Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
Publius Ovidius Naso
of
Ovied
(
Sulmo
,
20 mieert
,
43 v. Chr.
-
Tomis
,
17 n. Chr.
) behuuertj same mit
Vergilius
,
Horatius
,
Propertius
en
Tibullus
toete groeate dichters oete
Augusteische periood
. Samie mitte ieeste twiee wuuertj t'r besjoewdj es de canonieke dichters vanne Letiense litteratuur. Mitte litste twiee vormp t'r de elegiaci. Ovidius waas 'ne vrundj van Propertius,
Bassus
en
Ponticus
. Vergilius en Tibullus woren al gestorve veurdet Ovidius die hej konne treffe.
Ovidius zien poezie steitj bekendj veur zie speels en vernujendj karakter, veural inne meneer worop wuuertj omgegange mit traditioneel verhaolen en genres. Zie bekendjste wirke zeen de
Metamorphoseon libri
, e mythologisch epos, de
Heroides
, 'n vergaoring aan breve van, veurnamelik, mythologische vrouwen aan haor minnieers; de
Ars Amatoria
, e lieerdich euver verleijingstechnieke; enne
Amores
, 'n vergaoring aan elegieje. Ouch sjreef t'r de
Tristia
enne
Epistulae ex Ponto
, twiee gedichtebunjele gesjreve tiejes zien verbanning ane
Zwarte Ziee
. Wiejer is Ovidius bekendj veur zien onvoltoeadje
Fasti
, e gedich euvere Romeinse klender en 'n wichtige historische bron euver Romeinse fieester. De poezie van Ovidius is vaolvoljig geimiteerdj gewaore tiejes de
Late Aadheid
enne
Middelieeven
en haet 'ne groeaten invlood gehadj oppe Europese kons en litteratuur.