Akira Kurosawa

Cambia i conligament
Articol di 1000 che tucc i Wikipedie gh'hann de havégh
De Wikipedia

Chest articol a l'e scricc in Lumbart, ortografea oriental unificada .


'L Akira Kurosawa.


'L Akira Kurosawa (an giapunes : ?澤 明, Kurosawa Akira ; Shinagawa , Tokyo , Giapu , 23 da Mars 1910 - Setagaya , Tokyo , Giapu , 6 da Setembre 1998 ) 'l e stacc an regista , scenegiatur , prudutur sinematografech e scritur giapunes.

Ensidur da tri Oscar , po da chel a la cariera, 'l e stacc ona da le figure puse 'mpurtante 'n dal munt dal sinema dal XX secol .

Biugrafia [ Modifega | modifica 'l sorgent ]

Zoentu e famiglia [ Modifega | modifica 'l sorgent ]

So padre, Isamu Kurosawa, 'l era 'n disendent da 'n clan da samurai e 'l lauraa 'n dal ambient scolastech, mentre so madre, la sciura Shima, la vegnia da 'na famea da mercant. Con tre surele e u fradel, Akira 'l era 'l bagai puse picen da la famiglia Kurosawa.

Anche se 'l Isamu 'l era stacc tirat so con dai valur tradisiunai, a 'l gh'ia 'na mentalita puse dervida e curiuza dai so conasiunai, suratot an dai custom e inovasiu purtade dai usidentai. A 'l incuragiaa po i so s-ciecc a la viziu da pelicule sinematografeghe, anfacc 'l Akira 'l gh'era est al so prim film quant al gh'ia doma ses agn [1] .

Al fredel da 'l Akira, Heigo Kurosawa, 'l era 'nteresat fes a la leteradura , an particular i opere dal William Shakespeare , e a i arti visive usidentai, tant che 'n dai an '20 al gh'era po cuminciat a laura me benshi , an naradur da film mot. La figura dal fradel la g'a it an rol sentral an da la storia dal zoen Akira perche la gh'era trasmetit la pasiu per i film, la leteradura e 'l teatre 'n zeneral. La mort dal Heigo, che 'l sia suicidat an dal 1933 [2] , l'era stada 'n shock bel gros per 'l Akira.

Furmasiu [ Modifega | modifica 'l sorgent ]

An dal 1936 , a l'eta da 25 agn, al Kurosawa 'l gh'era cuminciat a laura per la Photo Chemical Laboratories [3] , ana caza da prudusiu sinematografega, cuma asistent dal regista. Al so talent 'l era stacc asquaze sobet nutat dal diretur Kajiro Yamamoto , che 'l gh'era tacat, tra i altre robe, a 'ncarical an so 'n frach d'aspecc an da la preparasiu dai so film [4] . Adurutura 'n Horse ( Uma , 1941) Kurosawa 'l sia ocupat da po o manch tota la prudusiu 'ntant che Yamamoto 'l lauraa an altre film [5] .

Produsiu e diresiu dai film [ Modifega | modifica 'l sorgent ]

Dopo Horse la cariera dal Kurosawa la sara noma 'n salida. I so film puse famus i e ambientacc quaze tocc 'n dal periot feudal da 'l Imper giapunes ( XIII - XVII secol ). Ana quai dai so pelicule i e po dai adatamencc da i ovre dal Shakespeare , me Ran ( 1985 ), bazat an sol Re Lear , e Al trono da sanch , ispirat al Macbeth . La furtesa niscundida , la storia d'ana prensepesa, 'n zeneral e du cuntadi 'gnurancc e gram, la gh'era it ana bela 'nfluensa 'n sol George Lucas e i so Star Wars . I altre film puse cugnusicc dal Kurosawa, ispirat sempre ai legendare samurai, i e Rashomon , I set samurai , film d'ispirasiu da I magnifech set , e La sfida dal samurai , che la gh'era furnit la baze per al prim film spaghetti-western dal Sergio Leone col Clint Eastwood , Per an pogn da dolare . La sfida dal samurai g'a po 'n sequel , Sanjuro .

