Dit artikel is gesjreve (of begos) in 't Kirchroadsj . Laes hie wie v'r mit de versjillende saorte Limburgs omgaon.

Ronald "Ron" Bilius Weasley , in 't Hollensj Wemel , (1 meets 1980) is ee personage in J.K. Rowlings hoar Harry Potter-bucher. Dit personage is bis noe tsau in alle Harry Potter filme jesjpieeld durch d'r Rupert Grint .

D'r Ron zieng tswai bitste vrung op Hogwarts (Zweinstein) zunt d'r Harry Potter en 't Hermione Ganger (Hermelien Griffel). D'r Ron en d'r Harry zient ziech vuur 't ietsjt in 't ietsjte boch, went d'r Harry perron 9 3/4 zukt; op 't Londens King's Cross Station . Ze deele ing coupe in d'r Hogwarts Express (Zweinsteinexpres). D'r Ron lit d'r Harry kennismaache mit zieng tsaame rat (Scabbers, Schurfie) en d'r Harry deelt sjnuuts mit d'r Ron.

Waarsjauwong: Heionger konne details van d'r aafloop van de jesjiechte sjtoan.

Alle personages in de bucher neume 'm ¨Ron¨, mit oetzondering van 't Luna Lovegood (Loena Leeflang) dat 'm ummer ¨Ronald¨ neumt, en d'r Ron zie ex-vrundinsje, 't Lavender Brown (Belinda Broom), dat 'm ummer "Won-Won" (in de Nederlandsje uvverzetsoeng ¨Ronnieponnie¨) neumt. D'r Ron is d'r zoon van d'r Arthur en 't Molly Weasly (Wemel), en d'r broor van d'r Bill, Charlie, Percy, Fred, George en 't Ginny.

D'r Ron zienge pap, Arthur Wemel, woar bis boch 6 't hoofd van de Afdeeling Misbroechpreventiejoeen Dreuzelvuurwerpe binne 't Ministerie van Tsauberkons, ing lieeg functie mit inge al eeve lieeg loen. As jevolg doava motte de Weasleys vuur d'r Ron voal dinge tswaidehangs aasjaffe, jet dat bij d'r Ron erg jeveulig likt. I zie 6de sjoeeljoar weet d'r Arthur jepromoveerd en weet hee 't hoofd van de Afdeling vuur de Opsjpoerong en Ibesjlaagneemong va Vervalsjte Verdediejongsspruch en Beveiligte Vuurwerpe.

D'r Ron hilt va Tsaubeneerssjaach en liert d'r Harry sjaache. Hee is erg bang vuur sjpinne, durchdat zienge brooor Fred oeets (wie d'r Ron nog kling woar) zienge teddybeer in ing jroeesse sjpin hou je-anderd. D'r Ron veult ziech jerejeld 'd'r mindere' i jezelsjaf. Hee sjteet - vuur zie jeveul - in d'r sjatte van zieng auwere breur; en is doadurch op zuk noa succes. Hee jenist d'rva um in de publiciteit tse sjton, en reageert loeter jet jaloers went angere in 't middelpunt van de belangsjtelling sjtunt, zelfs went 't um d'r Harry of 't Hermione jeet. D'r Ron zieng loyaliteit en vrunksjap tegenuvver d'r Harry en 't Hermione is evvel jans jroees, hee jeet vuur ze durch 't vuur.

Op Hogwarts (Zweinstein) deelt d'r Ron inne sjlofzaal mit d'r Harry, Neville Longbottom (Marcel Lubbermans), Simon Filister en ( Dean Thomas ) Daan Thomas.