Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Pablo Picasso
(
Malaga
,
Andalusie
,
Spaanje
,
25 oktober
1881
-
Mougins
,
Provence-Alpes-Cote d'Azur
,
Fraankriek
,
8 april
1973
) waor 'ne Spaonse
kunsteneer
. Heer is ein vaan de bekindste
Europese
moderne
sjelders
.
Naodat heer aon de kunsacedemie vaan
Madrid
had gestudeerd verhojzde heer in
1900
nao
Paries
umtot dat in die jaore gezeen woort es de
kunshoofstad
vaan
Europa
. In dees periood hojd heer um de zoevaol maonde aofwisselend in Madrid en Paries. Vaanaof
1905
begint heer ummertouw populairder te weure. Opvallend is tot heer hendeg good oonsleit in de
Vereinegde Staote
, boe in deen tied moderne kuns 'n tougenkelekere cultuur is. In de
Ierste
en
Twiede Wereldoorlog
vech heer aon gein inkele kant met, wat veur 'nen Europeaan taomelek bezunder is in deen tied. Heer hojt naomelek in d'n tied vaan wereldoorloge es Spanjool in Fraankriek, wat twie belaangrieke dinger meint. Es ierste hoof heer neet met te doen in 't Spaons lezjer umtot heer in Fraankriek woent. Es twiede hoof heer evels ouch neet met de vechte in 't Frans lezjer umtot heer geine Fransoos, mer 'ne Spanjool is. De meininge in deen tied euver dit anti-oorlogs gedraag vaan Picasso zien verdeild. D'n eine deenk dat lui 'n veurbeeld zawwe motte numme aon de vrejelevende Pablo, d'n aander nump Picasso 'ne laffeerd dee zien vrun laot hiemele in d'n oorlog, dewijl heer zelf gewoen in Paries blijf sjeldere. Ein vaan de gezette dee ziech zoen hawwing tege-euver Picasso is de
New York Times
. Picasso weurt nao d'n oorlog lid vaan de
Communistische Partij vaan Fraankriek
. In zien gaans leve heet de maan 'n nommerloeze wievaolheid vrouluij. Me kin zeen tot Picasso hendeg deks vaan stijl veranderd en daomet 'n nuie periood ingeit. Dees periood is zoe good wie ummertouw geleenk met 'n nuie leefde. Op chronologisch volgorde nump me die periode: de bloj, raos, kubistisch, klesiek, surrealistisch, abstrak en laat periood. De laat periood is mesjiens wel 't bekinds. Heer trok ziech trok oet de publiciteit en maakde in dees period de mieste werke vaan zie leve.