Quest articol chi l'e scrivuu in lombard , grafia milanesa .

Quella vos chi la gh'ha minga di font o a hinn tropp pocch. Per piese, gionta di font a la vos. Per ave on'ideja di alter vos senza font, vardee chichinsci .

El persian (nomm nativ ????? f?rs? [f?ː??siː] ) a l'e ona lengua indoeuropea del scepp iranegh . A l'e parlaa in de l' Asia centrala , soratutt in Iran , Afghanistan (indova l'e offizialment recognossuu coma Dari a parti del 1958), in del Tagikistan (recognossuu coma Tagich a parti de l'era sovietega ), e in alter region visin che storegament a eren part del Grand Iran e hann avuu tant di influenz de la cultura persiana. Al di d'incoeu, a gh'hinn al mond pressapoch 110 million de parlant persian.

El persian iranian e quell afghan a hinn scrivuu cont el abecee persian , che l'e ona variant mudifegada de quell arab , ma la so variant tagica l'e scrivuda cont el abecee cirillegh .

El persian del di d'incoeu a l'e la continuazion storega del Persian medi , la lengua offiziala, religiosa, e litteraria de l' Imper sasanid (224-651), e che l'era a so volta la continuazion del Persian antigh , lengua de l' Imper achemenid de l'antichitaa classega; el ciappa el so nomm de l'antiga capital achemenida, Persis (incoeu in la provincia de Fars , Iran); el nomm a l'era P?rs?g in del persian medi (indova -?g , incoeu -? , el gh'ha l'istessa origen de l'"-egh" lombard), ma in del passa al persian modern la /g/ finala l'e borlada gio, menter la /p/ l'e devegnuda /f/ per influenza de la lengua araba , che la gh'ha minga el son /p/ e donca la dopera /f/. El mond cultural de la lengua persiana l'e ciamaa Persofonia , e ona persona che la parla persian a l'e on persofon . La grammatega del persian modern a l'e compagna de quell di tant olter lengov europej.

La lengua persiana l'ha influenzaa (soratutt in del lessegh) tucc i lengov visin, soratutt i lengov turch de l' Asia centrala , del Caucas e de l' Anatolia , i olter lengov iranegh, l' armen , el georgian , e i lengov indoarian , soratutt l' urdu (ona variant de la lengua hindustani ). El persian el gh'ha anca avuu influenza sora la lengua araba , soratutt quella parlada in del Bahrain , ma lu stess l'e staa influenzaa de l'arab a parti de la conquista musulmana de la Persia del secol quell de sett.

Cont ona longa storia litteraria giamo denanz de l' Islam , el persian a l'e staa la primma lengua minga araba del mond islamegh a vess doperada per scriv litteradura, e soratutt la poesia persiana l'e devegnuda ona tradizion de pressapoch tucc i cort nobiliar de l' Asia central e de l' India finn a l' etaa moderna . La litteradura persiana a l'e vuna di pussee important del mond, e la conta oper coma el Shahnameh del Ferdowsi , el Rubaiyat de l' Omar Khayyam , i poesij del Rumi , el Panj Ganj del Nizami Ganjavi , el Div?n de l' Hafez , e do oper de poesia e prosa del Saadi Shirazi , el Gulistan e 'l Bustan .

Variant [ Modifega | modifica 'l sorgent ]

El persian a l'e ona lengua pluricentrica, perche el gh'ha trii standard different:

• El Farsi ( ????? f?rs? ), anca ciamaa Persian Occidental o Persian Iranian , a l'e la variant pussee parlada e la pussee spantegada. A l'e la lengua maggioritaria de l' Iran e l'e anca parlaa de minoranz lenguistegh in l' Iraq e in di staa arab del Golf Persegh .
• El Dari ( ??? dar? ), o Persian Oriental o Persian Afghan , a l'e la variant persiana parlada in l' Afghanistan , dova l'e vuna di do lengov offiziaj (insema al Pashto ) e l'e parlaa de pressapoch la metaa de la popolazion.
• El Tagich ( то?ик? tojik? ) o Persian Tagich a l'e la variant parlada in del Tagikistan e anca da minoranz in Uzbekistan (el dialett de la cittaa de Samarcanda a l'e la bas del tagich standard), Kazakistan , e Kirghizistan ; a parti de l'etaa sovietega, a l'e despess consideraa ona lengua in de per lee, ma l'e anmo comprensibil per i parlant de olter variant persian, soratutt del Dari, anca se el gh'ha pussee arcaismi e paroll ciappaa del russ e di lengov turch visin.

Tucc i region de la Persofonia a gh'hann anca i lor dialett locaj specifegh, e, soratutt in Iran , gh'hinn di lengov locaj coma el Luri , el Lari o el Mazanderani ch'hinn in part comprensibil per i persofon.

Esempi [ Modifega | modifica 'l sorgent ]

El primm articol de la Deciarazion Universala di Diritt Uman :