ZE	Questa pagina a l'e scrita in lengoa zeneize A Grafia adeuvia a l'e quella de l' Academia Ligustica do Brenno

O Lusenburgo ( Letzebuerg in lusenburgheize , prononciou [?l?ts?bu??] ) ^[1] , conosciuo oficialmente comme Granducato de Lusenburgo ( Groussherzogtum Letzebuerg in lusenburgheize , prononciou [??????sh?χtsoːχtum ?l?ts?bu??] ) ^[2] , o l'e 'n paize de l' Eoropa ocidentale sensa sbocco in scio ma.

Giografia [ modifica | modifica wikitesto ]

O Lusenburgo o confinn-a co-o Belgio a nord e a ponente, co-a Germania a levante e co-a Fransa a sud. O l'a 'n'area de 2.586 km ² , tra e ciu picinn-e d'Eoropa ^[3] , e (a-o 2022 ) 'na popolacion de 645.397 personn-e ^[4] , tra e ciu basse do continente ma che, pe contra, a l'e unn-a de quelle co-o tascio de cresciansa ciu ato in asoluto ^[5] . Squæxi a meitæ da popolacion lusenburgheize a l'e de origine foresta ^[6] .

A so capitale, e citæ ciu grande da nacion asci, a l'e Lusenburgo ^[7] , unn-a de quattro capitali de l' Union Eoropea , insemme a Bruxelles , Francoforte e Strasburgo , e a sede da Corte de Giusticia de l'Union Eoropea , a mascima corte pe-o diritto comunitaio ^[8] . A coltua, a lengoa e-e tradicioin lusenburgheixi son streitamente lighæ a quelle di so vexin, con l'identitæ nacionale ch'a l'a di elementi segge da-a coltua franceize che da quella tedesca . L'unica lengoa nacionale a l'e o lusenburgheize , deuvia a ogni moddo insemme a-o franceize e a-o tedesco inte questioin aministrative e giuridiche ^[9] .

Stoia [ modifica | modifica wikitesto ]

Comme momento d'inicio da stoia do Lusenburgo o vegne de solito indicou o 963 , anno into quæ o conte Siegfried o l'a acatou o promontoio rociozo co-i resti do forte roman de Lucilinburhuc (o sæ "castello picin") da-a vixinn-a abacia de San Mascimin , scitoa inta citæ de Trier ^{[10] [11]} . Inti secoli doppo, pe mezo de goære, maiezzi conbinæ e creacioin de vasalli, i discendenti do Siegfried son ariescii a aomenta ben ben i proppi dominni ^[12] . Verso a fin do secolo XIII i Lusenburghi ean arivæ a controla 'n inportante teritoio, tanto che inte l'anno 1308 o conte de Lusenburgo Ricco VII o l'e stæto proclamou Re di Romen e poi Sacro Inpeato Roman asci ^[13] . Oltre a-o Ricco VII, inta cazadda de Lusenburgo son stæti nominæ atri quattro inperatoi, co-o Carlo IV ch'o l'a elevou a contea a-o titolo de Ducato ^[14] .

O ducato o l'e poi introu inta provinsa borgognonn-a e donca comme unn-a de disette provinse di Paixi Basci asburgichi ^[15] . Into corso di secoli a Citæ de Lusenburgo e a so fortessa an pigiou 'na grande inportansa militare apreuvo a-a so poxicion strategica a-a meitæ tra o Regno de Fransa e i teritoi di Asburghi , co-o Granducato ch'o s'e trasformou co-o tenpo inta region ciu fortifica do continente ^[16] . Depoi avei fæto parte segge da Fransa do Loigi XIV che de l' inpero aostriaco co-a Maia Texo , o Lusenburgo o l'e pasou a-a Primma Repubrica Franceize , pe poi fini into Primmo Inpero do Napolion ^[17] .

O moderno stato lusenburgheize o l'e nasciuo apreuvo a-e decixoin do Congresso de Vienna do 1815 . O Granducato, co-e so inportanti fortesse, o l'e donca diventou 'na nacion indipendente sott'a-o dominio persona do Ghigermo I di Paixi Basci e co-ina goarnixon prusciann-a ch'a l'avardava a citæ da-i atacchi franceixi. Inte l'anno 1839 , apreuvo a-e consegoense da rivolucion belga , a parte do Granducato de lengoa franceize a l'e stæta cedua a-o Belgio mentre quella de lengoa lusenburgheize, con l'ececion da citæ de Arlon , a l'e diventa o Lusenburgo d'ancheu ^[18] .

Economia e politica [ modifica | modifica wikitesto ]

O Lusenburgo o l'e 'n paize svilupou , co-in' economia avansa e tra i ciu ati rediti pro capite a-o mondo, valutou a paritæ de potere d'acatto . A Citæ de Lusenburgo, co-o so centro storico, a l'e stæta diciara patrimonio de l'umanitæ da l' UNESCO inte l'anno 1994 apreuvo a l'ececionale stato de conservacion de so miage e da citæ vegia ^[19] .

