Gexu
o
Gexo
da
Nazaret
, dito
Cristo
(
Betlemme
,
7 a.C.
-
2 a.C.
), o l'e o personaggio principale do
Crestianeximo
, consciderou da-i crestien comme figgio de
Dio
, e unn-a de personn-e che ciu influensa an avuo inta civilizasion ocidentale.
'N'antiga iconn-a do VI secolo rafiguante Gexu Cristo
Dæti personali
Nascita
: Betlemme, 7 a.C - 2 a.C.
Parte da so vitta a l'e contegnua inti
evangei
diti canonichi. O l'e stæto 'n predicato ebreo de regioin storiche da
Galilea
e
Giudea
(antigo
Isræ
). A so nascita a da comenso a l'era crestiann-a e a so morte pe croxifiscion, ciu o meno inte l'anno 33, insemme a-a seu resurecion trei giorni doppo, a l'e vista da-i crestien comme sarvacion de l'umanitæ. I crestien l'intenden comme o
Mescia
tanto aspetou da-i ebrei.
Storicamente, a so nascita, co-a quæ comensa l’era volgare, a peu ese scitoa fra i anni 7 e 2 avanti l’era volgare mæxima (e donca fra o 7 e o 2 "avanti Cristo"!). O so nomme o scignifica, inta lengoa ebraica: "Jehova o l'e a sarvessa". De le parlan i quattro
Evangei
canonichi e dotrei de quelli apocrifi, e gh’e quarche acenno inti scriti do Tacito, do Svetonio e do Plinio o Zoveno.
Segondo a
teologia
catolica (fisa inti primmi quattro concilli) o l'e o Figgio de Dio, Parolla incarna, Dio veo, Ommo veo e a segonda personn-a da Santiscima Trinitæ, mandou in scia Tæra pe riscata l’umanitæ da-o Pecou Originale. Segondo e scritue evangeliche, a trentetrei anni, ricevuo o batezzo da-o Gianbatista, o l’a comensou a so predicacion pigiando con le dozze Apostoli che (doppo a so morte e resurecion) an continoou o so conpito.
A critica storica a no sa di si-a predicacion do Gexu
[1]
a l’e dua un o trei anni ma, a ogni moddo, inte quello periodo o l’a esposto a “bonn-a Neuva” e o l’a conpio tanti miacoi. Segondo a tradicion o l’a celebrou l'urtima Pasqua e o l'a institoio a
Comenion
inte quella ch’a vegne ciama
l'Urtima Cenn-a
.
Doppo, segondo i quattro Evangei canonichi, tradio da-o Giudda, o l'e stæto misso in croxe, o l'e morto e a-o terso giorno o l'e resuscitou; pe 40 giorni o l'e stæto co-i so Apostoli a-i quæ o l'a ordinou de continoa a so miscion e, in scia fin, o l'e stæto portou in Ce, p'asetase a-a drita do Poæ.
Segondo e
Sacre Scritue
, o tornia a-a fin di secoli pe giudica tutti i ommi.
O Gexu o parlava l'
aramaico
, comme tutti i Ebrei de quelli tenpi. De seguo o saveiva leze e scrive in
ebraico
, ’na lengoa ch’a no l’ea ciu parla ma ch’a vegniva deuvia po-u culto e pe-e oracioin. O conosceiva ben e Sacre Scritue comme se peu ben capi da-e parolle da so predicacion.
Segondo o ponto de vista di
Ebrei
, o Gexu o l'e stæto solo 'n predicato itinerante e no o Mescia aspetou; ancon meno o l'e o Figgio de Dio, o no l'a mai fæto miacoi e o no l’e resuscitou doppo morto.
In cangio, a vixon
islamica
a-o vedde comme un di ciu inportanti profeti vegnui primma do Mouma; nasciuo da donna vergine, o l'a fæto tanti miacoi (pe voentæ divinn-a), o no l'e morto e o l'e stæto portou in ce. O tornia in scia tæra a-a fin di tenpi pe conbatte l'anticristo. O no l'ea “figgio de Dio” perche segondo o
Corano
(S?ra CXII)
o no l'a generou ni o l'e stæto generou
.
Se se veu condensa in poche parolle quello ch'o l'e stæto Gexu Cristo e o so insegnamento: o l’a mostrou che tutti i ommi son pægi in faccia a-o Segno e che nisciun peu atriboise poteri sorva i atri ommi; cosa, questa, che ancheu pa ch’a no segge stæta aceta da tutto o mondo!
- ↑
Fæta in gran parte inta Galilea e inti contorni do lago de Tiberiade ? o Ma da Galilea.