La
Lituania
a l'e un paes de l'
Europa
nord-oriental, bagnad del
Mar Balteg
cont 100 km de linia de costa. La confina cont la
Polonia
e la
Russia
(
exclav
de
Kaliningrad
) a sudovest, cont la
Bielorussia
a sudest e cont la
Letonia
a
Nord
.
Ol so territori l'e squas tut pianura e i uneg muvimeent in representads de un quai
montexell moreneg
ind la zona sud oriental e nord ocidental ; ind el territori lituan se cunta plussee de 3.000
lag
. I fium principai a inn ol
Nemunas
e ol so afluent
Neris
.
In su la costa baltega la se trœva una
laguna
, qe la se slunga in vers infina a tocar la citaa de Kaliningrad.
Ol
clima
l'e intermedi intra quei temperads oceaneg de l'Europa de l'
ovest
e quei plussee continentai de l'
est
; mediament se g'ha dei
invern
plutost freids, un poo plussee dolc in su la costa (
jenar
:
Kaunas
-6 °C,
Klaipeda
-3 °C) e
istad
fresqe, squas istess in su tut ol territori (16-17 °C). I precipitazion a vann intra un massim de 700 mm in su la costa e minim de men de 500 mm ind i zone plussee de dent.
De conseguenza, la vejetazion l'e prevalentement forestal, anca se a'l di d'incœ la quata doma ol 28% de la superfix total ; ol rest l'e stait regalad a l'
agricoltura
. L'ambient l'e, de tut i maner, plutost ben tegnud ; i uneg preocupazion per i ambientalista a vegnen dei
centrai nuclear
, jeneralment ereditade del passad sovieteg (in particolar quella de
Ignalina
).
I prim abitants de la Lituania inn staits i
Balti
, infin del I milleni prima de
Crist
; a partir del
secol XIII
ol territori l'e diventad un
granducad
ereditari.
Ind el secol XIV, cont un matrimoni, l'e comencada l'union cunt la
Polonia
, qe la rivara infina a la fin del '700. Ind el
1795
la Lituania la passa dent ind la
Russia
.
Ind el
1918
, ocupada dei todesc, la se deciara indipendenta ; la so indipendenza la nara inanz infin a'l
1940
quand, insema cont tut i paes del
Balteg
, l'e incorporada ind l'Union Sovietega. Del
1941
a'l
1944
g'e la guerra cont i todesc
nazista
, qe ge mazzen 200.000 juder.
Ind el
1990
ol parlament al deciara l'indipendenza, recognossuda pero doma l'ann qe vegn ; la Lituania l'e naita inanz in su la strada de la
democrazia
, infin a entrar (1/5/
2004
) ind la
NATO
e ind l'
Union Europea
.
La popolazion lituana l'e costituida per incirca ol 85% de lituan etneg, qe parla la
lengua lituana
, vuna dei du lengov anc'mo vive de la fameia
indoeuropea
baltega
. 'Sta percentual insi volta la vegn del fait qe, anca sota ol domini sovieteg, la Lituania l'e semper staita una republega tradizionalista, poc industrializada e qe l'e staita per quest miga invasa dei russ.
I
russ
a cunten per ol 6% complessiv, prevalentement ind i citaa grande e cont una curiositaa : a inn ol 55% ind la citaa de
Visaginas
.
I
polones
a inn incirca ol 6,5%, concentrads ind i rejon del sudest.
Ol
moviment natural
de la popolazion l'e, dei prim agn '90, in negativ ; la popolazion urbana l'e oramai ol 70% del total, per la plupart dent ind i citaa plussee grosse (
Vilnius
, Kaunas, Klaipeda,
Panev??ys
,
?iauliai
).
Te i qi i nom del Paes ind i lengov miga oficai.
- Polones
:
Litwa, Republika Litewska
- Samojizian
:
Lietova
(ol Samugitan l'e un dialet del Lituan)
- Russ
:
Litva, Litovskaja Respublika
(Литва, Литовская Республика)
La Lituania, come tuts i paes de l'ex
Union Sovietega
, g'hann havud de afrontar ol passaj de l'economia socialista del period sovieteg e quella del liber mercad de dop l'indipendenza ; qell passaj qi l'ha portad dei gross problema (
inflazion
, crodada del PIL), ma ol process de liberalizazion de l'economia al s'e mai fermad.
Infin a'l
1945
la Lituania l'era un paes q'al scampava de agricoltura e allevament ; a'l di d'incœ doma ol 7% del
PIL
al vegn de li.
I colture inn quei carateristege dei paes nordeg :
forment
,
biedrava
,
lin
,
pom de terra
,
orj
; i bestie plussee allevade a inn porcei e vaqe.
De notar la pesca (
merluz
).
L'industria l'e prategament nassuda dop ol 1945, cont i sovieteg, qe g'hann metud in pee stabiliments
metallurjeg
,
qimeg
,
mecaneg
. La strutura industrial l'e restada un poo ferma del period sovieteg, e insi qe la Lituania l'e miga bona de competer cont i industrie ocidentai ; una bella part del so trafeg comercal al va de conseguenza anc'mo in vers la Russia, come ind el period sovieteg.
Ol
setor terziari
l'e dree a desvilupar-s : l'e important ol port de Klaipeda, cont la so zona economega libera.
Article by Ruben Berrios Martinez, THE WASHINGTON POST, Washington, D.C., May 23, 1990 / 05-23-1990
La Lituania (nom ofical :
Lietuvos Respublika
) a l'e una republega.
Ol president a l'e ol
Gitanas Naus?da
(del
2019
).
Ol Prim Ministr a l'e ol
Ingrida ?imonyt?
(del
2020
).