- Dit artikel is gesjreve in 't
Gelaens
. Omdat 't plaatsgebonge is, maogs doe 't omzette nao 't
Kirchroadsj
, es te dit dialek sjpriks.
Wiel Coerver
(
Kirchroa
,
3 december
1924
- aldao,
22 april
2011
) waas 'ne
voetballer
en latere voetbaltrainer, dae tot hoage laeftied actief bleef.
Coerver waas eine mee dan verdeenstelike voetballer dae 24 jaor actief op ’t hoagste niveau, van 1936 tot 1954 es amateur beij
Bleijerhei
en, toen 't betaald voetbal ingeveurd in Nederlandj, van 1954 tot 1959 es prof biej
Rapid JC
. Met
Rapid JC
, de veurlouper van 't hujige
Roda JC
, woort hae in
1956
kampioen van Nederland. Zien eesjte baan wo-in hae aan de sjlaag ging es trainer waas biej de amateurclub S.V.N., die hae benne ’n paar jaor via titels en kampioensjappe met ongewoon attractief, technisch voetbalsjpel nao de top van ’t amateurvoetbal brach. Vriewaal de helf van de sjpelers van Coervers eesjte succeselftal woort midde jaore zestig metein weggekoch door profclubs.
Later woort hae coach betaald voetbal, eesj biej
Sparta
en daonao biej
NEC
. Zien graotste succes boekde hae aevel biej
Feyenoord
womit hae in
1974
de
UEFA Cup
en de nasjenale titel won. Hae waas daonao nog trainer van ’t Indonesisch Elftal en
Go Ahead Eagles
.
Coerver waas ouch de eesjte voetbaltrainer dae, met zien interesse veur de balfysica en in zien sjtreve nao perfectie, gebruuk maakde van de kennis van bewaegingsweitesjappers, o.a. van ongerzeukesj van de universiteit van
Nijmege
.
Wiel Coerver is aevel veural bekend gewore met de zoagenaamde
Coerver-methode
, die gerich is op ein zoa volledig meugelike balbeheersjing, aangevold met de neuedige techniek. Coerver is vanaaf
1977
in tal van lenj actief (gewaes) om zien methode aan jeugdige voetballers te ongerwieze. Ouch zint d'r beuk en dvd's oetgebrach om de oefensjtof dudelik te make. De Coerver-methode wirt in vol lenj door de nasjenale voetbalbunj en clubs omermd, onger andere door de jeugaafdeiling van
Manchester United
.
Op
24 mei
2008
waort Wiel Coerver door de coaches betaald voetbal (CBV) ongersjeije met de Oeuvrepries beste trainer/coach. Deze pries kroog hae oetgereik oet henj van
Kees Rijvers
.