d'Agosto de 1875, quando morriu, an Copenhague, adonde fui anterrado.

Amportanca atual [ eiditar | eiditar codigo-fuonte ]

Gracias a la sue cuntribuicon pa la lhiteratura anfanto-jubenil, la data de sou nacimiento, 2 d'Abril , ye l Die Anternacional de l Lhibro Anfanto-Jubenil . Para alha desso, l mais amportante premio anternacional de l genero, l Premio Hans Christian Andersen , ten sou nome.

Anualmente, la International Board on Books for Young People (IBBY) ouferece la Medalha Hans Christian Andersen pa ls nomes mais amportantes de la lhiteratura anfanto-jubenil.

Fui feito un filme que fui remanseada la storia de Hans, misturando cachos de sues cuontas cun sue bida, ne l'oureginal an angles, Hans Christian Andersen: My Life as a Fairy Tale , que podie ser traduzido pa "Hans Christian Andersen: La mie bida cumo ua cuonta de fadas".