Francesco I de Valois , re de Franca (12 set. 1494, castello de Cognac - 31 marco 1547 Rambouillet )

Vitta [ modifica | modifica wikitesto ]

Figgio de Carlo d' Orleans , conte de Angouleme , e da Loiza de Savoia . Mortoghe o 1° zena 1496 o poæ, o n'assonse de fæto a tutela o cappo da caza d'Orleans o ducca Loigi, erede presuntivo da corona; quande questo o successe a-o Carlo VIII (8 arvi 1498), o Francesco, divegnuo a so votta o principe ciu vexin a-o trono, o l'ebbe in appannaggio o ducato de Valois e ghe fu asseguao, sotta a tutela da moæ e a sorveggianca do maresciallo P. de Gie, un'educacion confaxente a-o so poscibile avvegni rega.

A mancanca de prole maschi e o fascino persona de Francesco finin co l'affeciona o Loigi XII a-o probabile erede. Fin da-o 1505 o ghe destino in mogge a figgia Claodia, erede do materno ducato de Bretagna : e nocce, solennemente stipulæ o 2 mazzo 1506, vegnan celebræ o 18 mazzo 1514, appena cheite, co-a morte da rena Anna, l'ostaccolo opposto da-o tenaxe aotonomismo brettone. Fin da-o 3 agosto 1508 o visse a-a corte, presso o re, co-i onoi dovui a-a so doggia qualitæ de erede prezuntivo e de zenneo do sovran. Spiao Loigi XII a nœutte da-o 31 dexembre a-o 1° zena 1515, o ne recugette senca contrasti a succescion.

L'ea pe a Franca un momento de grande floridecca economica e de promettente resveggio in ogni campo. Portava i so fruti a longa paxe interna, l'equa legislacion, a savia politica d'inleggeimento fisca; l'instituto monarchico, zœumoæ sorretto da 'na sada compaggine amministrativa e da 'na discreta conscienca naciona, o godiva d'una popolaritæ senca ezempio. A monarchia franceize, pe prospeitæ mateia, pe soliditæ dinastega, pe assolutecca de governo a l'ea senca pao in Œuropa. L'avvento de 'n re poco ciu che ventenne, pin d'intelligenca e de forca, o fu saiao comme un annoncio radiozo. Fu una bella arba de regno, e a vittoia de Marignan (1515), o trionfante repiggio do programma italian do Loigi XII, o legittimo e maggioi spiance.

Inte l'insemme o regno de Francesco I o doveiva risponde assæ poco a quelle primme inluxoin. Natua fondamentalmente leggia - de dilettante e de sportivo - incapaxe a di sforci tenaxi e a de concecioin precize, in ninte superio a-o so paize e a-a so eppoca, Francesco o portava in sce-o primmo trono d'Œuropa a mentalitæ d'un qualunque principe do Cinquecento. No se pœu di ch'o segge stæto inferio a-i avvegnimenti, visto che gh'ariesci de mantegni, contra de force spesso soverciante, l'indipendenca e l'unitæ da Franca. Ma o l'e 'n fæto ch'o no seppe ese ni un re naciona, conscio di reæ bezœugni do so popolo, ni un veo artefixe da stoia d'Œuropa, sci da impone una solucion franceize a-i problemi œuropei do tempo.

Brillante qualitæ cavaggesche, un'intelligenca viva, averta a tutte e coixitæ do pensceo e a tutte i emocioin de l'arte, una tendenca spontannia a quell'ardente edonismo che o Renascimento o vegniva alloa elevando a idea de vitta, un senso gioxiscimo da propria aotoritæ de sovran e di proppi driti comme propietaio da Franca, ghe permissan de tegni ato comme pochi atri re o prestiggio da corona e de realiza un assolutismo fastozo quæ primma de le no s'ea visto. Nasce alloa o tipo de corte ch'a curminia con Loigi XIV : una folla pittoesca, paccamente lussoza, de gentilommi e de damme, ch'a fa da cornixe cotidiana a-o monarca. E cacce, e giostre, e dance, a galantaia, i viægi, e intræ solenne fan da vitta de corte una festa e una raprezentacion continnoa. Sorgan magniffiche, o magnificamente rinovelæ, e rescidence reæ: Blois , Chambord , "Madrid", Villers-Cotterets , Saint-Germain-en-Laye , Fontainebleau , ecc.

