Verdi fotografaa in del
1876
da Etienne Carjat
El
Giusepp Fortunin Franzesch Verdi
(Roncole,
10 Ottober
1813
-
Milan
27 Genar
1901
) l'e staa on composidor talian, utor de melodramm che hinn ancamo representaa in di teater de tutt el mond.
Verdi l'e nassuu in de la campagna de Roncole, ona frazion de
Busseto
(
Parma
), el 10 Ottober de'l 1813. A l'e 'l fioeu de'a Carlo Verdi, che l'era 'n agricoltor piacentin. Anca se l'era minga ricch, el Giusepp l'e reussi a impara a sona l'orghen perche l'orghenista de la gesa de Roncole ghe l'insegnava a gratis. Dopo quei agn, vist el grand talent de'l Giusepp, gh'e staa anca regalaa 'na spinetta de on bottiatt de'l loeugh. El Giusepp gh'aveva doma quindes agn quand che, in de'l 1828, ona so sinfonia de overtura, in loeugh de quela de Rossini, l'e stada sonada in de la representazion de "El barbee de Siviglia" al teater de Busseto. In de'l 1832 l'e andaa a Milan indoe l'haa cercaa de entraa a'l conservatori de Milan. Purtropp el gh'aveva sorpassa el limit de eta, insci l'ha studiaa sota Vincenzo Lavigna, maester de La Scala. In de'l 1836 a l'ha tolt Margherita Barezzi in miee. In de'l 1839 l'e reussii a fa 'na representazion de 'na so oeuvra a La Scala de Milan; l'era L'Oberto, Conte di San Bonifacio.
Vist el success de l'Oberto, gh'e stada commissionada on'oeuvra comega ciamada Un giorno Di Regno, ma 'l Verdi l'e staa minga bon de scriv 'n oeuvra comeg perche la so miee e i so fioeu eren mort in chi temp li. Dopo quest insuccess Verdi l'ha scrivuu voeuna di oeuver pussee important de la so carrera: El Nabucco. In de l'istoria el poppol giudee l'e s'ciav de'l sovran babilones Nabucodonosor.
L'aria pussee importanta del Nabuco l'e el
Va Penser
.