Al Kurosawa 'l gh'era laurat anche sura a 'na mocia d'adatamencc dai clasech da la leteradura rusa , cumpres Al pirla , tirat f dal libre dal Dostoevskij , e I bas-funt , ispirat al rumans dal Maksim Gorkij. Sedes dai so film, realizat tra 'l 1948 e 'l 1964 , i era 'nterpretat da atur che i cumparia 'n puse da ona dai so ovre, 'me per ezempe 'l Toshiro Mifune , che 'l gh'era culaburat col Kurosawa 'n dal 1948 con 'L angel cioch e 'n dal 1965 , con Barbarosa .

Dopo chel film che, 'l Kurosawa 'l era pasat dal bianch e negre al culur, con an cambiament apo da stile, prima caraterizat puse dal ves legendare. Al so nof film Dodes'ka-den , che cuma tematighe 'l gh'ia la rapresentasiu dai prublemi da la societa giapuneza, 'l gh'era mia it tant suces. Kurosawa 'l gh'era cuminciat alura a laura 'n so 'n pruget da Hollywood , Tora! Tora! Tora! , ma la 20th Century Fox i 'l era sostituit con Kinji Fukasaku prima da riesi a fini 'l film.

Me conseguensa da chel faliment che, 'l Kurosawa 'l sia fat ciapa dal sconfort e da la depresiu, tant che, po con fedelta al speret uguglius dai so film, 'l gh'era pruat a cupas fo ma sensa mia riesiga. 'L tentara da rimetis so col gira altre film: Dersu Uzala , che ga fara vens 'l Oscar per al "Migliur film forester", Kagemusha , fat ansema al Francis Ford Coppola e 'l George Lucas , e Ran , produsit an Francia , che 'l dientara 'n ver e prope suces internasiunal.

Eta priada [ Modifega | modifica 'l sorgent ]

An da la prudusiu da Speret puse nobel al Kurosawa 'l gh'era fat la cunuscensa da la Y?ko Yaguchi , 'n atris che la dientara so muruza prima e so muer dopo. I sia spuzat an dal 21 da Macc dal 1945, quant le l'era bea 'ncinta da du mes; la copia la restara 'nsema 'nfina a la mort da la Yoko, 'n dal 1985 [6] . Dal matrimone i nas du bagai: u mas-cc, Hisao, nasit al 20 da Dezembre dal 1945, e ona femena, Kazuko, nasida 'l 29 da April dal 1954 [7] .

Stile [ Modifega | modifica 'l sorgent ]

Al stile dal Kurosawa 'l e semples ma estremament spetacular, caraterizat da toni leger e baroch che i s'alterna con altre puse gref e tragech. Tot chest 'l g'a contribuit a la creasiu da 'n sinema legendare priat da la so cumpunent retorega, doca clasech e inuvatif a 'l istes temp.

Filmugrafia [ Modifega | modifica 'l sorgent ]

La lucandina dal film I set samurai , 1954 .

Note [ Modifega | modifica 'l sorgent ]

  1. ↑ Kurosawa, Akira (1983). Something Like an Autobiography. Vintage Books. ISBN 0-394-71439-3 .
  2. ↑ Richie, Donald (1999). The Films of Akira Kurosawa, Third Edition, Expanded and Updated. University of California Press. ISBN 0-520-22037-4 .
  3. ↑ Kurosawa, Akira (1983). Something Like an Autobiography. Vintage Books. ISBN 0-394-71439-3 .
  4. ↑ Goodwin, James. Perspectives on Akira Kurosawa. G. K. Hall & Co. ISBN 0-8161-1993-7 .
  5. ↑ Galbraith, Stuart, IV (2002). The Emperor and the Wolf: The Lives and Films of Akira Kurosawa and Toshiro Mifune. Faber and Faber, Inc. ISBN 0-571-19982-8 .
  6. ↑ Kurosawa, Akira (1983). Something Like an Autobiography. Vintage Books. ISBN 0-394-71439-3 .
  7. ↑ Galbraith, Stuart, IV (2002). The Emperor and the Wolf: The Lives and Films of Akira Kurosawa and Toshiro Mifune. Faber and Faber, Inc. ISBN 0-571-19982-8 .

Culegament da fora [ Modifega | modifica 'l sorgent ]

Utegnuu da " https://lmo.wikipedia.org/w/index.php?title=Akira_Kurosawa&oldid=1274484 "