Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
Sokkerreet.
Sokkerreet
(
Letien
:
Saccharum officinarum
) is e cultuurgewaes det behuuert toete
graasfemielje
(
Gramineae
of
Poaceae
). Pront wie bie anger cultuurgewassen hanjeltj 't zich hie neet om 'n netuurlike saort, mer 'n vergaring van kwieekprodukte. Dees zeen trogk te veuren oppe wilj saort
Saccharum robustum
(mit aldanneet invlood van
Saccharum spontaneum
). In 't vergangene zeen doks
Saccharum barberi
en
Saccharum sinense
es ongersjiejige saorte veurgesteldj, meh dees name waere noe es synoniem gezeen. Sokkerreet vormp de bron van
reetsokker
enne produkte die daovan aafgeledj waere; dit maak 't 'n ikkenomisch wichtig gewas. Toette ontdekking van sokker oet
kroeate
waas 't saap oet sokkerreet de insigste bron veur
taofelsokker
.
De sokkerreetplantj mot omme vief a zes jaor vernuudj waere. In 2011 woort in
Breziel
nag zoea 70% van 't sokkerreet handjmaesig gepaotj. Handjmaesig waere nuuj stengele mit 'n lindje van zoea 50 centimaeter inne grondj gezatj en mit zandj aafgedek. Dit is arbeidsintensief en zwaor werk.
Door
mechanisatie
zal dit perzentaasj nao verwachting flot zakke. Mit 'nen
trakter
en e paotmesjien kan 'tzelvendje werk vaol efficienter gedaon waere. E biekommendj ikkenomisch veurdeil is det mit klender stengele gewirk kan waere, wodoor de koste wiejer zakke.
De plantje greujen hoger op es 't pestuur van 'ne miens enne stengele zeen ousriiep nao e jaor tied. De stengele konne 6 m lank en in doornseej 5 cm diek waere.