Inta reggia pe eccellenca, Fontainebleau, se vegnan accumulando i oggetti d'arte: vaxi, bronxi, stattoe, arazzi, fravegaie, teie famoze (do Salviati , do Bronzino , do Tician Vecellio , de Lonardo da Vinci , de Michelangelo Buonarroti , ecc.); gh'e ospita, e continuamente inricchia, a splendida recugeita de manoscriti e de libbri che ancœu a costitoisce o ciu preciozo nucleo da Biblioteca Naciona parigina. In grao pe a so indole e pe a so educacion de gusta o lusso inte so forme supremme - e creacioin intellettuæ e artisteghe - Francesco o l'incoraggia e o l'adœuvia, senca preconcetti de nacion, de dotrina, de scœua, tutto co che pœu accresce o splendo spiitua do regno. Ben meito, insemme con quello de "re cavageo" o tittolo de "poæ e restaorato di arte e de lettie". Sorvettutto larga e incitatrixe, decixiva inta stoia do Rinascimento, a so œuvia verso i arte. ^[1] tutta a cosci dita scœua de Fontainebleau, ecc.). Ma vivo l'e asci o so interesse pe e lettie, pe l'erudicion, pe o pensceo. Se pœu di che se desgœugge in gio a le e a-a sœu Margaita tutta a vitta intelletoa do tempo. Do so mecenatismo resta 'na prœuva o Collegio de Franca. Ghe torna a ono avei avuo tra i so famiggiæ Clement Marot , G. Bude , Lefevre d'Etaples , avei gustao e protetto o Rabelais , avei oferto a so protecion a Emo .

Ma questa splendida regalitæ, ch'a g'ha dæto presso l'ata nobiltæ do tempo, presso scritoi e artisti, un'oreola de grandecca e ch'a costitoisce, no gh'e dubbio, un træto esencia da so figua, a no deve porta a de sorvevalutacioin asbriæ. O trovo in le un patron o Renascimento ornamenta e gioiozo: no quello ch'o tendeiva a resciorvise inte 'n rinnovamento religiozo e mora. O no nego inte 'n primmo tempo o so agiutto a l'umanismo antiteologico, a-i novatoi evangelichi a-i quæ ea de scuddo a sœu Margaita; ma a parti da-o dexembre 1533, docile a-e necescitæ da so politica estera, o se assoccia a-i sforci papæ contra l'"erro"; inta violenta reacion ch'a segue a l' affaire des placards (ottobre 1534) o rivalezza de zelo co-a Sorbona e co-o parlamento; o Carvin o ghe dedica invan (marco 1536) l' Institutio religionis christianæ ; l' ordonnance do 1540, l'editto do 30 agosto 1542 prescrivan una represcion spieta: o vedemmo, inti urtimi anni, dominao da-o fanattico cardena de Tournon , firma l'orde de massacro (1° zena 1545) contra i Valdeixi de Merindol .

A corte de Francesco I - dando a-a paola o so senso ciu largo - a no resta, con le, l'esprescion de un sœunno rega, ma a vegne l'incarnacion de una polittica. Senca di organi che mantegnan un ligammo tra o re e a nacion (o parlamento de Parigi o l'e tegnuo in fren; i Stati Generæ no son mai convocæ; o ciu importante di doi conseggi, o Conseil des affaires o l'e reduto a træ o quattro persone cernue da-o re), a corte, sola forca ch'a l'agisce sorve o sovran, a finisce co-o concentra in le tutta a vitta politica do paize. Da co o carattere de zœugo e d'intrigo onde se tenze i ciu gravi interesci nacionæ; da co l'imposcibilitæ de distingue l'œuvia persona do re da quella do so entourage . Luiza de Savoia, o cancele Du Prat , i fræ Du Bellay , o maresciallo Anne de Montmorency no se pœuan conscidera comme di senci conlaboratoi. Favoii e favoiie tegnan una parte do poei: Bonnivet , Chabot de Brion , a contessa de Chateaubriant , a duchessa d'Etampes , pe limitase a-i ciu famoxi.

