Елизар Янгильдин (Елизар Осипович Янгильдин) ( 1914 идым 1 , Россий империй , ?п? губерний , П?р? уезд , Чорай ял ? 13 шыжа 1994 , Йошкар-Ола ) ? марий серызе , кусарыше , журналист , 1941 ? 1945 ийласе Кугу Ачамланде сарын участникше.

Илыш корныжо [ т?рлаташ | кодым т?рлаташ ]

Елизар Янгильдин 1914 ий идым тылзын 1-ше кечынже ?п? губерний П?р? уезд Чорай ялеш кресаньык ешеш шочын. 1932 ийыште П?р? оласе педагогический техникумым пытарен. Мишкан школышто туныктышылан ыштен. Шке землякше Я. Ялкайнын ?жмыж почеш Москош куснен. Учпедгизыште корректор, литератур пашае? лийын. Вара МАССР Наркомпросышто инспекторлан ыштен. Сар т??алме деч ончыч Н.К. Крупская л?меш МГПИ-ш пурен. Кугу Отечественный сарын т??алме икымше кечылаж гычак фронтышто лийын. С?й дене Венгрий ден Австрий марте шуын.

Сар деч вара ятыр ий печать пашаште, ты шотышто ≪Марий коммуна≫ газет редакцийыште, книга издательствыште ыштен.

Сераш 1930 ийла кыдалне т??алын. Икымше почеламут ден ойлымашыже-влак Башкирийысе марла газетлаште, ≪Ямде лий≫ пионер газетыште савыкталтыныт. Ятыр вийым да усталыкым тудо мер-политик литературым, п?рт?с нерген статья, очерк, с?рет-влакым, тыгак школ учебник-влаклан сылнымутан произведений-влакым кусарымылан пуэн.

Йоча-влаклан ойлымашлам серен. 1950 ийла мучаште ? 1960 ийла т??алтыште тудо кум сборникым луктын: ≪Сылне эр≫, ≪Какшан серыште≫, ≪Юл воктене≫. Варажым писатель сар прозым возаш кумыла?ын. Тыге тудын ≪Берлин марте≫, ≪Ачам олмешат≫ повестьше-влак шочыныт.

Йочалан возымо ойлымашлаштыже Е. Янгильдин шочмо кундемын п?рт?сш? нерген о?айын каласкален, тудым шекланен ончаш ?жын. Военно-патриотический темылан возымаштыже прозаик сарын неле да тунамак геройло тургымжым чын с?ретлаш тыршен.

Немыч-фашист захватчик-влак дене л?дде да талын кредалмыжлан Йошкар Ш?дыр орден дене наградитлалтын. Печать органлаште ятыр ий сайын тыршымыжлан ≪Паша ветеран≫ медаль дене, кок гана (1953, 1958) МАССР К?шыл Ка?аш Президиумын Чап грамотыж дене палемдалтын.

Т?? произведенийже-влак [ т?рлаташ | кодым т?рлаташ ]

• Сылне эр : йоча ойлымаш-вл. [Прекрасное утро : рассказы для детей]. Йошкар-Ола, 1957. 52 с.
• Какшан серыште : ойлымаш-вл. [На берегу Кокшаги : рассказы]. Йошкар-Ола, 1960. 64 с.
• Юл воктене : ойлымаш-вл. [На Волге : рассказы]. Йошкар-Ола, 1965. 96 с.
• Берлин марте : повесть [До Берлина]. Йошкар-Ола, 1966. 152 с.
• Тыге т??алын : ойлымаш, повесть, шарнымаш [Так начиналось : рассказ, повесть, воспоминания]. Йошкар-Ола, 1981. 144 с.
• Ачам олмешат : повесть ден ойлымаш-вл. [И за отца : повесть и рассказы]. Йошкар-Ола, 1985. 96 с.

Рушлаш кусарыме произведенийже [ т?рлаташ | кодым т?рлаташ ]

• Прекрасное утро : рассказ / пер. В. Муравьева // Зеленая роща. М., 1976. С. 7?8.

Илышыже да творчествыже нерген литератур [ т?рлаташ | кодым т?рлаташ ]

• Писатели Марийской АССР : биобиблиогр. справочник. Йошкар-Ола, 1976. С. 363?364.
• Галютин Ю. Марий мутын кумылзакше // Марий Эл. 1999. 1 сент.
• Анисимов Э. ...И толмач стал писателем // Мар. правда. 1999. 1 сент.
• Зайниев Г. Чорайыште ? Йыпшаш, элыште ? Элизар // Эр элем ? эр велем. Йошкар-Ола, 2004. С. 62?93.
• Журналист-фронтовик // Марий Эл. 2004. 3 сент.
• МБЭ. Йошкар-Ола, 2007. С. 423.

Чап [ т?рлаташ | кодым т?рлаташ ]

• ^[1] ≪Бойысо суаплан≫ медаль (23.08.1943).
• ^[2] Йошкар Ш?дыр орден (05.04.1945).
• ^[3] ≪Л?ддымылыклан≫ медаль (15.05.1945).
• Марий АССР Президиум Верховный Советын Чапкагазше (1953, 1958).
• ^[4] ≪Паша ветеран≫ медаль .

Литератур [ т?рлаташ | кодым т?рлаташ ]

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. - Йошкар-Ола, 2007. С. 423.
2. Писатели Марий Эл: биобиблиографический справочник / сост.: А.Васинкин, В.Абукаев и др. ? Йошкар-Ола: Марийское книжное издательство, 2008. ? 752 с. С. 738-739.

Важ-влак [ т?рлаташ | кодым т?рлаташ ]

1. ↑ Электронный банк документов ≪Подвиг народа в Великой Отечественной войне 1941-1945 гг.≫ .
2. ↑ Электронный банк документов ≪Подвиг народа в Великой Отечественной войне 1941-1945 гг.≫ .
3. ↑ Электронный банк документов ≪Подвиг народа в Великой Отечественной войне 1941-1945 гг.≫ .
4. ↑ Писатели Марий Эл: биобиблиографический справочник / сост.: А.Васинкин, В.Абукаев и др. ? Йошкар-Ола: Марийское книжное издательство, 2008. ? 752 с. С. 737.