Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Port-au-Prince
(in
Haitiaons Creools
:
Potoprens
) is de hoofstad en meisbevolkde vaan de gemeintes vaan
Haiti
, boevaan 't steielek gebeed nao sjatting 2.754.812 inwoeners zou hobbe in
2019
. De lui vaan de stad weure
Port-au-Princiens
en
Port-au-Princess
geneump. Administratief gezeen is Port-au-Prince zoewel de
hoofplaots
vaan 't
departemint
Wes-Haiti
(
Ouest
) es vaan 't
arrondissemint
vaan Port-au-Prince (wat dezelfde naom dreug es de stad). 't Is de twiede
Franstaolege
stad vaan
Noord-Amerika
en de res vaan de
Amerika's
, nao
Montreal
(in
Canada
).
In d'n tied vaan de
Franse Rivvelutie
heet de stad eve de naom
Port-Republicain
gehad, umtot niks in 't Frans gebeed (noch in zien
koloniee
) moch verwieze nao 't
Ancient Regime
('t veurmaoleg Frans Keuninkriek).
Port-au-Prince is altied 't decort gewees vaan de Haitiaonse historie. Nao 'n periood es Spaonse en later es Franse kolonie, woort Haiti oonaofhaankelek in
1894
, nao de
Haitiaonse Rivvelutie
(de einsegste succesvolle
slaove
-opstand in de historie), geinspireerd door de ideaole vaan de
Franse Rivvelutie
in en roond
Paries
. Haiti waor daomet 't ierste oonaofhaankeleke land in Latiens-Amerika en 't ierste pos
koloniaol
zwart land in de wereld. Port-au-Prince is ummertouw
hoofstad
gebleve.
Op
12 jannewarie
2010
woort Haiti groetdeils verwoos door 'nen
eerdsjok
met 'n force vaan 7,3. Ouch de stad Port-au-Prince moos met de groond geliek gemaak weure en daonao gans en al herbouwd weure, veural met d'n daank vaan internationaolen holp.
Port-au-Prince en de res vaan Haiti stoon, zjus wie haoren awwe kolonis Fraankriek, bekind um 't groet aontal
rivveluties
en
opstande
; zoewie die vaan
29 fibberwarie
2004
, wie d'n Haitiaonse
prizzedent
Jean-Bertrand Aristide
moos troktreie nao laangdorende relle.
- Dit artikel is groetdeils euver genomme vaan de
Franstaolege
Wikipedia.