Se gh'azonze ch'a-a base da magniffica prodigalitæ do monarca gh'e a freida segueca de chi possede un paize ricco e o l'e decizo a falo rende o ciu poscibile. Francesco I o l'e un di re ch'han straggiao ciu dinæ; ma o l'e asci un de quelli ch'han saciuo trovane de ciu. E tailles into 1517 s'elevavan a 2.400.000 livres ; ean into 1543 de 4.600.000. A-e risorse financiaie di so predecesoi o Francesco o n'azonzette de nœuve: imprestiti forcoxi, rendie in sce-o municippio de Pariggi, vendia di oficci. No inferio, pe aviditæ e pe tenaxa, a nisciun di so predecessoi ogni votta che s'ofrisse o drito d'un consolidamento o d'un arriondamento patrimonia, ^[2] o mostro inta so politica streitamente financiaia, specce co-o processo iniquo e l'appiccaxon do Semblancay , una cruecca e un'energia che contrastan co l'intima bontæ do so animo. Benche o ne dagghe into complesso, da-o ponto de vista financiaio, l'imprescion d'un incapaxe, vittima superba di so capricci, da scituacion internaciona, de l'evolucion che subiva l'economia e a financa œuropea, e benche, pe ovvia a-o crescente deficit , o contesse assæ ciu in sce-a riforma de institucioin fiscæ che in sce l'agiutto a-e force produttrixe da ricchecca, manco de queste ghe sfuzzi o valo. Da l'allianca con Soliman , prez., o seppe tra di vantaggi dueivi pe o commercio franceize.

In sce-i problemi da politica interna ebban o sopravento, pe tutta a diata do regno, quelli da politica estera. No cesso mai o stato de guæra: che s'ha o drito de conscidia comme de sence tregue i brevi intervalli de paxe (1516-1520; 1529-1534; 1538-1542). S'ha l'abituddine de conscidera a longa lotta comme a rivalitæ de Francesco I contra Carlo V, daprimma pe l'egemonia de l'Œuropa (1520-1529), e dapœu, una votta apparsa a vanitæ do sœunno egemonico, pe a difeiza de l'equilibbrio œuropeo; se lascia a parte, comme un puo strascin de guære do Loigi XII, a campagna do 1515 ch'a l'inaogua l'attivitæ œuropea do Francesco e a ghe reda o Milaneize. In realtæ tutta a so politica estera a g'ha pe fondamento o vegio programma italian, saiv'a di l'ambicion de fa di possesci italien o fulcro de ciu vasta espanscion.

Tra e force che s'oponan a l'espanscion franceize ghe n'e una ch'a constituisce le asci un peigo pe l'Œuropa: l'enorme potenca aostro-borgognona, fuxon de tutti i dominni e de tutte e preteize de caze de Borgogna , d' Aostria e de Castiggia - Aragon , detentrixe do nomme e da chimea imperia. Abarlugæ da-o mæximo miraggio (l'aspiscima competicion pe l'elecion a l'impeo a l'e comme l'anoncio scimbollico de tutta a so vitta a vegni), pægi in fondo, nonostante i apparente desumegiance, pe mentalitæ politica e pe scistemi de lotta, o Valois e o Borgogna-Asburgo reagiscian ciaschedun a-a menacca inscita inta forca e inte l'ambicion aversaia. Creddan che o conflito o segge da corona a corona e che dipende da liatri o resciorvilo: tanto che zonzan a-a strania proposta de 'n doello.

In realtæ ciaschedun de liatri ha contra de le tutti quelli che temman l'Œuropa asservia a un solo: ciaschedun o trœuva i alliance bastante pe impedi a l'avversaio o trionfo, no pe zonze a-o proppio. A lotta a se protrae a l'infinio, logorante, monottona. Francesco o ghe profonde ommi e dinæ. O compisce prodiggi d'abilitæ e d'energia. O contrapone a l'attiva diplomacia asburgheize una vasta, no meno œuvioza organizzacion diplomatica; o controbatte e campagne de stampa do nemigo; o spande ovunque, coi so agenti segretti, e promisse illuzoie, o dina corutto, i germi d'intrigo; o l'accatta sovren e ministri; o s'attezza a protetto di picceni stati di quæ o cerca l'agiutto, pronto a lasciali soli contra o nemigo e a sacrificali inti trattæ; con realismo maciavellego, pe ninte nœuvo ma no mai appricao con tanta vastitæ e ardimento, o l'ofre a l'Œuropa maavegia o spetaccolo de 'n re crestianiscimo alliao co-o Turco, de un persecuto da riforma alliao coi luteren todeschi; a-a færea tenaggia co-a quæ o Carlo V o l'assequæa in sce tutte e frontee da Franca o risponde co-a creacion de un fronte orienta, lancando contra i ezerciti e e flotte de l'imperato i ezerciti de Soliman e e flotte do Cairedin Barbarossa .

