La
malnutrizzion
l'e on stat de manca de nutriment adeguad per on organism. A gh'e du tip de malnutrizzion: la nutrizzion insuficienta e la nutrizzion ecessiva.
La malnutrizzion l'e on problema seri, sia a nivell mondial che local. A gh'e di fator che contribuissen a la malnutrizzion, sia a nivell individual che a social. Al nivell de la persona, ona dieta mia adeguada, on cala de access a di nutriment adeguad, e on manca de cognossenza in su la nutrizzion poden mena a la malnutrizzion. A nivell colletiv, la poverta, la guerra, la mancanza de infrastruture adeguade per la distribuzion del mangia e la discriminazzion poden havegh el so pes.
La prevenzion e el tratament de la malnutrizzion inn important per la salut de la popolazion. La se po prevegni con l'informazzion e cont el da del mangia per quei che poden haveghel no, el trattament de la malnutrizzion inveci l'e different a seconda del tipo de malnutrizzion, e 'l po havegh denter el dopera de integrator nutrizzional o, per quei cont una salut assee compromessa, l'access al
servizzi sanitari
.
La malnutrizzion insuficienta l'e quand che ghe calen di nutrient necessari per el sta ben de l'organism. A gh'e diferent tip de malnutrizzion insuficenta: el vesser sota de pes, la malnutrizzion proteica e la carenza de vitamine e minerai.
- El vesser sota de pes l'e quand che ona persona la pesa men de quell che la deveria pesa, a tegni a ment la soa eta, la soa statura e la soa ativita fisega
- La malnutrizzion proteica l'e quand che ona persona la ricev men rispet a la quantita adeguada de proteine
- La carenza de vitamine e mineral l'e quand che ona persona la ricev men che la quantita adeguada de vitamine e mineral indispensabili per el so sta ben.
La malnutrizzion ecessiva l'e quand che ona persona la ricev trop de 'n quaj nutrient, e quella roba chi la po porta a di problema de salut. La po vegni foeura de 'na dieta mia adeguada o de 'n dopera ecessiv de integrator.
Ligada al mangia trop a l'e l'
obesita
, o ben quand che ona persona la pesa trop rispet a quell che l'e giust, roba che la mena a 'n fort stress per el corp e a 'n volzass di ris'c de varie malatie.