O Lusenburgo o l'e 'na monarchia costitucionale organiza comme 'na democracia raprezentativa . O so cappo de stato o l'e o granducca Ricco , l'urtimo granducca ancon existente a-a giorna d'ancheu. O l'e un di menbri fondatoi de l' Union Eoropea ^[20] , de Nacioin Unie , de l' OECD , da NATO e do Benelux ^{[21] [22]} . Pe de ciu, inta Citæ de Lusenburgo gh'e e sede de numeroze organizacioin internacionali e agencie de l'Union Eoropea asci. A nacion, tra o 2013 e o 2014 , a l'a pi-a primma votta fæto parte do Conseggio de Seguessa de Nacioin Unie ^[23] . A-o 2020 , i citadin lusenburgheixi poeivan intra sensa a necescitæ d'avei 'n visto, o con senplice visto a l'arivo, in ben 187 nacioin, co-o pasaporto lusenburgheize ch'o l'e defæti o quinto ciu forte a-o mondo, insemme a quelli de Danimarca e de Spagna ^[24] .

Notte [ modifica | modifica wikitesto ]

Bibliografia [ modifica | modifica wikitesto ]

• ( FR ) Joseph Goedert, La Formation territoriale du pays de Luxembourg depuis les origines jusqu'au milieu du XV, siecle , Archives de l'Etat, 1963.
• ( FR ) Gilbert Trausch, Du particularisme a la nation: essais sur l'histoire du Luxembourg de la fin de l'Ancien Regime a la Seconde Guerre mondiale , Editions Saint-Paul, 1989, ISBN   2-879-63062-2 .
• ( FR ) Edouard M. Kayser, Quelque part entre Vienne et Londres: le Grande-Duche de Luxembourg de 1815 a 1867 , Editions Saint-Paul, 1990, ISBN   2-879-63077-0 .
• ( FR ) Jean-Marie Yante, Sources pour l'histoire contemporaine du Grand-Duche de Luxembourg , Archives generales du Royaume, 1992.
• ( EN ) Harry C. Barteau, Historical Dictionary of Luxembourg , Scarecrow Press, 1996, ISBN   0-810-83106-6 .
• ( FR ) Pit Peporte, Inventing Luxembourg: Representations of the Past, Space and Language from the Nineteenth to the Twenty-first Century , BRILL, 2010, ISBN   90-04-18176-8 .
• ( FR ) Emile Haag, Le Luxembourg: une reussite originale au fil des siecles , Binsfeld, 2011, ISBN   2-879-54235-9 .
• ( EN ) Helena Smith, Andy Symington e Donna Wheeler, Lonely Planet Belgium & Luxembourg , 6ª ed., Lonely Planet, 2016, ISBN   1-760-34136-3 .
• ( EN ,  FR ,  DE ) Guy Thewes, a propos... de l’histoire du Luxembourg , Service information et presse du gouvernement luxembourgeois, 2018, ISBN   978-2-87999-277-8 .

Atri progetti [ modifica | modifica wikitesto ]

• Wikimedia Commons a contegne di files in sce Lusenburgo

Colegamenti esterni [ modifica | modifica wikitesto ]

• ( LB ,  EN ,  DE ,  FR ) Scito oficia do governo , in sce gouvernement.lu . URL consultou o 15 arvi 2022 .
• ( FR ) Scito oficia do parlamento , in sce chd.lu . URL consultou o 15 arvi 2022 .
• ( EN ,  DE ,  FR ) Scito turistico oficia , in sce visitluxembourg.com . URL consultou o 15 arvi 2022 .

V  ·  D  ·  M Stati de l' Eoropa
Albania  ·   Andora  ·   Aostria?  ·   Azerbaijan [1]  ·   Belgio  ·   Bieloruscia  ·   Bosnia-Ercegovina  ·   Bulgaria  ·   Citæ do Vatican  ·   Croacia  ·   Danimarca  ·   Estonia  ·   Finlandia  ·   Fransa  ·   Giorgia [1]  ·   Germania  ·   Grecia  ·   Irlanda  ·   Islanda  ·   Italia  ·   Kazakistan [1]  ·   Letonia  ·   Liechtenstein  ·   Litoania  ·   Lusenburgo  ·   Macedonia do Nord  ·   Mata  ·   Moldavia  ·   Monego  ·   Monteneigro  ·   Norveggia  ·   Paixi Basci  ·   Polonia  ·   Portogallo  ·   Regno Unio  ·   Repubrica Ceca  ·   Romania  ·   Ruscia [2]  ·   San Marin  ·   Serbia  ·   Slovachia  ·   Slovenia  ·   Spagna  ·   Svecia  ·   Svisera  ·   Turchia [2]  ·   Ucrainn-a  ·   Ungheria
Riconoscimento limitou	Abkhazia [1]  ·   Kosovo  ·   Osecia do Sud [1]
De facto indipendenti	Transnistria
Dipendense	Danimarca (   Fær Øer )  ·   Regno Unio (   Gibiltæra  ·   Guernsey  ·   Jersey  ·   Izoa de Man )
↑ 1,0 1,1 1,2 1,3 1,4 Stato parcialmente eoropeo a segonda da convencion giografica adota ↑ 2,0 2,1 Parcialmente in Azia