Un'attivitæ no meno noteive o descceiga into campo milita. O l'ha cua che l'artagiaia franceize a l'areste a primma do mondo; o sviluppa e perfeciona e so infantaie (a vittoia de Ceresole a l'e sorvettutto dovua a-i fanti guascoin). Rinœuva con indommita ostinacion i attacchi: pe træ votte o ricuppera o Milaneize, o conquista doe votte o Piemonte. O no reculla denanti a-i ciu ardii scistemi de guæra (campagna de Provenca do 1536). Tutti quelli sforci pero arestan ven. Da-a rente a-e poche vittoie resta sciaccante o numero de sconfite ( Esquiros , Bicocca , Sexia , Pavia , Nappoli , ecc.). O Francesco I e a Franca conobban di oe tragiche; a Pavia (24 freva 1525) o Francesco mæximo o l'e fæto prexone. A so prexonia (fin a-o mazzo 1525 a Pizzighetton e da pœu fin a-o marco 1526 a Madrid ), o grave rescatto di figgi lasciæ in ostaggio in so vexe fin a-o 1° luggio 1530 (1.200.000 scui d'oo), avieivan posciuo ese fatæ a 'na nacion politicamente meno matua o de risorse ciu scarse. Into 1544 o Carlo V o zonze a vinti sole leghe da Pariggi.

Quande o Francesco o mœu (a nœutte do 31 marco 1547, a Rambouillet) no s'intravedde ancon nisciuna solucion stabile a-o gran conflito.

Fra e tære che o re o lasciava a-o so successo gh'ea i stati sabaodi, ocupæ da-o 1536: baze magniffica pe a continoacion de quella politica italiana ch'a l'ea stæta o programma de tutta a so vitta. O no ghe lasciava pero l'orgogioza fiducia co-a quæ o l'aiva incao e tante votte repigiao a lotta. De l'insuccesso l'ea responsabile in parte le mæximo: pe l'eccesciva dupricitæ inti rapporti internacionæ, pe a frequente brutalitæ de so mainee, pe a mancanca de programmi organichi e meditæ, pe a troppa fiduccia inte di generæ incapaxi, pe a so mæxima eroica bravua (Pavia). O no l'ebbe assæ conscienca da nœuva Œuropa ch'a maturava tra i confliti, de l'opoxicion sempre ciu decixiva tra o mondo da Riforma e a latinitæ fedele a Romma. O consolido, restando cattolico, l'aotoritæ mora preiza da l'avversaio comme campion da romanitæ menacca.

Da-a mogge Claodia (1499-1525) o Francesco I o l'ebbe trei figgi: Francesco (1517-1536); Enrico II, nasciuo into 1520; Carlo, ducca d'Orleans, o so prediletto (1522-1545); e quattro figge: Luiza (1515-1517), Carlotta (1516-1524), Madæna (1520-1537), maia a Giacomo V de Scoccia ; Margaita, nasciua into 1523, maia a Manoælo Filiberto ducca de Savoia. Da Lenoa d'Aostria, sœu do Carlo V, spoza into 1530 pe sciugella a paxe co-a Spagna, o no l'ebbe figgi.

Tradicion popola [ modifica | modifica wikitesto ]

Francesco I o l'e arestao inta tradicion popola e lettiaia comme l'eroe de ciu avventurose galantaie. No gh'e nisciun fondamento serio a-a stoia drammatizza da l' Hugo in Le roi s'amuse : che a Diana de Poitiers a l'agge sarvao a vitta a-o poæ, o segno de Saint-Vallier , co-o sacrificcio do so ono; e lettie a Francesco, pubbricæ da Champollion-Figeac comme de Diana de Poitiers , son da contessa de Chateaubriant . Ninte se sa da Belle Ferronniere : solo l'e certo che no pœu rappresenta un'amante de Francesco o cellebre retræto de Lonardo conservao a-o Louvre e dexignao tradicionalmente con quello nomme, essendo stæto veoscimilmente depento tra o 1469 e o 1499. Tarda e de nisciuna attendibilitæ storica a lezendia do stranio maio ch'o l'aviæ contræto apposta a lue pe comunicala co-o tramite da mogge a-o re so riva: de veo gh'e solo l'infecion luetica, de quæ no se sa se o re o segge morto (comme afferma, tra i atri, o Michelet ), ma da quæ de seguo o sofferse.

Notte [ modifica | modifica wikitesto ]

1. ↑ Tra i so protetti se conta nomioxi i meistri italien: Lonardo , o Benvenuto Cellini , o Rosso , o Primaticcio .
2. ↑ O concordao do 1516 ch'o metteiva effettivamente in so man o quarto circa do sœu franceize; a lotta co-o connestabile pe l'ereditæ de Suzanna de Borbon ; a preteiza no mai abbandona, a l'ereditæ milaneize, en solo che e prœuve ciu appaiscente de ta praticitæ irreduxibile.

Colegamenti esterni [ modifica | modifica wikitesto ]

• Wikimedia Commons a contegne di files in sce Francesco I